• Home
  • »
  • News
  • »
  • punjab
  • »
  • JATINDER SINGH LIFTED 35 KG OF BRICKS WITH HIS TEETH AND ENTERED HIS NAME IN THE INDIAN BOOK OF RECORD

ਦੰਦਾਂ ਨਾਲ 35 ਕਿੱਲੋ ਇੱਟਾਂ ਚੁੱਕ ਕੇ ਜਤਿੰਦਰ ਸਿੰਘ ਨੇ Indian Book Of Record 'ਚ ਦਰਜ ਕਰਵਾਇਆ ਨਾਮ

35 ਕਿੱਲੋ ਇੱਟਾਂ ਦੰਦਾਂ ਨਾਲ ਚੁੱਕ ਕੇ ਜਤਿੰਦਰ ਸਿੰਘ ਨੇ Indian Book Of Record 'ਚ ਦਰਜ ਕਰਵਾਇਆ ਨਾਮ

  • Share this:
    ਸ਼ੈਲੇਸ਼ ਕੁਮਾਰ

    ਨਵਾਂਸ਼ਹਿਰ ਅਧੀਨ ਪਿੰਡ ਹਿਆਲਾ ਦਾ ਇੱਕ ਗੁਰਸਿੱਖ ਨੌਜਵਾਨ ਜਤਿੰਦਰ ਸਿੰਘ ਜਿਸ ਦੇ ਪਿਤਾ ਦੀ 10 ਸਾਲ ਪਹਿਲਾਂ ਮੌਤ ਹੋ ਗਈ ਸੀ, ਨੇ ਆਪਣੇ ਪਿਤਾ ਦੀ ਮੌਤ ਤੋਂ ਬਾਅਦ ਆਪਣੇ ਅੰਦਰਲੇ ਜਜ਼ਬੇ ਨੂੰ ਕਾਇਮ ਰੱਖਦਿਆਂ ਪੜ੍ਹਾਈ ਦੇ ਨਾਲ-ਨਾਲ ਆਪਣੇ ਸਰੀਰ ਨੂੰ ਤੰਦਰੁਸਤ ਰੱਖਣ ਲਈ ਮਿਹਨਤ ਸ਼ੁਰੂ ਕਰ ਦਿੱਤੀ ਸੀ।

    ਗਰੀਬੀ ਦੇ ਹਾਲਾਤਾਂ ਵਿਚ ਵੀ ਜਤਿੰਦਰ ਸਿੰਘ ਨੇ ਆਪਣਾ ਹੌਸਲਾ ਨਹੀਂ ਛੱਡਿਆ। ਜਿਸ ਦੇ ਚਲਦਿਆਂ ਅੱਜ ਜਸਵਿੰਦਰ ਸਿੰਘ ਨੇ ਆਪਣੀ ਮਿਹਨਤ ਸਦਕਾ ਇੱਕ ਵੱਡਾ ਮੁਕਾਮ ਹਾਂਸਲ ਕੀਤਾ। ਜਤਿੰਦਰ ਸਿੰਘ ਜੋ ਵੇਟ ਲਿਫਟਿੰਗ ਅਤੇ ਪਾਵਰ ਲਿਫਟਿੰਗ ਵਰਗੀਆਂ ਵਰਜਿਸਾਂ ਕਰਦਾ ਹੈ,  ਵਿੱਚ ਉਹ ਕਈ ਵੱਡੇ ਪੱਧਰ ਦੇ ਇਨਾਮ ਵੀ ਜਿੱਤ ਚੁੱਕਾ ਹੈ।

    ਹੁਣ ਉਸ ਵੱਲੋਂ ਇੱਕ ਵੀਡੀਓ ਤਿਆਰ ਕੀਤੀ ਗਈ ਜਿਸ ਵਿੱਚ ਜਤਿੰਦਰ ਸਿੰਘ ਨੇ ਦੰਦਾਂ ਨਾਲ ਇੱਕ ਟਰੈਕਟਰ ਖਿੱਚਿਆ ਇਸ ਦੇ ਨਾਲ ਹੀ ਉਸ ਨੇ ਇਕ ਹੋਰ ਛੋਟਾ ਹਾਥੀ ਵਰਗੀ ਗੱਡੀ ਵੀ ਦੰਦਾਂ ਨਾਲ ਖਿੱਚ ਕੇ ਦਿਖਾਇਆ। ਇਸ ਤੋਂ ਬਾਅਦ ਉਸ ਨੇ 35 ਕਿਲੋ ਇੱਟਾਂ ਨੂੰ ਆਪਣੇ ਦੰਦਾਂ ਨਾਲ ਚੁੱਕ ਕੇ Indian Book Of Record ਵਿੱਚ ਆਪਣਾ ਨਾਮ ਦਰਜ ਕਰਵਾਇਆ। Indian Book Of Record ਵਿੱਚ ਉਸ ਦਾ ਨਾਮ ਦਰਜ ਹੋਣ ਉੱਤੇ ਜਿੱਥੇ ਉਸ ਦੇ ਪਰਿਵਾਰ ਵਿੱਚ  ਖੁਸ਼ੀ ਦੀ ਲਹਿਰ ਹੈ।

    ਮੀਡੀਆ ਨਾਲ ਗੱਲਬਾਤ ਕਰਦਿਆਂ ਜਤਿੰਦਰ ਸਿੰਘ ਨੇ ਦੱਸਿਆ ਕਿ ਜਦੋਂ ਉਸ ਨੇ ਪਹਿਲੀ ਵਾਰ ਦੰਦਾਂ ਨਾਲ ਇੱਟਾਂ ਚੁੱਕ ਕੇ ਦਿੱਲੀ ਨੂੰ ਆਪਣੀ ਇਹ ਵੀਡੀਓ ਭੇਜੀ ਜਿਸ ਨੂੰ ਇਸ ਕੰਪਨੀ ਨੇ ਰਿਜੈਕਟ ਕਰ ਦਿੱਤਾ। ਫਿਰ ਉਸ ਨੇ ਭਾਰ ਤੋਲਣ ਵਾਲੀ ਮਸ਼ੀਨ ਉੱਤੇ 35 ਕਿਲੋ ਇੱਟਾਂ ਤੋਲ ਕੇ ਉਸ ਨੂੰ ਦੰਦਾਂ ਨਾਲ ਚੁੱਕੇ ਕੇ ਇਸ ਦੀ ਵੀਡੀਓ ਬਣਾ ਕੇ ਦਿੱਲੀ ਭੇਜੀ ਜੋ ਸਿਲੈਕਟ ਹੋ ਗਈ।

    ਕੰਪਨੀ ਦੀ ਟੀਮ ਨੇ ਪਿੰਡ ਪਹੁੰਚ ਕੇ ਸਾਰੀ ਜਾਂਚ ਤੋਂ ਬਾਅਦ ਉਹਨਾਂ ਇਹ ਮੈਡਲ, ਪ੍ਰਸ਼ੰਸਾ ਪੱਤਰ, ਇੱਕ ਪੈਨ ਅਤੇ ਇਹ ਸਰਟੀਫਿਕੇਟ ਜਾਰੀ ਕੀਤਾ। ਜਤਿੰਦਰ ਸਿੰਘ ਨੇ ਇਹ ਵੀ ਦੱਸਿਆ ਕਿ ਉਸ ਦਾ ਸੁਪਨਾ ਵਰਲਡ ਗਿੰਨੀਜ਼ ਬੁੱਕ ਵਿੱਚ ਵੀ  ਆਪਣਾ ਨਾਮ ਦਰਜ ਕਰਵਾਉਣਾ  ਹੈ ਕਿਉਂਕਿ ਵਰਲਡ ਗਿੰਨੀਜ਼ ਬੁੱਕ ਵਲੋਂ ਵੀ ਉਸ ਨੂੰ ਸੱਦਾ ਮਿਲ ਚੁੱਕਾ ਹੈ।ਪਰ ਸਰਕਾਰ ਖਿਲਾਫ਼ ਨਮੋਸ਼ੀ ਜਾਹਿਰ ਕਰਦਿਆਂ ਉਹਨਾਂ ਦੀ ਮਾਤਾ  ਕੁਲਵਿੰਦਰ ਕੌਰ ਨੇ ਦੱਸਿਆ ਕਿ ਇਹ ਬੀਐਸਸੀ ਦੀ ਡਿਗਰੀ ਅਤੇ ਆਈਟੀ ਦਾ ਡਿਪਲੋਮਾ ਪਿਛਲੇ 9 ਸਾਲ ਤੋਂ ਕਰੀ ਬੈਠਾ ਹੈ ਪਰ ਕਿਸੇ ਨੇ ਉਸ ਦੀ ਸਾਰ ਨਹੀਂ ਲਈ। ਉਸ ਨੇ ਸਰਕਾਰ ਤੋਂ ਸਰਕਾਰੀ ਨੌਕਰੀ ਦੀ ਮੰਗ ਕੀਤੀ ਹੈ।
    Published by:Gurwinder Singh
    First published:
    Advertisement
    Advertisement