Bathinda ਵਿੱਚ ਸ਼ਰੇਆਮ ਵਿੱਕ ਰਹੀਆਂ ਨੇ ਚਿੱਟੇ ਦੀਆਂ ਪੁੜੀਆਂ - ਵੇਖੋ Video

ਬਠਿੰਡਾ - ਪੰਜਾਬ ਸਰਕਾਰ ਵੱਲੋਂ ਨਸ਼ੇ ਨੂੰ ਨੱਥ ਪਾਉਣ ਦਾ ਦਾਅਵਾ ਕੀਤਾ ਜਾ ਰਿਹਾ ਹੈ ਪਰ ਜ਼ਮੀਨੀ ਹਕੀਕਤ ਹੋਰ ਹੀ ਕੁਝ ਬਿਆਂ ਕਰ ਰਹੀ ਹੈ। ਰੋਜ਼ਾਨਾ ਹੀ ਚਿੱਟੇ ਨਾਲ ਅਨੇਕਾਂ ਘਰ ਉਜੜ ਰਹੇ ਹਨ। ਸ਼ੋਸਲ ਮੀਡੀਆ ਉਤੇ ਵੀਡੀਓ ਵਾਇਰਲ ਹੋ ਰਹੀ  ਹਨ।  ਇਹ ਵੀਡੀਓ ਬਠਿੰਡਾ ਦੇ ਅਮਰਪੁਰਾ ਬਸਤੀ ਦੀ ਦੱਸੀ ਜਾ ਰਹੀ ਹੈ।

ਵੀਡੀਓ ਵਿੱਚ ਵੇਖਿਆ ਜਾ ਸਕਦੈ ਕਿ ਰੇਲਵੇ ਲਾਈਨਾਂ ਉਤੇ ਬੈਠਾ ਵਿਅਕਤੀ ਟਾਫੀਆਂ ਵਾਂਗ ਚਿੱਟੇ ਦੀਆਂ ਪੁੜੀਆਂ ਵੇਚ ਰਿਹਾ ਹੈ। ਵੀਡੀਓ 'ਚ ਨਜ਼ਰ ਆ ਰਹੇ ਵਿਅਕਤੀ ਦਾ ਨਾਂ ਜੱਗੀ ਦੱਸਿਆ ਜਾ ਰਿਹਾ ਹੈ ਅਤੇ ਇਹ ਸਾਰੇ ਲੜਕੇ ਉਸਨੂੰ ਜੱਗੀ ਭਾਈ ਆਖ ਕੇ ਨਸ਼ੇ ਦੀ ਮੰਗ ਕਰ ਰਹੇ ਹਨ।  ਵੀਡੀਓ ਵਿੱਚ ਕੋਈ ਕਹਿੰਦਾ 400 ਰੁਪਏ ਦੀ ਪੁੜੀ ਮੰਗ ਰਿਹਾ ਹੈ ਅਤੇ  ਕੋਈ 800 ਰੁਪਏ ਦੇ ਕੇ ਚਾਰ ਪੁੜੀਆਂ ਨਸ਼ਾ ਮੰਗ ਰਿਹਾ ਹੈ।

ਵੀਡੀਓ ਵਿੱਚ ਵੇਖਿਆ ਜਾ ਸਕਦਾ ਹੈ ਕਿ ਨਸ਼ਾ ਵੇਚਣ ਵਾਲੇ ਦੇ ਕੋਲ ਜ਼ਿਆਦਾਤਰ ਛੋਟੀ ਉਮਰ ਦੇ ਲੜਕੇ ਨਜ਼ਰ ਆਉਂਦੇ ਹਨ, ਜਿਨ੍ਹਾਂ ਦੀ ਉਮਰ 15 ਤੋਂ 25 ਸਾਲ ਦੇ ਕਰੀਬ ਦੱਸੀ ਜਾਂਦੀ ਹੈ। ਹਾਲਾਂਕਿ ਲਾਈਵ ਵੀਡੀਓ ਬਠਿੰਡਾ ਇਲਾਕੇ ਦੀ ਦੱਸੀ ਜਾ ਰਹੀ ਹੈ ਪਰ ਅਸੀਂ ਇਸ ਵੀਡੀਓ ਦੀ ਪੁਸ਼ਟੀ ਨਹੀਂ ਕਰਦੇ।