• Home
  • »
  • News
  • »
  • punjab
  • »
  • CHANDIGARH ACCIDENT A YOUNG MAN WENT FOR WALK AND HIT BY SPEEDING CAR KILLING HIM AND INJURING ONE KS

Accident: ਸੈਰ ਕਰਨ ਨਿਕਲੇ ਨੌਜਵਾਨ ਨੂੰ ਤੇਜ਼ ਰਫ਼ਤਾਰ ਕਾਰ ਨੇ ਦਰੜਿਆ, ਹੋਈ ਮੌਤ, ਇੱਕ ਜ਼ਖ਼ਮੀ

Accident: ਮ੍ਰਿਤਕ ਨੌਜਵਾਨ ਦੀ ਪਛਾਣ 21 ਸਾਲਾ ਅਮਿਤ ਸੀਮਾਰ ਵਾਸੀ ਮਕਾਨ ਨੰਬਰ-327ਏ ਕ੍ਰਿਸ਼ਨਾ ਐਨਕਲੇਵ ਢਕੌਲੀ ਵਜੋਂ ਹੋਈ ਹੈ। ਜਦਕਿ ਜ਼ਖਮੀ ਦੀ ਪਛਾਣ 24 ਸਾਲਾ ਰਾਹੁਲ ਵਾਸੀ ਮਕਾਨ ਨੰਬਰ-559 ਸੈਕਟਰ-19 ਪੰਚਕੂਲਾ ਵਜੋਂ ਹੋਈ ਹੈ, ਜੋ ਹਸਪਤਾਲ ਵਿਚ ਜ਼ੇਰੇ ਇਲਾਜ ਹੈ।

  • Share this:
ਮੋਹਾਲੀ: ਜ਼ੀਰਕਪੁਰ (Zirakpur) ਦੇ ਢਕੌਲੀ ਥਾਣੇ ਨਜ਼ਦੀਕ ਪੰਚਕੂਲਾ ਹਾਈਵੇਅ 'ਤੇ ਮਮਤਾ ਇਨਕਲੇਵ ਸਾਹਮਣੇ ਸਵੇਰੇ ਪੈਦਲ ਜਾ ਰਹੇ ਦੋ ਨੌਜਵਾਨਾਂ ਨੂੰ ਤੇਜ਼ ਰਫਤਾਰ ਵਾਹਨ ਨੇ ਟੱਕਰ ਮਾਰ (Accident) ਦਿੱਤੀ। ਦੋਵਾਂ ਜ਼ਖ਼ਮੀਆਂ ਨੂੰ ਇਲਾਜ ਲਈ ਨਿੱਜੀ ਹਸਪਤਾਲ ਲਿਜਾਇਆ ਗਿਆ, ਜਿੱਥੇ ਡਾਕਟਰਾਂ ਨੇ ਇੱਕ ਨੌਜਵਾਨ ਨੂੰ ਮ੍ਰਿਤਕ ਐਲਾਨ ਦਿੱਤਾ। ਮ੍ਰਿਤਕ ਨੌਜਵਾਨ ਦੀ ਪਛਾਣ 21 ਸਾਲਾ ਅਮਿਤ ਸੀਮਾਰ ਵਾਸੀ ਮਕਾਨ ਨੰਬਰ-327ਏ ਕ੍ਰਿਸ਼ਨਾ ਐਨਕਲੇਵ ਢਕੌਲੀ ਵਜੋਂ ਹੋਈ ਹੈ। ਜਦਕਿ ਜ਼ਖਮੀ ਦੀ ਪਛਾਣ 24 ਸਾਲਾ ਰਾਹੁਲ ਵਾਸੀ ਮਕਾਨ ਨੰਬਰ-559 ਸੈਕਟਰ-19 ਪੰਚਕੂਲਾ ਵਜੋਂ ਹੋਈ ਹੈ, ਜੋ ਹਸਪਤਾਲ ਵਿਚ ਜ਼ੇਰੇ ਇਲਾਜ ਹੈ।

ਡਾਕਟਰਾਂ ਮੁਤਾਬਕ ਰਾਹੁਲ ਦੀ ਲੱਤ 'ਚ ਫਰੈਕਚਰ ਹੋ ਗਿਆ ਹੈ। ਜਾਂਚ ਅਧਿਕਾਰੀ ਲਾਭ ਸਿੰਘ ਨੇ ਦੱਸਿਆ ਕਿ ਪੁਲੀਸ ਨੇ ਜ਼ਖ਼ਮੀ ਰਾਹੁਲ ਦੇ ਬਿਆਨਾਂ ’ਤੇ ਅਣਪਛਾਤੇ ਕਾਰ ਚਾਲਕ ਖ਼ਿਲਾਫ਼ ਆਈਪੀਸੀ ਦੀ ਧਾਰਾ 304ਏ, 338 ਅਤੇ 427 ਤਹਿਤ ਕੇਸ ਦਰਜ ਕਰ ਲਿਆ ਹੈ। ਪੁਲਿਸ ਅਣਪਛਾਤੇ ਕਾਰ ਚਾਲਕ ਦਾ ਪਤਾ ਲਗਾਉਣ ਲਈ ਹਾਦਸੇ ਵਾਲੀ ਥਾਂ ਦੇ ਆਲੇ-ਦੁਆਲੇ ਲੱਗੇ ਸੀਸੀਟੀਵੀ ਕੈਮਰਿਆਂ ਦੀ ਫੁਟੇਜ ਦੀ ਜਾਂਚ ਕਰ ਰਹੀ ਹੈ।

ਪੁਲਿਸ ਨੂੰ ਦਿੱਤੇ ਬਿਆਨਾਂ 'ਚ ਜ਼ਖਮੀ ਰਾਹੁਲ ਨੇ ਦੱਸਿਆ ਕਿ ਉਹ ਬੀਤੇ ਦਿਨ ਕਰੀਬ 4 ਵਜੇ ਘਰੋਂ ਸੈਰ ਕਰਨ ਲਈ ਨਿਕਲਿਆ ਸੀ। ਰਸਤੇ ਵਿੱਚ ਉਹ ਆਪਣੇ ਦੋਸਤ ਅਮਿਤ ਸੀਮਰ ਨੂੰ ਮਿਲਿਆ। ਦੋਵੇਂ ਸੈਰ ਕਰਨ ਲਈ ਪੰਚਕੂਲਾ ਵੱਲ ਚੱਲ ਪਏ। ਪਰ ਜਦੋਂ ਉਹ ਫੁੱਟ ਓਵਰ ਬ੍ਰਿਜ 'ਤੇ ਮਮਤਾ ਇਨਕਲੇਵ ਦੇ ਸਾਹਮਣੇ ਪਹੁੰਚਿਆ ਤਾਂ ਪਿੱਛੇ ਤੋਂ ਆ ਰਹੀ ਅਣਪਛਾਤੀ ਕਾਰ ਨੇ ਉਸ ਨੂੰ ਟੱਕਰ ਮਾਰ ਦਿੱਤੀ। ਹਾਦਸੇ ਵਿੱਚ ਦੋਵੇਂ ਗੰਭੀਰ ਜ਼ਖ਼ਮੀ ਹੋ ਗਏ, ਜਿਨ੍ਹਾਂ ਨੂੰ ਇਲਾਜ ਲਈ ਨਿੱਜੀ ਹਸਪਤਾਲ ਲਿਜਾਇਆ ਗਿਆ, ਜਿੱਥੇ ਅਮਿਤ ਦੀ ਮੌਤ ਹੋ ਗਈ।
Published by:Krishan Sharma
First published: