• Home
  • »
  • News
  • »
  • punjab
  • »
  • KAPURTHALA BUFFALO DIES DUE TO ELECTRIC SHOCK VILLAGERS EXPRESS GREAT FEAR FROM ELECTRICITY POLES KS

ਕਰੰਟ ਲੱਗਣ ਨਾਲ ਮਰੀ ਮੱਝ, ਪਿੰਡ ਵਾਸੀਆਂ ਨੇ ਬਿਜਲੀ ਦੇ ਖੰਭਿਆਂ ਤੋਂ ਜਤਾਇਆ ਵੱਡਾ ਡਰ

ਪਿੰਡ ਵਿੱਚ ਲੱਗੇ ਬਿਜਲੀ ਦੇ ਬਕਸੇ ਮਾਰਦੇ ਨੇ ਕਰੰਟ , ਕੀਤੇ ਹੋ ਨਾਂ ਜਾਵੇ ਵੱਡੀ ਘਟਨਾ ਕਰੰਟ ਨਾਲ ਮਰੀ ਬੇ-ਜ਼ੁਬਾਨ

  • Share this:
    ਜਗਜੀਤ ਧੰਜੂ, ਕਪੂਰਥਲਾ

    ਬਿਜਲੀ ਵਾਲਿਆਂ ਦੀ ਨਲਾਇਕੀ ਦੀਆਂ ਖ਼ਬਰਾਂ ਤਾਂ ਆਮ ਹੀ ਦੇਖਣ ਨੂੰ ਮਿਲ ਜਾਂਦੀਆਂ ਹਨ ਪਰ ਸੁਲਤਾਨਪੁਰ ਲੋਧੀ ਵਿਖੇ ਬਿਜਲੀ ਮੁਲਾਜ਼ਮਾਂ ਦੀ ਨਾਲਾਇਕੀ ਕਿਸੇ ਵੱਡੇ ਹਾਦਸੇ ਦਾ ਕਾਰਨ ਬਣ ਸਕਦੀ ਹੈ। ਇਥੇ ਗਲ਼ੀਆਂ ਵਿੱਚ ਲੱਗੇ ਬਿਜਲੀ ਦੇ ਜ਼ਿਆਦਾਤਰ ਖੰਬੇ ਕਰੰਟ ਮਾਰਦੇ ਹਨ।

    ਬਿਜਲੀ ਵਿਭਾਗ ਦੀ ਲਾਪਰਵਾਹੀ ਦੀ ਇੱਕ ਘਟਨਾ ਸੁਲਤਾਨਪੁਰ ਲੋਧੀ ਦੇ ਪਿੰਡ ਸ਼ਾਹਵਾਲਾ ਅੰਦਰੀਸ਼ਾ ਦੀ ਹੈ ਜਿਥੇ ਵਿਭਾਗ ਦੀ ਲਾਪਰਵਾਹੀ ਕਾਰਨ ਇੱਕ ਬੇਜੁ਼ਬਾਨ ਦੀ ਕਰੰਟ ਲੱਗਣ ਕਾਰਨ ਮੌਤ ਹੋ ਗਈ। ਗਰਭਵਤੀ ਮੱਝ ਬਿਜਲੀ ਦੇ ਖੰਭੇ ਨਾਲ ਲੱਗਣ ਕਾਰਨ ਕਰੰਟ ਲੱਗ ਗਿਆ ਅਤੇ ਥਾਂ 'ਤੇ ਹੀ ਮੌਤ ਹੋ ਗਈ।

    ਪਿੰਡ ਵਾਸੀਆਂ ਦਾ ਕਹਿਣਾ ਹੈ ਕਿ ਇਹ ਬਹੁਤ ਹੀ ਦੁਖਦਾਈ ਹੈ ਕਿਉਂਕਿ ਇਥੇ ਉਨ੍ਹਾਂ ਦੇ ਬੱਚੇ ਵੀ ਖੇਡਦੇ ਰਹਿੰਦੇ ਹਨ ਅਤੇ ਉਨ੍ਹਾਂ ਨੂੰ ਡਰ ਹੈ ਕਿ ਬੱਚਿਆਂ ਨੂੰ ਵੀ ਨੁਕਸਾਨ ਹੋ ਸਕਦਾ ਹੈ। ਪਿੰਡ ਵਾਸੀਆਂ ਨੇ ਕਿਹਾ ਕਿ ਉਨ੍ਹਾਂ ਨੇ ਕਈ ਵਾਰੀ ਬਿਜਲੀ ਵਿਭਾਗ ਨੂੰ ਇਨ੍ਹਾਂ ਖੰਭਿਆਂ ਬਾਰੇ ਜਾਣੂੰ ਕਰਵਾਇਆ ਹੈ ਪਰੰਤੂ ਕੋਈ ਵੀ ਹੱਲ ਨਹੀਂ ਕੀਤਾ ਗਿਆ ਹੈ।

    ਦੂਜੇ ਪਾਸੇ ਬਿਜਲੀ ਵਿਭਾਗ ਦੇ ਐਸਡੀਓ ਦਾ ਕਹਿਣਾ ਹੈ ਕਿ ਉਨ੍ਹਾਂ ਕੋਲ ਕਿਸੇ ਵੀ ਤਰ੍ਹਾਂ ਦੀ ਕੋਈ ਸਿਕਾਇਤ ਨਹੀਂ ਆਈ ਹੈ। ਹਾਲਾਂਕਿ ਸਬੰਧਤ ਵਿਭਾਗ ਹੁਣ ਜਲਦ ਇਸਦਾ ਹੱਲ ਕਰਨ ਦੀ ਗੱਲ ਕਹਿ ਰਿਹਾ ਹੈ ਜਦਕਿ ਪਿੰਡ ਦੇ ਲੋਕਾਂ ਨੂੰ ਡਰ ਹੈ ਕਿ ਪ੍ਰਸ਼ਾਸਨ ਕੋਈ ਵੱਡੀ ਘਟਨਾ ਹੋਣ ਤੋਂ ਬਾਅਦ ਹੀ ਜਾਗੇਗਾ।
    Published by:Krishan Sharma
    First published: