Home /News /punjab /

ਕਾਨਵੈਂਟ ਸਕੂਲ ਤੋਂ ਤਿਹਾੜ ਜੇਲ੍ਹ ਤੱਕ: ਲਾਰੈਂਸ ਬਿਸ਼ਨੋਈ ਨੇ ਇੰਜ ਖੜ੍ਹਾ ਕੀਤਾ ਜਬਰਨ ਵਸੂਲੀ ਦਾ ਵੱਡਾ ਕਾਰੋਬਾਰ

ਕਾਨਵੈਂਟ ਸਕੂਲ ਤੋਂ ਤਿਹਾੜ ਜੇਲ੍ਹ ਤੱਕ: ਲਾਰੈਂਸ ਬਿਸ਼ਨੋਈ ਨੇ ਇੰਜ ਖੜ੍ਹਾ ਕੀਤਾ ਜਬਰਨ ਵਸੂਲੀ ਦਾ ਵੱਡਾ ਕਾਰੋਬਾਰ

ਕਾਨਵੈਂਟ ਸਕੂਲ ਤੋਂ ਤਿਹਾੜ ਜੇਲ੍ਹ ਤੱਕ: ਲਾਰੈਂਸ ਬਿਸ਼ਨੋਈ ਨੇ ਇੰਜ ਖੜ੍ਹਾ ਕੀਤਾ ਜਬਰਨ ਵਸੂਲੀ ਦਾ ਵੱਡਾ ਕਾਰੋਬਾਰ (ਫਾਇਲ ਫੋਟੋ)

ਕਾਨਵੈਂਟ ਸਕੂਲ ਤੋਂ ਤਿਹਾੜ ਜੇਲ੍ਹ ਤੱਕ: ਲਾਰੈਂਸ ਬਿਸ਼ਨੋਈ ਨੇ ਇੰਜ ਖੜ੍ਹਾ ਕੀਤਾ ਜਬਰਨ ਵਸੂਲੀ ਦਾ ਵੱਡਾ ਕਾਰੋਬਾਰ (ਫਾਇਲ ਫੋਟੋ)

  • Share this:
    ਲਾਰੈਂਸ ਬਿਸ਼ਨੋਈ ਪਿਛਲੇ 10 ਸਾਲਾਂ ਤੋਂ ਵੱਧ ਸਮੇਂ ਤੋਂ ਅਪਰਾਧ ਦੀ ਦੁਨੀਆ ਵਿੱਚ ਸਰਗਰਮ ਹੈ। ਉਸ ਖਿਲਾਫ ਸੈਂਕੜੇ ਹੋਰ ਅਪਰਾਧੀਆਂ ਸਮੇਤ ਕਈ ਦਰਜਨ ਅਪਰਾਧਿਕ ਮਾਮਲੇ ਚੱਲ ਰਹੇ ਹਨ। ਕਈ ਜੇਲ੍ਹਾਂ ਵਿੱਚ ਰਹਿ ਚੁੱਕਾ ਬਿਸ਼ਨੋਈ ਉਨ੍ਹਾਂ ਅੰਦਰ ਆਪਣੇ ਸੰਪਰਕ ਦਾ ਘੇਰਾ ਵਧਾਉਣਾ ਚਾਹੁੰਦਾ ਹੈ। ਉਹ ਜੇਲ੍ਹਾਂ ਦੇ ਅੰਦਰੋਂ ਆਪਰਾਧ ਨੂੰ ਅੰਜਾਮ ਦਿੰਦਾ ਹੈ।

    ਸਿਰਫ 30 ਸਾਲ ਦਾ ਲਾਰੈਂਸ ਬਿਸ਼ਨੋਈ ਸੰਗਠਿਤ ਅਪਰਾਧ ਦੀ ਦੁਨੀਆ ਵਿਚ ਤੇਜ਼ੀ ਨਾਲ ਆਪਣਾ ਪ੍ਰਭਾਵ ਵਧਾ ਰਿਹਾ ਹੈ। ਜਿਸ ਤਰੀਕੇ ਨਾਲ ਪੰਜਾਬੀ ਗਾਇਕ ਸਿੱਧੂ ਮੂਸੇਵਾਲਾ ਦੇ ਕਤਲ ਨੂੰ ਅੰਜਾਮ ਦਿੱਤਾ ਗਿਆ ਸੀ, ਇਹ ਉਸੇ ਵੱਲ ਇਸ਼ਾਰਾ ਕਰਦਾ ਹੈ।

    ਦਿੱਲੀ ਪੁਲਿਸ ਅਤੇ ਪੰਜਾਬ ਪੁਲਿਸ ਦੇ ਸਪੈਸ਼ਲ ਸੈੱਲ ਦੋਵਾਂ ਨੇ ਇਸ ਮਾਮਲੇ ਵਿੱਚ ਬਿਸ਼ਨੋਈ ਨੂੰ ਮੁੱਖ ਸਾਜ਼ਿਸ਼ਕਰਤਾ ਦੱਸਿਆ ਹੈ, ਜਦਕਿ ਵੱਖ-ਵੱਖ ਰਾਜਾਂ ਦੇ ਕਈ ਗੈਂਗ ਇਸ ਵਿੱਚ ਸ਼ਾਮਲ ਸਨ। ਸਿੱਧੂ ਮੂਸੇਵਾਲੇ ਦਾ ਕਤਲ ਵੱਖ-ਵੱਖ ਸੂਬਿਆਂ 'ਚ ਚੱਲ ਰਹੇ ਕਈ ਗਰੋਹਾਂ 'ਚੋਂ ਸੰਗਠਨ ਦੀ ਮਜ਼ਬੂਤੀ ਦੀ ਇਕ ਉਦਹਾਰਨ ਹੈ।

    ਨਿਊਜ਼ 18 ਦੀ ਇਕ ਖਬਰ ਮੁਤਾਬਕ ਇਨ੍ਹਾਂ ਮੁਲਜ਼ਮਾਂ 'ਚ ਗਵਲੀ ਗੈਂਗ ਦੇ ਲੋਕ ਵੀ ਸ਼ਾਮਲ ਹਨ, ਜਿਨ੍ਹਾਂ ਨੂੰ ਦਾਊਦ ਇਬਰਾਹਿਮ ਦਾ ਦੁਸ਼ਮਣ ਮੰਨਿਆ ਜਾਂਦਾ ਹੈ। ਇਸ ਤੋਂ ਸਾਫ਼ ਹੈ ਕਿ ਲਾਰੈਂਸ ਬਿਸ਼ਨੋਈ ਅਪਰਾਧ ਜਗਤ ਵਿੱਚ ਆਪਣਾ ਪੱਧਰ ਉੱਚਾ ਚੁੱਕਣ ਦੀ ਕੋਸ਼ਿਸ਼ ਕਰ ਰਿਹਾ ਹੈ। ਬਿਸ਼ਨੋਈ ਪਿਛਲੇ ਕੁਝ ਸਾਲਾਂ ਤੋਂ ਜਿਸ ਤਰੀਕੇ ਨਾਲ ਕੰਮ ਕਰ ਰਿਹਾ ਹੈ ਅਤੇ ਜਿਸ ਰਫਤਾਰ ਨਾਲ ਉਸ ਦਾ ਨਾਂ ਵਧ ਰਿਹਾ ਹੈ, ਉਹ ਕਾਨੂੰਨ ਵਿਵਸਥਾ ਲਈ ਵੱਡੀ ਸਮੱਸਿਆ ਵੱਲ ਇਸ਼ਾਰਾ ਕਰਦਾ ਹੈ।

    ਪੁਲਿਸ ਸੂਤਰਾਂ ਦਾ ਕਹਿਣਾ ਹੈ ਕਿ ਮੂਸੇਵਾਲਾ ਦੇ ਕਤਲ ਨੇ ਯਕੀਨੀ ਤੌਰ 'ਤੇ ਬਿਸ਼ਨੋਈ ਦੀ ਜਬਰੀ ਵਸੂਲੀ ਦੀ ਤਾਕਤ ਵਧਾ ਦਿੱਤੀ ਹੈ। ਦੱਸਣਯੋਗ ਹੈ ਕਿ ਪਿਛਲੇ ਕੁਝ ਦਿਨਾਂ ਵਿਚ ਸਾਬਕਾ ਡਿਪਟੀ ਸੀਐਮ ਓਪੀ ਸੋਨੀ, ਸਾਬਕਾ ਵਿਧਾਇਕ ਹਰਪ੍ਰਤਾਪ ਸਿੰਘ ਅਜਨਾਲਾ ਅਤੇ ਸਾਬਕਾ ਵਿਧਾਇਕ ਅਮਰਪਾਲ ਸਿੰਘ ਬੋਨੀ ਅਜਨਾਲਾ ਨੂੰ ਬਿਸ਼ਨੋਈ ਦੇ ਨਾਂ 'ਤੇ ਧਮਕੀਆਂ ਮਿਲੀਆਂ ਹਨ।

    ਬਿਸ਼ਨੋਈ ਨੇ ਇੱਕ ਵਾਰ ਇੱਕ ਪੁਲਿਸ ਮੁਲਾਜ਼ਮ ਨੂੰ ਦੱਸਿਆ ਸੀ ਕਿ ਉਹ ਸੋਸ਼ਲ ਮੀਡੀਆ ਰਾਹੀਂ ਆਪਣੇ ਗੈਂਗ ਵਿੱਚ ਲੜਕਿਆਂ ਦੀ ਭਰਤੀ ਕਰਦਾ ਹੈ। ਬੇਰੁਜ਼ਗਾਰ ਜਾਂ ਬ੍ਰੇਨਵਾਸ਼ ਕੀਤੇ ਜਾਣ ਵਾਲੇ ਨੌਜਵਾਨ ਇਸ ਦੀ ਗਲੈਮਰ ਦੀ ਦੁਨੀਆਂ ਦੇ ਝਾਂਸੇ ਵਿੱਚ ਆ ਜਾਂਦੇ ਹਨ।

    ਨਿਊਜ਼18 ਨੇ ਲਾਰੈਂਸ ਬਿਸ਼ਨੋਈ ਦੇ ਨਾਂ ਦੀ ਵਰਤੋਂ ਕਰਕੇ ਬਣਾਏ ਗਏ ਕਈ ਸੋਸ਼ਲ ਮੀਡੀਆ ਖਾਤਿਆਂ ਦੀ ਜਾਂਚ ਕੀਤੀ। ਉਹ ਉਸ ਦੀ ਵਡਿਆਈ ਕਰਦੇ ਹਨ। ਹਥਕੜੀ ਵਿੱਚ ਉਸ ਦੀ ਵੀਡੀਓ ਦਿਖਾਉਂਦੇ ਹਨ। ਜਦੋਂਕਿ ਬਿਸ਼ਨੋਈ 400 ਦੇ ਕਰੀਬ ਵੱਖ-ਵੱਖ ਲੋਕਾਂ ਨਾਲ ਵੱਖ-ਵੱਖ ਮਾਮਲਿਆਂ 'ਚ ਮੁਲਜ਼ਮ ਹੈ। ਪਿਛਲੇ 10 ਸਾਲਾਂ ਵਿੱਚ ਬਿਸ਼ਨੋਈ ਨੂੰ ਕਈ ਜੇਲ੍ਹਾਂ ਵਿੱਚ ਰੱਖਿਆ ਗਿਆ। ਇਸ ਨਾਲ ਉਸ ਨੂੰ ਹੋਰ ਗਰੋਹਾਂ ਨਾਲ ਸੰਪਰਕ ਬਣਾਉਣ ਵਿਚ ਮਦਦ ਮਿਲੀ। ਜੇਲ੍ਹ ਵਿੱਚ ਹੋਰ ਕੈਦੀਆਂ ਨਾਲ ਬਿਸ਼ਨੋਈ ਦਾ ਵਤੀਰਾ ਹਮੇਸ਼ਾ ਹੀ ਚੰਗਾ ਰਿਹਾ।

    ਲਾਰੈਂਸ ਬਿਸ਼ਨੋਈ ਨੂੰ ਸ਼ੁਰੂ ਤੋਂ ਜਾਣਦੇ ਹੋਣ ਵਾਲਿਆਂ ਦਾ ਕਹਿਣਾ ਹੈ ਕਿ ਉਹ 2012 ਵਿੱਚ ਪੁਲਿਸ ਮੁਕਾਬਲੇ ਵਿੱਚ ਮਾਰੇ ਗਏ ਗੈਂਗਸਟਰ ਸ਼ੇਰਾ ਖੁੱਬਣ ਦੀ ਕਥਿਤ ‘ਪ੍ਰਸਿੱਧਤਾ’ ਤੋਂ ਪ੍ਰਭਾਵਿਤ ਸੀ। ਜਦਕਿ ਸ਼ੇਰਾ ਖੁੱਬਣ ਦੇ ਪਿਤਾ ਨੇ ਇਕ ਵੈੱਬ ਚੈਨਲ ਨੂੰ ਦਿੱਤੇ ਇੰਟਰਵਿਊ 'ਚ ਕਿਹਾ ਸੀ ਕਿ ਉਹ ਇਕ ਵਾਰ ਬਿਸ਼ਨੋਈ ਦੇ ਘਰ ਗਏ ਸਨ ਅਤੇ ਉਨ੍ਹਾਂ ਦੇ ਮਾਤਾ-ਪਿਤਾ ਨੂੰ ਉਨ੍ਹਾਂ ਦੇ ਬੇਟੇ ਨੂੰ ਸਮੇਂ 'ਤੇ ਕਾਬੂ ਕਰਨ ਲਈ ਕਿਹਾ ਸੀ।

    ਲਾਰੈਂਸ ਬਿਸ਼ਨੋਈ ਅਦਾਲਤ ਵਿਚ ਪੇਸ਼ੀ ਦੌਰਾਨ ਖੁੱਬਣ ਨੂੰ ਮਿਲਣ ਜਾਂਦਾ ਸੀ। ਬਿਸ਼ਨੋਈ ਉਸ ਨੂੰ ਬਦਾਮ ਖਾਣ ਲਈ ਦਿੰਦਾ ਸੀ। ਫਿਰ ਇੱਕ ਵਾਰ ਜਦੋਂ ਲਾਰੈਂਸ ਬਿਸ਼ਨੋਈ ਜੁਰਮ ਦੀ ਦਲਦਲ ਵਿੱਚ ਫਸ ਗਿਆ ਤਾਂ ਮੁੜ ਤੋਂ ਬਾਹਰ ਨਿਕਲਣ ਦਾ ਕੋਈ ਰਾਹ ਨਹੀਂ ਸੀ।
    Published by:Gurwinder Singh
    First published:

    Tags: Lawrence Bishnoi, Sidhu Moose Wala, Sidhu Moosewala

    ਅਗਲੀ ਖਬਰ