ਫਿਰੋਜ਼ਪੁਰ 'ਚ ਡੀਆਰਐਮ ਦਫ਼ਤਰ ਦੀ ਕੰਧ 'ਤੇ ਲਿਖੇ ਮਿਲੇ ਖਾਲਿਸਤਾਨ ਜਿੰਦਾਬਾਦ ਦੇ ਨਾਅਰੇ

ਚੰਡੀਗੜ੍ਹ: Khalistan Slogan: ਫਿਰੋਜ਼ਪੁਰ (Ferozepur) ਵਿਖੇ ਡੀਆਰਐਮ ਦਫ਼ਤਰ ਦੀ ਕੰਧ 'ਤੇ ਖਾਲਿਸਤਾਨ ਜਿੰਦਾਬਾਦ ਦੇ ਨਾਅਰੇ ਲਿਖੇ ਮਿਲੇ ਹਨ। ਇਸਦੇ ਨਾਲ ਹੀ ਕੰਧ 'ਤੇ ਖਾਲਿਸਤਾਨੀ ਜਥੇਬੰਦੀ ਸਿੱਖ ਫਾਰ ਜਸਟਿਸ ਜਿੰਦਾਬਾਦ (SFJ) ਦੇ ਨਾਅਰੇ ਵੀ ਲਿਖੇ ਹੋਏ ਸਨ।

ਜ਼ਿਕਰਯੋਗ ਹੈ ਕਿ ਖਾਲਿਸਤਾਨ ਜਿੰੰਦਾਬਾਦ ਦੇ ਨਾਅਰੇ ਲਿਖੀਆਂ ਘਟਨਾਵਾਂ ਅਕਸਰ ਵਾਪਰਦੀਆਂ ਰਹਿੰਦੀਆਂ ਹਨ। ਪਿਛਲੇ ਮਹੀਨੇ ਵੀ ਫ਼ਰੀਦਕੋਟ ਵਿਖੇ ਇੱਕ ਪਾਰਕ ਦੀ ਕੰਧ 'ਤੇ ਖਾਲਿਸਤਾਨ ਜਿੰਦਾਬਾਦ ਦੇ ਨਾਅਰੇ ਲਿਖੇ ਗਏ ਸਨ। ਇਸਤੋਂ ਪਹਿਲਾਂ ਹਿਮਾਚਲ ਵਿਧਾਨ ਸਭਾ ਭਵਨ ਦੀ ਕੰਧ 'ਤੇ ਵੀ ਇਹ ਨਾਅਰੇ ਅਤੇ ਝੰਡਾ ਝੂਲਦਾ ਵਿਖਾਈ ਦਿੱਤਾ ਸੀ, ਜਿਸ ਵਿੱਚ ਇੱਕ ਵਿਅਕਤੀ ਨੂੰ ਗ੍ਰਿਫ਼ਤਾਰ ਵੀ ਕੀਤਾ ਗਿਆ ਸੀ।

ਹੁਣ ਫਿਰੋਜ਼ਪੁਰ ਵਿੱਚ ਇਹ ਘਟਨਾ ਵਾਪਰਨ ਨਾਲ ਪੁਲਿਸ ਅਤੇ ਸੁਰੱਖਿਆ ਏਜੰਸੀ ਚੌਕਸ ਹੋ ਗਈਆਂ ਹਨ। ਮਾਮਲੇ ਦੀ ਜਾਂਚ ਕੀਤੀ ਜਾ ਰਹੀ ਹੈ ਅਤੇ ਸੀਸੀਟੀਵੀ ਫੁਟੇਜ ਰਾਹੀਂ ਪਤਾ ਲਾਇਆ ਜਾ ਰਿਹਾ ਹੈ ਕਿ ਇਸ ਪਿੱਛੇ ਕੌਣ ਹਨ।