ਪੰਜਾਬ ਦੇ ਸਕੂਲ ਨਕਲੀ ਨੰਬਰ 1 ਹਨ: ਭਗਵੰਤ ਮਾਨ ਨੇ ਕਿਹਾ; ਸਕੂਲ ਦੇ ਅੰਦਰਲੀ ਹਾਲਤ ਖਰਾਬ

ਚੰਡੀਗੜ੍ਹ: Punjab Budget Session 2022: ਪੰਜਾਬ ਵਿਧਾਨ ਸਭਾ ਦੇ ਬਜਟ ਸੈਸ਼ਨ 2022 ਦੇ ਪਹਿਲੇ ਦਿਨ ਸ਼ੁੱਕਰਵਾਰ ਭਗਵੰਤ ਮਾਨ ਸਰਕਾਰ (Bhagwant mann Government) ਅਤੇ ਵਿਰੋਧੀ ਧਿਰਾਂ ਵਿੱਚ ਤਿੱਖੀ ਨੋਕ-ਝੋਕ ਹੋਈ। ਵਿਧਾਨ ਸਭਾ 'ਚ ਵਿਰੋਧੀ ਧਿਰਾਂ ਵੱਲੋਂ ਕਾਨੂੰਨ ਵਿਵਸਥਾ ਨੂੰ ਲੈ ਕੇ ਹੰਗਾਮਾ ਕੀਤਾ ਗਿਆ ਅਤੇ ਵਾਕਆਊਟ ਕੀਤਾ ਗਿਆ। ਇਸਤੋਂ ਪਹਿਲਾਂ ਵਿਧਾਨ ਸਭਾ ਦੇ ਦੁਪਹਿਰ ਬਾਅਦ ਸਮੇਂ 'ਚ ਸਿੱਖਿਆ 'ਤੇ ਵੀ ਸਿਆਸਤ ਭਖੀ।

ਇਸ ਮੌਕੇ ਵਿਰੋਧੀ ਧਿਰ ਕਾਂਗਰਸ (Congress) ਦੇ ਵਿਧਾਇਕ ਪ੍ਰਤਾਪ ਸਿੰਘ ਬਾਜਵਾ (MLA Partap Singh Bajwa) ਨੇ ਮੁੱਖ ਮੰਤਰੀ ਨੂੰ ਕਿਹਾ ਕਿ ਪੰਜਾਬ ਦੇ ਸਕੂਲ (Punjab School) ਦੇਸ਼ ਵਿੱਚ ਨੰਬਰ ਇੱਕ ਹਨ, ਇਸ ਲਈ ਸਰਕਾਰ ਨੂੰ ਚਾਹੀਦਾ ਹੈ ਕਿ ਉਨ੍ਹਾਂ ਦੀ ਸ਼ਲਾਘਾ ਕਰੇ, ਜਿਸ ਦੇ ਜਵਾਬ ਵਿੱਚ ਮੁੱਖ ਮੰਤਰੀ ਭਗਵੰਤ ਮਾਨ ਨੇ ਖੁਦ ਜਵਾਬ ਦਿੱਤਾ।

ਮੁੱਖ ਮੰਤਰੀ ਨੇ ਕਿਹਾ ਕਿ ਇਹ ਪੰਜਾਬ ਦੇ ਸਕੂਲ ਨਕਲੀ ਨੰਬਰ ਇੱਕ ਹਨ, ਇਨ੍ਹਾਂ ਨੂੰ ਸਿਰਫ਼ ਬਾਹਰੋਂ ਰੰਗ ਕਰਕੇ ਨੰਬਰ ਇੱਕ ਨਹੀਂ ਬਣਾਇਆ ਜਾ ਸਕਦਾ। ਅਸਲ ਵਿੱਚ ਸਕੂਲਾਂ ਦੇ ਅੰਦਰਲੀ ਹਾਲਤ ਬਹੁਤ ਹੀ ਖ਼ਰਾਬ  ਹੈ।