ਰਾਜਪਾਲ ਨੂੰ ਮਿਲੇ ਸਿੱਧੂ, ਕਿਹਾ-ਪੰਜਾਬ 'ਚ ਨਹੀਂ ਜਾਨ-ਮਾਲ ਦੀ ਸੁਰੱਖਿਆ, CM ਮਾਨ ਨੂੰ 'ਰਬੜ ਦਾ ਗੁੱਡਾ' ਦੱਸਿਆ

ਚੰਡੀਗੜ੍ਹ : ਪੰਜਾਬ ਦੇ ਸਾਬਕਾ ਕਾਂਗਰਸ ਪ੍ਰਧਾਨ ਨਵਜੋਤ ਸਿੰਘ ਸਿੱਧੂ ਨੇ ਪੰਜਾਬ ਦੇ ਰਾਜਪਾਲ ਬਨਵਾਰੀਲਾਲ ਪੁਰੋਹਿਤ ਨਾਲ ਮੁਲਾਕਾਤ ਕੀਤੀ ਹੈ। ਉਨ੍ਹਾਂ ਨੇ ਰਾਜਪਾਲ ਨੂੰ ਮੰਗ ਪੱਤਰ ਦੇਕੇ ਪੰਜਾਬ ਵਿੱਚ ਕਾਨੂੰਨ ਵਿਵਸਥਾ ਦਾ ਮੁੱਦਾ ਚੁੱਕਿਆ ਹੈ। ਉਨ੍ਹਾਂ ਨੇ ਕਿਹਾ ਕਿ ਪੰਜਾਬ ਵਿੱਚ ਜਾਨ-ਮਾਲ ਦੀ ਸੁਰੱਖਿਆ ਨਹੀਂ ਹੈ। ਆਮ ਆਦਮੀ ਪਾਰਟੀ ਦੇ ਸੁਪਰੀਮੋ ਤੇ ਦਿੱਲੀ ਦੇ ਮੁੱਖ ਮੰਤਰੀ ਅਰਵਿੰਦ ਕੇਜਰੀਵਾਲ ਪੰਜਾਬ ਪੁਲਿਸ ਨੂੰ ਸਿਆਸੀ ਬਦਲਾਖੋਰੀ ਲਈ ਵਰਤ ਰਹੇ ਹਨ। ਸਿੱਧੂ ਨੇ ਪੰਜਾਬ ਦੇ ਮੁੱਖ ਮੰਤਰੀ ਭਗਵੰਤ ਮਾਨ ਨੂੰ 'ਰਬੜ ਦਾ ਗੁੱਡਾ'ਦੱਸਿਆ ਹੈ।

ਇਸ ਸਬੰਧੀ ਸਿੱਧੂ ਨੇ ਟਵੀਟ ਵੀ ਕੀਤਾ ਹੈ। ਜਿਸ ਵਿੱਚ ਕਿਹਾ ਹੈ ਕਿ ਪੰਜਾਬ ਦੇ ਭਖਦੇ ਮਸਲਿਆਂ ਨੂੰ ਲੈ ਕੇ ਮਾਨਯੋਗ ਗਵਰਨਰ ਪੰਜਾਬ ਸ਼੍ਰੀ ਬਨਵਾਰੀਲਾਲ ਪੁਰੋਹਿਤ ਜੀ ਨੂੰ ਮੰਗ ਪੱਤਰ ਸੌਂਪਿਆ... ਲੋਕਾਂ ਦੀ ਅਵਾਜ਼ ਨੂੰ ਬੁਲੰਦ ਕਰਦੇ ਹੋਏ... ਉਨ੍ਹਾਂ ਨੇ ਸਾਨੂੰ ਹਲੀਮੀ ਨਾਲ ਸੁਣਿਆ, ਕਿਹਾ ਕਿ ਉਹ ਇਸ ਮਾਮਲੇ ਨੂੰ ਦੇਖ ਰਹੇ ਹਨ... ਪੰਜਾਬ, ਪੰਜਾਬੀਅਤ ਅਤੇ ਲੋਕਾਂ ਦੇ ਹੱਕਾਂ ਲਈ ਦਿੱਲੀ ਵੀ ਜਾਣਗੇ।

Submitted Memorandum on burning issues of Punjab to the Hon’ble Governor Punjab Shri Banwarilal Purohit ji… Resonating the people’s voice… He gave us patient hearing , said he’s looking into the matter… Will even go to Delhi for Punjab, Punjabiyat and the rights of Punjabis… pic.twitter.com/YdyO8G5QOE

— Navjot Singh Sidhu (@sherryontopp) April 21, 2022

ਨਵਜੋਤ ਸਿੱਧੂ ਨੇ ਰਾਜਪਾਲ ਨਾਲ ਮੁਲਾਕਾਤ ਤੋਂ ਬਾਅਦ ਕਿਹਾ ਕਿ ਸੂਬੇ ਦੇ ਭਖਦੇ ਮੁੱਦਿਆਂ ਨੂੰ ਲੈ ਕੇ ਮੁਲਾਕਾਤ ਕੀਤੀ। ਸਿੱਧੂ ਨੇ ਕੇਜਰੀਵਾਲ ਤੇ ਮਾਨ ਸਰਕਾਰ ਤੇ ਨਿਸ਼ਾਨਾ ਸਾਧਿਆ ਤੇ ਕਿਹਾ ਕਿ ਸਰਕਾਰ ਚਲਾਉਣੀ AAP ਦੇ ਵਸ 'ਚ ਨਹੀਂ ਹੈ। ਉਨ੍ਹਾਂ ਇਹ ਵੀ ਕਿਹਾ ਕਿ AAP ਨੇ ਚੋਣਾਂ ਤੋਂ ਪਹਿਲਾਂ ਝੂਠੇ ਸੁਪਨੇ ਵਿਖਾਏ ਤੇ ਮਾਨ ਸਰਕਾਰ ਦੇ ਬਿਜਲੀ 'ਤੇ ਫੈਸਲੇ ਨੇ ਭਾਈਚਾਰੇ 'ਚ ਵੰਡ ਪਾਈ।

ਉਨ੍ਹਾਂ ਇਹ ਵੀ ਕਿਹਾ ਕਿ AAP ਨੇ ਵੱਡੇ ਵਾਅਦੇ ਕੀਤੇ ਪਰ AAP ਕੋਲ ਨਹੀਂ ਰੋਡਮੈਪ ਹੈ। ਇਹ ਵੀ ਕਿਹਾ ਕਿ ਮੁਲਾਜ਼ਮਾਂ ਨੂੰ ਤਨਖਾਹ ਵੀ 500 ਕਰੋੜ ਦਾ ਕਰਜ਼ਾ ਲੈ ਕੇ ਦਿੱਤੀ ਤੇ ਥਰਮਲ ਪਲਾਂਟ ਬੰਦ ਹੋ ਰਹੇ, ਬਿਜਲੀ ਡਿਮਾਂਡ ਕਿਵੇਂ ਪੂਰੀ ਹੋਊ। ਪੰਜਾਬ ਚ ਬਿਜਲੀ ਦੇ ਲੰਮੇ ਕੱਟ ਲੱਗ ਰਹੇ ਨੇ ਤੇ ਪਿੰਡਾ ਚ ਸਿਰਫ 2 ਘੰਟੇ ਬਿਜਲੀ ਆਉਂਦੀ ਹੈ।

ਸਿੱਧੂ ਨੇ ਕਿਹਾ ਸਰਕਾਰ ਕਿਸਾਨਾਂ ਨੂੰ ਸਰਕਾਰ 500 ਰੁਪਏ ਬੋਨਸ ਦੇਵੇ। ਪੰਜਾਬ 'ਚ ਜਾਨ-ਮਾਲ ਸੁਰੱਖਿਅਤ ਨਹੀਂ ਤੇ ਕਿਹਾ ਕਿ ਪੰਜਾਬ ਦੇ ਪੈਸੇ ਨਾਲ ਹਿਮਾਚਲ 'ਚ ਇਸ਼ਤੇਹਾਰ ਦਿੱਤੇ ਜਾ ਰਹੇ ਨੇ। ਉਨ੍ਹਾਂ Bhagwant Mann ਤੇ ਨਿਸ਼ਾਨਾ ਸਾਧਿਆ ਤੇ ਕਿਹਾ ਕਿ CM ਭਗਵੰਤ ਮਾਨ ਰਬੜ ਦਾ ਗੁੱਡਾ ਬਣੇ।

ਉਨ੍ਹਾਂ ਇਹ ਵੀ ਕਿਹਾਕਿ ਪੁਲਿਸ ਦਾ ਸਿਆਸੀਕਰਨ ਕੀਤਾ ਜਾ ਰਿਹਾ ਹੈ ਤੇ ਜਿਹੜਾ ਕੇਰਜੀਵਾਲ ਖਿਲਾਫ਼ ਬੋਲਦਾ ਪੰਜਾਬ 'ਚ ਪਰਚੇ ਕਰ ਰਹੇ। Sidhu ਨੇ ਕਿਹਾਕਿ SYL 'ਤੇ ਸੁਸ਼ੀਲ ਗੁਪਤਾ ਦੇ ਬਿਆਨ ਪਿੱਛੇ ਕੇਜਰੀਵਾਲ ਹੈ ਤੇ SYL ਦੀ ਲੜਾਈ ਲਈ ਦਿੱਲੀ ਤੱਕ ਲੈ ਕੇ ਜਾਵਾਂਗੇ।