Assembly Election Exit Poll: ਜਾਣੋ 2017 'ਚ ਕਿਹੋ ਜਿਹੇ ਸਨ ਪੰਜਾਬ ਐਗਜ਼ਿਟ ਪੋਲ ਨਤੀਜੇ, ਕੀ ਸੀ ਅਸਲੀਅਤ

ਚੰਡੀਗੜ੍ਹ: Punjab Election Exit Poll: ਦੇਸ਼ ਦੇ ਪੰਜ ਰਾਜਾਂ ਵਿੱਚ ਅੱਜ ਚੋਣਾਂ ਮੁਕੰਮਲ ਹੋ ਜਾਣਗੀਆਂ। ਹੁਣ ਸਭ ਦੀਆਂ ਨਜ਼ਰਾਂ ਐਗਜ਼ਿਟ ਪੋਲ 'ਤੇ ਟਿਕੀਆਂ ਹੋਈਆਂ ਹਨ। ਅੱਜ ਇਹ ਟੈਲੀਵਿਜ਼ਨ 'ਤੇ ਦਿਖਾਇਆ ਜਾਵੇਗਾ। ਐਗਜ਼ਿਟ ਪੋਲ ਦੱਸਦੇ ਹਨ ਕਿ ਕਿਸ ਰਾਜ ਵਿੱਚ ਕਿਹੜੀ ਪਾਰਟੀ ਜਿੱਤ ਰਹੀ ਹੈ ਅਤੇ ਕਿਹੜੀ ਹਾਰ ਰਹੀ ਹੈ। ਅਜਿਹੇ 'ਚ ਇਹ ਜਾਣਨਾ ਜ਼ਰੂਰੀ ਹੈ ਕਿ ਐਗਜ਼ਿਟ ਪੋਲ ਨੇ 2017 ਦੀਆਂ ਵਿਧਾਨ ਸਭਾ ਚੋਣਾਂ (2017 exit poll accuracy) 'ਚ ਕਿੰਨੀ ਸਹੀ ਭਵਿੱਖਬਾਣੀ ਕੀਤੀ ਸੀ। 2017 ਦੀਆਂ ਪੰਜਾਬ ਚੋਣਾਂ ਵਿੱਚ ਐਗਜ਼ਿਟ ਪੋਲ ਦੀ ਭਵਿੱਖਬਾਣੀ ਵੀ ਸਹੀ ਨਹੀਂ ਰਹੀ। ਸਾਰੇ ਐਗਜ਼ਿਟ ਪੋਲ ਆਮ ਆਦਮੀ ਪਾਰਟੀ ਨੂੰ ਸਭ ਤੋਂ ਵੱਧ ਸੀਟਾਂ ਦੇ ਰਹੇ ਸਨ ਪਰ 'ਆਪ' ਸਿਰਫ਼ 20 ਸੀਟਾਂ 'ਤੇ ਹੀ ਸਿਮਟ ਗਈ ਅਤੇ ਕਾਂਗਰਸ ਨੇ 77 ਸੀਟਾਂ ਜਿੱਤ ਕੇ ਪੂਰਨ ਬਹੁਮਤ ਦੀ ਸਰਕਾਰ ਬਣਾਈ।

Exit Poll 2022 Results LIVE: ਪੰਜਾਬ 'ਚ 'AAP' ਕੀ ਸਰਕਾਰ, 4 ਰਾਜਾਂ 'ਚ ਲਹਿਰਾ ਰਿਹੈ ਭਾਜਪਾ ਦਾ 'ਕਮਲ'!...ਵੇਖੋ ਲਈ ਕਲਿੱਕ ਕਰੋ

ਪੰਜਾਬ ਵਿੱਚ 117 ਵਿਧਾਨ ਸਭਾ ਸੀਟਾਂ ਹਨ। ਸਰਕਾਰ ਬਣਾਉਣ ਲਈ 59 ਸੀਟਾਂ ਦੀ ਲੋੜ ਹੈ। 2017 ਦੇ ਐਗਜ਼ਿਟ ਪੋਲ ਵਿੱਚ, ਨਿਊਜ਼ਐਕਸ ਐਮਆਰਸੀ ਨੇ 'ਆਪ' ਨੂੰ 55 ਸੀਟਾਂ ਦਿੱਤੀਆਂ ਸਨ ਪਰ 'ਆਪ' ਸਿਰਫ਼ 20 ਸੀਟਾਂ ਹੀ ਜਿੱਤ ਸਕੀ।

'ਆਪ' ਦੇ ਸਭ ਤੋਂ ਵੱਧ ਸੀਟਾਂ 'ਤੇ ਫੇਲ ਹੋਣ ਦੀ ਕੀਤੀ ਗਈ ਸੀ ਭਵਿੱਖਬਾਣੀ

2017 ਦੇ ਚੋਣ ਨਤੀਜਿਆਂ ਤੋਂ ਪਹਿਲਾਂ ਆਖਰੀ ਪੜਾਅ ਦੀ ਪੋਲਿੰਗ ਤੋਂ ਬਾਅਦ ਮੀਡੀਆ ਕੰਪਨੀਆਂ ਦੁਆਰਾ ਐਗਜ਼ਿਟ ਪੋਲ ਦੇ ਅੰਕੜੇ ਪੇਸ਼ ਕੀਤੇ ਗਏ ਸਨ। ਇਸ ਐਗਜ਼ਿਟ ਪੋਲ 'ਚ ਕੋਈ ਵੀ ਕੰਪਨੀ ਕਾਂਗਰਸ ਨੂੰ 55 ਤੋਂ ਵੱਧ ਸੀਟਾਂ ਦੇਣ ਲਈ ਤਿਆਰ ਨਹੀਂ ਸੀ ਪਰ ਕਾਂਗਰਸ ਨੇ ਬਹੁਮਤ ਤੋਂ ਕਾਫੀ ਅੱਗੇ 77 ਸੀਟਾਂ ਜਿੱਤ ਲਈਆਂ। ਕੈਪਟਨ ਅਮਰਿੰਦਰ ਸਿੰਘ ਦੀ ਅਗਵਾਈ ਹੇਠ ਸਰਕਾਰ ਬਣੀ ਸੀ। ਇਸ ਵਾਰ ਅਮਰਿੰਦਰ ਸਿੰਘ ਨੇ ਕਾਂਗਰਸ ਤੋਂ ਦੂਰੀ ਬਣਾ ਲਈ ਹੈ ਅਤੇ ਭਾਜਪਾ ਨਾਲ ਸਮਝੌਤਾ ਕਰ ਲਿਆ ਹੈ। 2017 ਦੇ ਐਗਜ਼ਿਟ ਪੋਲ ਵਿੱਚ, NewsX MRC ਨੇ ਸ਼੍ਰੋਮਣੀ ਅਕਾਲੀ ਦਲ ਭਾਜਪਾ ਗਠਜੋੜ ਨੂੰ 0 ਤੋਂ 7 ਸੀਟਾਂ, ਕਾਂਗਰਸ ਨੂੰ 55 ਅਤੇ 'ਆਪ' ਨੂੰ 55 ਸੀਟਾਂ ਦਿੱਤੀਆਂ ਪਰ ਸ਼੍ਰੋਮਣੀ ਅਕਾਲੀ ਦਲ ਭਾਜਪਾ ਗਠਜੋੜ ਨੂੰ ਸਿਰਫ਼ 18 ਸੀਟਾਂ ਅਤੇ 'ਆਪ' ਨੂੰ 20 ਸੀਟਾਂ ਮਿਲੀਆਂ।