ਕਾਂਗਰਸ ਨੇ ਰਚਿਆ ਸੀ ਘਟਨਾਕ੍ਰਮ, PM ਸੁਰੱਖਿਆ ਕੋਤਾਹੀ 'ਤੇ 'ਬੋਲੇ ਬਾਜਵਾ; ਕਾਂਗਰਸੀ MLA ਨੇ ਕੀਤੀ ਸੀ ਜਾਣਕਾਰੀ ਲੀਕ

ਚੰਡੀਗੜ੍ਹ: Punjab Election 2022: ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੀ ਫਿਰੋਜ਼ਪੁਰ ਰੈਲੀ ਤੋਂ ਪਹਿਲਾਂ ਸੁਰੱਖਿਆ 'ਚ ਅਣਗਹਿਲੀ (PM Modi Security Breach) ਸਾਹਮਣੇ ਆਉਣ ਪਿੱਛੋਂ ਸਿਆਸੀ (Punjab Politics) ਮਾਹੌਲ ਪੂਰੀ ਤਰ੍ਹਾਂ ਭਖਿਆ ਹੋਇਆ ਹੈ। ਜਿਥੇ ਮਾਮਲੇ ਦੀ ਜਾਂਚ ਲਈ ਪੰਜਾਬ (Punjab government) ਅਤੇ ਕੇਂਦਰ ਸਰਕਾਰ (Central Government) ਵੱਲੋਂ ਕਮੇਟੀਆਂ ਗਠਤ ਕੀਤੀਆਂ ਗਈਆਂ, ਉਥੇ ਕਾਂਗਰਸ (Conress) ਅਤੇ ਵਿਰੋਧੀ ਪਾਰਟੀਆਂ ਵੀ ਇੱਕ-ਦੂਜੇ 'ਤੇ ਸਿਆਸੀ ਤੀਰ ਛੱਡ ਰਹੇ ਹਨ। ਪ੍ਰਧਾਨ ਮੰਤਰੀ ਦੀ ਸੁਰੱਖਿਆ 'ਚ ਕੋਤਾਹੀ ਮਾਮਲੇ 'ਚ ਭਾਜਪਾ (BJP) ਆਗੂ ਫਤਿਹਜੰਗ ਸਿੰਘ ਬਾਜਵਾ (FatehJang Singh Bajwa) ਨੇ ਇਸ ਪੂਰੇ ਘਟਨਾਕ੍ਰਮ ਨੂੰ ਕਾਂਗਰਸ ਵੱਲੋਂ ਰਚਿਆ ਦੱਸਿਆ ਹੈ ਅਤੇ ਕਿਹਾ ਹੈ ਕਿ ਇੱਕ ਕਾਂਗਰਸੀ ਵਿਧਾਇਕ ਨੇ ਇਹ ਜਾਣਕਾਰੀ ਲੀਕ ਕੀਤੀ ਸੀ।

ਫਤਿਹਜੰਗ ਬਾਜਵਾ ਨੇ ਕਿਹਾ ਕਿ ਇਹ ਪੂਰਾ ਘਟਨਾਕ੍ਰਮ ਕਾਂਗਰਸ ਨੇ ਰਚਾਇਆ ਹੈ ਅਤੇ ਕਾਂਗਰਸ ਦੇ ਇੱਕ ਵਿਧਾਇਕ ਤੋਂ ਇਹ ਪੂਰੀ ਜਾਣਕਾਰੀ ਲੀਕ ਹੋਈ ਹੈ। ਉਨ੍ਹਾਂ ਦੋਸ਼ ਲਾਇਆ ਕਿ ਇਸ ਪੂਰੀ ਜਾਣਕਾਰੀ ਦੀ ਪਿੰਡ ਦੇ ਇੱਕ ਗੁਰਦੁਆਰਾ ਸਾਹਿਬ ਤੋਂ ਅਨਾਊਂਸਮੈਂਟ ਕੀਤੀ ਗਈ ਸੀ।

ਉਨ੍ਹਾਂ ਕਿਹਾ ਕਿ ਕੇਂਦਰੀ ਗ੍ਰਹਿ ਮੰਤਰਾਲਾ ਇਸ ਮਾਮਲੇ ਵਿੱਚ ਪੂਰੀ ਤਰ੍ਹਾਂ ਜਾਂਚ ਕਰ ਰਿਹਾ ਹੈ ਅਤੇ ਮਾਮਲੇ 'ਚ ਪੂਰਾ ਰਿਕਾਰਡ ਇਕੱਠਾ ਕਰ ਰਿਹਾ ਹੈ। ਉਨ੍ਹਾਂ ਕਿਹਾ ਕਿ ਫੋਨਾਂ ਦਾ ਵੇਰਵਾ ਅਤੇ ਬਾਕੀ ਚੀਜਾਂ ਵੀ ਛੇਤੀ ਸਾਰਿਆਂ ਦੇ ਸਾਹਮਣੇ ਆ ਜਾਣਗੀਆਂ।

ਉਨ੍ਹਾਂ ਕਿਹਾ ਕਿ ਪ੍ਰਧਾਨ ਮੰਤਰੀ ਦੀ ਸੁਰੱਖਿਆ ਵਿੱਚ ਅਣਗਹਿਲੀ ਬਹੁਤ ਵੱਡਾ ਅਤੇ ਚਿੰਤਾਜਨਕ ਵਿਸ਼ਾ ਹੈ। ਉਨ੍ਹਾਂ ਦੇ ਕਾਫਲੇ ਨੂੰ ਅਜਿਹੀ ਥਾਂ ਪੁਲ 'ਤੇ ਖੜਾ ਕੀਤਾ ਗਿਆ, ਜਿਥੋਂ ਦੁਸ਼ਮਣ ਦੇਸ਼ ਪਾਕਿਸਤਾਨ ਸਿਰਫ਼ 1 ਮੀਲ 'ਤੇ ਹੈ ਅਤੇ ਉਧਰ, ਸਨਾਈਪਰ ਰਾਈਫਲ, ਡ੍ਰੋਨ ਵਗੈਰਾ ਹਨ, ਇਸ ਦੌਰਾਨ ਕੋਈ ਵੀ ਅਣਹੋਣੀ ਘਟਨਾ ਵਾਪਰ ਸਕਦੀ ਸੀ।

ਉਨ੍ਹਾਂ ਕਿਹਾ ਕਿ ਕਾਂਗਰਸੀ ਵਿਧਾਇਕ ਨੇ ਗੁਰਦੁਆਰਾ ਸਾਹਿਬ ਰਾਹੀਂ ਅਨਾਊਂਸਮੈਂਟ ਰਾਹੀਂ ਦੱਸਿਆ ਸੀ ਕਿ ਪ੍ਰਧਾਨ ਮੰਤਰੀ ਇਸ ਰਸਤੇ ਰਾਹੀਂ ਫਿਰੋਜ਼ਪੁਰ ਰੈਲੀ ਲਈ ਜਾਣਗੇ, ਜੋ ਕਿ ਇੱਕ ਪੂਰੀ ਤਰ੍ਹਾਂ ਰਚਿਆ ਹੋਇਆ ਘਟਨਾਕ੍ਰਮ ਹੈ।