PSEB ਦੇ ਫੈਸਲੇ ਤੋਂ 12ਵੀਂ ਦੇ ਵਿਦਿਆਰਥੀ ਪ੍ਰੇਸ਼ਾਨ, ਇੱਕ ਦਿਨ 'ਚ ਦੇਣੀਆਂ ਪੈ ਰਹੀਆਂ 2 ਪ੍ਰੀਖਿਆਵਾਂ

ਚੰਡੀਗੜ੍ਹ/ਲੁਧਿਆਣਾ: ਪੰਜਾਬ ਸਕੂਲ ਸਿੱਖਿਆ ਬੋਰਡ (PSEB) ਦੀ ਬਾਰ੍ਹਵੀਂ ਜਮਾਤ (12th Class Student) ਦੇ ਵਿਦਿਆਰਥੀ ਸਿੱਖਿਆ ਬੋਰਡ ਦੇ ਫੈਸਲੇ ਕਾਰਨ ਪ੍ਰੇਸ਼ਾਨ ਹੋ ਰਹੇ ਹਨ। ਵਿਦਿਆਰਥੀਆਂ ਵੱਲੋਂ ਇੱਕ ਦਿਨ ਵਿੱਚ ਦੋ ਪ੍ਰੀਖਿਆਵਾਂ ਦਿੱਤੀਆਂ ਜਾ ਰਹੀਆਂ ਹਨ, ਜੋ ਕਿ ਉਨ੍ਹਾਂ ਲਈ ਮੁਸੀਬਤ ਬਣੀ ਹੋਈ ਹੈ। ਬੀਤੇ ਦਿਨ ਵਿਦਿਆਰਥੀਆਂ ਨੂੰ ਪਹਿਲਾਂ ਸਵੇਰ ਦੀ ਸ਼ਿਫਟ (9 ਤੋਂ 10.30 ਵਜੇ) ਵਿੱਚ ਹਿੰਦੀ ਦੀ ਪ੍ਰੀਖਿਆ ਲਈ ਹਾਜ਼ਰ ਹੋਣਾ ਪਿਆ ਅਤੇ ਬਾਅਦ ਵਿੱਚ ਦੁਪਹਿਰ ਸਮੇਂ ਪ੍ਰੀਖਿਆ ਦੇਣੀ ਪੈ ਰਹੀ ਹੈ।

ਪੰਜਾਬ ਸਿੱਖਿਆ ਬੋਰਡ ਦੇ ਇੱਕ ਦਿਨ ਵਿੱਚ 2 ਪ੍ਰੀਖਿਆਵਾਂ ਦੇ ਫੈਸਲੇ ਨਾਲ ਵਿਦਿਆਰਥੀ ਪ੍ਰੇਸ਼ਾਨ ਨਜ਼ਰ ਆ ਰਹੇ ਹਨ। ਬੀਤੇ ਦਿਨ ਬੋਰਡ ਵੱਲੋਂ ਬਾਰ੍ਹਵੀਂ ਜਮਾਤ ਦੇ ਹਿਊਮੈਨਟੀਜ਼ ਦੇ ਵਿਦਿਆਰਥੀਆਂ ਨੇ ਇਤਿਹਾਸ ਅਤੇ ਕਲਾ, ਇਤਿਹਾਸ, ਲੇਖਾਕਾਰੀ, ਸੰਸਕ੍ਰਿਤ, ਮਨੋਵਿਗਿਆਨ ਅਤੇ ਗ੍ਰਹਿ ਵਿਗਿਆਨ ਦੀ ਪ੍ਰੀਖਿਆ ਦਿੱਤੀ। ਇਸਤੋਂ ਇਲਾਵਾ ਸਾਇੰਸ ਦੇ ਵਿਦਿਆਰਥੀਆਂ ਦੀ ਕੈਮਿਸਟਰੀ ਦੀ ਪ੍ਰੀਖਿਆ ਸੀ ਅਤੇ ਕਾਮਰਸ ਦੇ ਵਿਦਿਆਰਥੀਆਂ ਦੀ ਉਸ ਦਿਨ ਅਕਾਊਂਟੈਂਸੀ ਦੀ ਪ੍ਰੀਖਿਆ ਸੀ।

ਟਾਈਮਜ਼ ਆਫ਼ ਇੰਡੀਆ ਦੀ ਖ਼ਬਰ ਅਨੁਸਾਰ, ਲੁਧਿਆਣਾ ਦੀ ਗੁਰਜੀਤ ਕੌਰ ਜੋ ਕਿ GSSS, PAU ਦੀ 12ਵੀਂ ਜਮਾਤ ਦੀ ਵਿਦਿਆਰਥਣ ਹੈ, ਨੇ ਕਿਹਾ, “ਮੇਰੇ ਕੋਲ ਇਤਿਹਾਸ ਅਤੇ ਲੇਖਾਕਾਰੀ ਦੀਆਂ ਪ੍ਰੀਖਿਆਵਾਂ ਸਨ, ਜੋ ਮੈਂ ਦੋ ਸ਼ਿਫਟਾਂ ਵਿੱਚ ਲਿਖੀਆਂ ਹਨ। ਦੋਵਾਂ ਪੇਪਰਾਂ ਵਿਚਕਾਰ ਸ਼ਾਇਦ ਹੀ ਕੋਈ ਬ੍ਰੇਕ ਦਿੱਤੀ ਗਈ। ਬੋਰਡ ਨੂੰ ਉਨ੍ਹਾਂ ਨੂੰ ਵੱਖ-ਵੱਖ ਦਿਨਾਂ 'ਤੇ ਸਲਾਟ ਕਰਨਾ ਚਾਹੀਦਾ ਸੀ ਕਿਉਂਕਿ ਵਿਦਿਆਰਥੀ ਪ੍ਰੀਖਿਆਵਾਂ ਦੇ ਨਾਲ-ਨਾਲ ਵਿਸ਼ੇ ਸਿੱਖਣ ਦੌਰਾਨ ਉਲਝਣ ਵਿਚ ਪੈ ਜਾਂਦੇ ਹਨ।

ਬੁੱਧਵਾਰ 17 ਵਿਦਿਆਰਥੀਆਂ ਨੇ GSSS, PAU ਵਿਖੇ ਦੋ ਇਮਤਿਹਾਨ ਦਿੱਤੇ ਅਤੇ ਹੋਰ ਬਹੁਤ ਸਾਰੇ ਅਜਿਹੇ ਸਨ, ਜਿਨ੍ਹਾਂ ਨੇ ਦੂਜੇ ਕੇਂਦਰਾਂ 'ਤੇ ਪ੍ਰੀਖਿਆਵਾਂ ਦੇਣੀਆਂ ਪਈਆਂ। ਕੁਝ ਵਿਦਿਆਰਥੀਆਂ ਨੇ ਕਿਹਾ ਕਿ ਇਤਿਹਾਸ ਦੀ ਪ੍ਰੀਖਿਆ ਸਖ਼ਤ ਸੀ। ਬਾਰ੍ਹਵੀਂ ਜਮਾਤ (ਹਿਊਮੈਨਟੀਜ਼) ਦੇ ਵਿਦਿਆਰਥੀ ਮਨਦੀਪ ਨੇ ਕਿਹਾ, “ਮੈਨੂੰ ਇਤਿਹਾਸ ਦਾ ਪ੍ਰਸ਼ਨ ਪੱਤਰ ਔਖਾ ਲੱਗਿਆ। ਨਾਲ ਹੀ, ਪੈਟਰਨ ਨਮੂਨੇ ਦੇ ਪੇਪਰ ਤੋਂ ਵੱਖਰਾ ਸੀ।"

ਉਧਰ, 12ਵੀਂ ਜਮਾਤ (ਵੋਕੇਸ਼ਨਲ) ਦੇ ਵਿਦਿਆਰਥੀ ਵਿਕਾਸ ਕੁਮਾਰ ਨੇ ਕੰਪਿਊਟਰ ਸਾਇੰਸ ਦੀ ਪ੍ਰੀਖਿਆ ਦਿੱਤੀ ਸੀ, ਜਿਸ ਨੇ 25 ਮਿੰਟਾਂ ਵਿੱਚ ਪ੍ਰੀਖਿਆ ਪੂਰੀ ਕੀਤੀ। ਉਸ ਨੇ ਕਿਹਾ ਕਿ ਇਹ ਆਸਾਨ ਸੀ. ਈਵਿੰਗ ਕ੍ਰਿਸਚੀਅਨ ਸਕੂਲ ਦੇ ਮਸੀਹ, ਜਿਸ ਨੇ ਬਾਰ੍ਹਵੀਂ ਜਮਾਤ ਦੀ ਕੈਮਿਸਟਰੀ ਦੀ ਪ੍ਰੀਖਿਆ ਦਿੱਤੀ, ਨੂੰ ਇਹ ਆਸਾਨ ਲੱਗਿਆ। ਅਕਾਊਂਟੈਂਸੀ ਪ੍ਰੀਖਿਆ ਲਿਖਣ ਵਾਲੇ ਜਸਕਰਨ ਨੇ ਕਿਹਾ, "ਇਹ ਲੰਬਾ ਅਤੇ ਔਖਾ ਸੀ, ਖਾਸ ਕਰਕੇ ਜ਼ਬਤ ਦੀ ਧਾਰਨਾ ਵਾਲੇ ਸਵਾਲ।"