• Home
  • »
  • News
  • »
  • punjab
  • »
  • CHANDIGARH TOLL PRICE HIKE TOLL PRICES WILL INCREASE FROM APRIL 1 FARMERS THREATEN AGITATION IN PUNJAB KS

Toll Price Hike: 1 ਅਪ੍ਰੈਲ ਤੋਂ ਵਧਣਗੀਆਂ ਟੋਲ ਕੀਮਤਾਂ; ਕਿਸਾਨਾਂ ਵੱਲੋਂ ਪੰਜਾਬ 'ਚ ਅੰਦੋਲਨ ਦੀ ਧਮਕੀ

Toll Price Hike: ਕੇਂਦਰ ਸਰਕਾਰ (Central Government) ਵੱਲੋਂ ਈਂਧਨ ਦੀਆਂ ਕੀਮਤਾਂ ਵਿੱਚ ਕੀਤੇ ਜ਼ਬਰਦਸਤ ਵਾਧੇ ਤੋਂ ਬਾਅਦ, ਪੰਜਾਬ (Punjab) ਅਤੇ ਹਰਿਆਣਾ (Haryana) ਦੇ ਪਲਾਜ਼ਿਆਂ 'ਤੇ ਟੋਲ ਟੈਕਸ (Tax) ਵਧਣ ਦੀ ਤਿਆਰੀ ਹੈ। ਪੰਜਾਬ ਦੀਆਂ ਕਿਸਾਨ ਜਥੇਬੰਦੀਆਂ (Kisan Oraganization Punjab) ਨੇ ਇਸ ਨੂੰ ਸੂਬੇ ਦੇ ਲੋਕਾਂ ਨੂੰ ਪ੍ਰੇਸ਼ਾਨ ਕਰਨ ਲਈ ਕੇਂਦਰ ਦੀ ਇੱਕ ਹੋਰ ਚਾਲ ਦੱਸਦਿਆਂ ਸੂਬਾ ਵਿਆਪੀ ਅੰਦੋਲਨ ਕਰਨ ਦੀ ਧਮਕੀ ਦਿੱਤੀ ਹੈ।

(ਫਾਇਲ ਫੋਟੋ)

  • Share this:
    Toll Price Hike: ਕੇਂਦਰ ਸਰਕਾਰ (Central Government) ਵੱਲੋਂ ਈਂਧਨ ਦੀਆਂ ਕੀਮਤਾਂ ਵਿੱਚ ਕੀਤੇ ਜ਼ਬਰਦਸਤ ਵਾਧੇ ਤੋਂ ਬਾਅਦ, ਪੰਜਾਬ (Punjab) ਅਤੇ ਹਰਿਆਣਾ (Haryana) ਦੇ ਪਲਾਜ਼ਿਆਂ 'ਤੇ ਟੋਲ ਟੈਕਸ (Tax) ਵਧਣ ਦੀ ਤਿਆਰੀ ਹੈ। ਪੰਜਾਬ ਦੀਆਂ ਕਿਸਾਨ ਜਥੇਬੰਦੀਆਂ (Kisan Oraganization Punjab) ਨੇ ਇਸ ਨੂੰ ਸੂਬੇ ਦੇ ਲੋਕਾਂ ਨੂੰ ਪ੍ਰੇਸ਼ਾਨ ਕਰਨ ਲਈ ਕੇਂਦਰ ਦੀ ਇੱਕ ਹੋਰ ਚਾਲ ਦੱਸਦਿਆਂ ਸੂਬਾ ਵਿਆਪੀ ਅੰਦੋਲਨ ਕਰਨ ਦੀ ਧਮਕੀ ਦਿੱਤੀ ਹੈ।

    ਨੈਸ਼ਨਲ ਹਾਈਵੇਅ ਅਥਾਰਟੀ ਆਫ਼ ਇੰਡੀਆ (NHAI) ਵੱਲੋਂ ਜਾਰੀ ਹੁਕਮਾਂ ਅਨੁਸਾਰ 1 ਅਪਰੈਲ ਤੋਂ ਪੰਜਾਬ ਦੇ ਟੋਲ ਪਲਾਜ਼ੇ (Toll Plaza) ਜਿਨ੍ਹਾਂ ਵਿੱਚ ਪਟਿਆਲਾ, ਸੰਗਰੂਰ ਅਤੇ ਇੱਥੋਂ ਤੱਕ ਕਿ ਹਰਿਆਣਾ ਵਿੱਚ ਵੀ 10 ਤੋਂ 18 ਫੀਸਦੀ ਵਾਧੂ ਟੋਲ ਵਸੂਲਣਾ ਸ਼ੁਰੂ ਹੋ ਜਾਵੇਗਾ।

    ਇਸ ਦਾ ਮਤਲਬ ਹੈ, ਚੰਡੀਗੜ੍ਹ-ਪਟਿਆਲਾ ਹਾਈਵੇਅ 'ਤੇ ਢੇਰੀ ਜੱਟਾਂ ਟੋਲ ਪਲਾਜ਼ਾ 'ਤੇ 40 ਰੁਪਏ ਅਤੇ 55 ਰੁਪਏ ਦੇ ਮੁਕਾਬਲੇ ਕਾਰਾਂ, ਵੈਨਾਂ ਜਾਂ ਜੀਪਾਂ ਤੋਂ ਸਿੰਗਲ ਸਫ਼ਰ ਲਈ 45 ਰੁਪਏ ਅਤੇ ਦੋ ਪਾਸੇ ਦੇ ਸਫ਼ਰ ਲਈ 65 ਰੁਪਏ ਵਸੂਲੇ ਜਾਣਗੇ। ਇਸੇ ਤਰ੍ਹਾਂ ਮਿੰਨੀ ਬੱਸਾਂ ਹੁਣ 60 ਤੋਂ 90 ਰੁਪਏ ਦੇ ਮੁਕਾਬਲੇ ਕ੍ਰਮਵਾਰ 70 ਰੁਪਏ ਅਤੇ 105 ਰੁਪਏ ਅਦਾ ਕਰਨਗੀਆਂ।

    ਦਿ ਟ੍ਰਿਬਿਊਨ ਦੀ ਖ਼ਬਰ ਅਨੁਸਾਰ, ਕਿਰਤੀ ਕਿਸਾਨ ਯੂਨੀਅਨ ਦੇ ਉਪ-ਪ੍ਰਧਾਨ ਦਵਿੰਦਰ ਪੂਨੀਆ ਨੇ ਕਿਹਾ, “ਇਹ ਪੰਜਾਬ ਅਤੇ ਹਰਿਆਣਾ ਨੂੰ ਕਿਸਾਨ ਸੰਘਰਸ਼ ਅਤੇ ਰਾਜ ਵਿੱਚ ਇੱਕ ਸਾਲ ਤੋਂ ਵੱਧ ਸਮੇਂ ਤੋਂ ਟੋਲ ਪਲਾਜ਼ਿਆਂ 'ਤੇ ਉਨ੍ਹਾਂ ਦੇ ਅੰਦੋਲਨ ਲਈ ਸਜ਼ਾ ਦੇਣ ਦੀ ਇੱਕ ਹੋਰ ਚਾਲ ਹੈ। ਅਸੀਂ ਇਸ ਕਦਮ ਦਾ ਵਿਰੋਧ ਕਰਾਂਗੇ।”

    ਉਨ੍ਹਾਂ ਅੱਗੇ ਕਿਹਾ, “ਇਕ ਪਾਸੇ ਕੇਂਦਰ ਕਿਸਾਨ ਪੱਖੀ ਹੋਣ ਦਾ ਦਾਅਵਾ ਕਰਦਾ ਹੈ, ਦੂਜੇ ਪਾਸੇ ਚੁੱਪ-ਚਾਪ ਲੋਕ ਵਿਰੋਧੀ ਫੈਸਲੇ ਲੈਂਦਾ ਹੈ। ਕਿਸਾਨਾਂ ਵੱਲੋਂ ਆਪਣਾ ਅੰਦੋਲਨ ਖਤਮ ਕਰਨ ਤੋਂ ਬਾਅਦ, ਆਮ ਆਦਮੀ ਦੀ ਪ੍ਰਵਾਹ ਕੀਤੇ ਬਿਨਾਂ, ਇੱਕ ਸਾਲ ਦੌਰਾਨ ਹੋਏ ਨੁਕਸਾਨ ਦੀ ਭਰਪਾਈ ਕਰਨ ਲਈ ਟੋਲ ਪਲਾਜ਼ਿਆਂ 'ਤੇ ਰੇਟ ਵਧਾ ਦਿੱਤੇ ਗਏ ਹਨ। ਇਸ ਵਾਧੇ ਨਾਲ ਜ਼ਰੂਰੀ ਵਸਤਾਂ ਦੀਆਂ ਕੀਮਤਾਂ ਵਧਣੀਆਂ ਤੈਅ ਹਨ।”

    ਆਗੂਆਂ ਨੇ ਕਿਹਾ ਕਿ ਸਰਕਾਰ ਅਤੇ ਟੋਲ ਪਲਾਜ਼ਿਆਂ ਨੂੰ ਵਧੇ ਹੋਏ ਰੇਟਾਂ ਨੂੰ ਤੁਰੰਤ ਘੱਟ ਕਰਨਾ ਚਾਹੀਦਾ ਹੈ, ਅਜਿਹਾ ਨਾ ਹੋਣ 'ਤੇ ਉਹ ਅੰਦੋਲਨ ਸ਼ੁਰੂ ਕਰਨਗੇ।

    ਦਸੰਬਰ 2021 ਵਿੱਚ, ਰਾਜ ਭਰ ਦੀਆਂ ਕਿਸਾਨ ਯੂਨੀਅਨਾਂ ਨੇ ਵੱਖ-ਵੱਖ ਟੋਲ ਪਲਾਜ਼ਿਆਂ 'ਤੇ ਧਰਨੇ ਦਿੱਤੇ ਸਨ ਅਤੇ ਟੋਲ ਵਿੱਚ "ਗੈਰ-ਵਾਜਬ" ਵਾਧੇ ਦੇ ਵਿਰੋਧ ਵਿੱਚ ਇਨ੍ਹਾਂ ਨੂੰ ਖਾਲੀ ਕਰਨ ਤੋਂ ਇਨਕਾਰ ਕਰ ਦਿੱਤਾ ਸੀ।

    ਸੰਯੁਕਤ ਕਿਸਾਨ ਮੋਰਚਾ ਦੇ ਇੱਕ ਸੀਨੀਅਰ ਆਗੂ ਨੇ ਕਿਹਾ, “ਇਹ ਕਦਮ ਮਹਿੰਗਾਈ ਨੂੰ ਹੋਰ ਵਧਾਏਗਾ, ਕਿਉਂਕਿ ਈਂਧਨ ਅਤੇ ਐਲਪੀਜੀ ਦੀਆਂ ਕੀਮਤਾਂ ਵਿੱਚ ਵਾਧੇ ਨੇ ਪਹਿਲਾਂ ਹੀ ਆਮ ਆਦਮੀ ਦੇ ਬਜਟ ਨੂੰ ਪ੍ਰਭਾਵਿਤ ਕੀਤਾ ਹੈ। ਸੂਬਾ ਸਰਕਾਰ ਨੂੰ ਕੇਂਦਰ ਦੇ ਅਜਿਹੇ ਕਦਮਾਂ ਦਾ ਵਿਰੋਧ ਕਰਨਾ ਚਾਹੀਦਾ ਹੈ।”

    ਇਸ ਦੌਰਾਨ, NHAI ਅਧਿਕਾਰੀਆਂ ਨੇ ਕਿਹਾ ਕਿ ਵਾਧੇ ਨੂੰ ਕੇਂਦਰ ਵੱਲੋਂ ਮਨਜ਼ੂਰੀ ਦੇ ਦਿੱਤੀ ਗਈ ਹੈ ਅਤੇ ਇਹ 1 ਅਪ੍ਰੈਲ ਤੋਂ ਲਾਗੂ ਹੋਵੇਗਾ। ਉਨ੍ਹਾਂ ਕਿਹਾ, ''ਅਸੀਂ ਵਾਧੇ ਦੇ ਲਾਗੂ ਹੋਣ 'ਤੇ ਡਿਸਪਲੇ ਬੋਰਡਾਂ 'ਤੇ ਕੀਮਤਾਂ ਨੂੰ ਸੋਧਾਂਗੇ।"
    Published by:Krishan Sharma
    First published: