ਕਾਂਗਰਸ ਤੋਂ ਬਾਗੀ ਜਸਵਿੰਦਰ ਧੀਮਾਨ ਦੀ ਨਰਾਜ਼ਗੀ ਹੋਈ ਦੂਰ...

ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਦੀ ਫੇਰੀ ਨੇ ਕਾਂਗਰਸ ਪਾਰਟੀ ਵਿੱਚ ਚੱਲ ਰਹੀ ਅੰਦਰੂਨੀ ਫੁੱਟ ਨੂੰ ਵੀ ਠੱਲ ਪਾਈ ਹੈ। ਸੰਗਰੂਰ ਤੋਂ ਟਿਕਟ ਨਾ ਮਿਲਣ ਕਰਕੇ ਹੁਣ ਤੱਕ ਕੇਵਲ ਢਿੱਲੋਂ ਦਾ ਵਿਰੋਧ ਕਰ ਰਹੇ ਵਿਧਾਇਕ ਸੁਰਜੀਤ ਧੀਮਾਨ ਦੇ ਬੇਟੇ ਜਸਵਿੰਦਰ ਧੀਮਾਨ ਢਿੱਲੋਂ ਦੀ ਰੈਲੀ ਦੇ ਮੰਚ ਤੇ ਨਜ਼ਰ ਆਏ। ਮੰਚ ਦੇ ਕੇਵਲ ਢਿੱਲੋਂ ਤੇ ਜਸਵਿੰਦਰ ਧੀਮਾਨ ਇੱਕ-ਦੂਜੇ ਨੂੰ ਮਿਲਦੇ ਦਿਖਾਈ ਦਿੱਤੇ।

ਜ਼ਿਕਰਯੋਗ ਹੈ ਕਿ ਜਸਵਿੰਦਰ ਧੀਮਾਨ ਖੁਦ ਸੰਗਰੂਰ ਤੋਂ ਟਿਕਟ ਮੰਗ ਰਹੇ ਸਨ ਪਰ ਹੁਣ ਪਾਰਟੀ ਨੇ ਉਹਨਾਂ ਦੀ ਥਾਂ ਕੇਵਲ ਢਿੱਲੋਂ ਨੂੰ ਟਿਕਟ ਦਿੱਤੀ ਜਿਸ ਦੇ ਬਾਅਦ ਜਸਵਿੰਦਰ ਧੀਮਾਨ ਤੇ ਉਹਨਾਂ ਦੇ ਪਿਤਾ ਵਿਧਾਇਕ ਸੁਰਜੀਤ ਧੀਮਾਨ ਨੇ ਖੁੱਲ੍ਹ ਕੇ ਆਪਣੀ ਨਰਾਜ਼ਗੀ ਜਾਹਿਰ ਕੀਤੀ ਸੀ। ਪਰ ਅੱਜ ਦੋਵੇਂ ਆਗੂਆਂ ਦੇ ਇੱਕ ਮੰਚ ਤੇ ਦਿਖਣ ਨਾਲ ਕੇਵਲ ਢਿੱਲੋਂ ਦੀ ਮੁਹਿੰਮ ਨੂੰ ਹੁਲਾਰਾ ਮਿਲਿਆ ਹੈ।