Home /News /punjab /

ਖਤਰੇ ਦੀ ਘੰਟੀ! ਪੰਜਾਬ 'ਚ ਦੁੱਧ ਦੇ 41% ਸੈਂਪਲ ਫੇਲ੍ਹ, ਹੁਣ ਸੁੱਕੇ ਮੇਵੇ ਦੀ ਗੁਣਵੱਤਾ ਦੀ ਹੋ ਰਹੀ ਹੈ ਜਾਂਚ

ਖਤਰੇ ਦੀ ਘੰਟੀ! ਪੰਜਾਬ 'ਚ ਦੁੱਧ ਦੇ 41% ਸੈਂਪਲ ਫੇਲ੍ਹ, ਹੁਣ ਸੁੱਕੇ ਮੇਵੇ ਦੀ ਗੁਣਵੱਤਾ ਦੀ ਹੋ ਰਹੀ ਹੈ ਜਾਂਚ

ਖਤਰੇ ਦੀ ਘੰਟੀ! ਪੰਜਾਬ 'ਚ ਦੁੱਧ ਦੇ 41% ਸੈਂਪਲ ਫੇਲ੍ਹ, ਹੁਣ ਸੁੱਕੇ ਮੇਵੇ ਦੀ ਗੁਣਵੱਤਾ ਦੀ ਹੋ ਰਹੀ ਹੈ ਜਾਂਚ (ਸੰਕੇਤਕ ਫੋਟੋ)

ਖਤਰੇ ਦੀ ਘੰਟੀ! ਪੰਜਾਬ 'ਚ ਦੁੱਧ ਦੇ 41% ਸੈਂਪਲ ਫੇਲ੍ਹ, ਹੁਣ ਸੁੱਕੇ ਮੇਵੇ ਦੀ ਗੁਣਵੱਤਾ ਦੀ ਹੋ ਰਹੀ ਹੈ ਜਾਂਚ (ਸੰਕੇਤਕ ਫੋਟੋ)

ਪੰਜਾਬ ਵਿਚ ਤਿਉਹਾਰਾਂ ਦੇ ਸੀਜ਼ਨ ਦੌਰਾਨ ਹੁਣ ਤੱਕ ਲਏ ਗਏ ਦੁੱਧ ਦੇ ਸੈਂਪਲਾਂ ਵਿੱਚੋਂ 41 ਫੀਸਦੀ ਫੇਲ੍ਹ ਹੋ ਗਏ ਹਨ। ਸਟੇਟ ਫੂਡ ਐਂਡ ਡਰੱਗ ਐਡਮਨਿਸਟ੍ਰੇਸ਼ਨ (ਐਫ.ਡੀ.ਏ.) ਵੱਲੋਂ ਤਿਆਰ ਕੀਤੀ ਗਈ ਰਿਪੋਰਟ ਅਨੁਸਾਰ ਪਿਛਲੇ ਦੋ ਮਹੀਨਿਆਂ ਵਿੱਚ ਦੁੱਧ ਦੇ 676 ਨਮੂਨੇ ਲਏ ਗਏ ਹਨ, ਜਿਨ੍ਹਾਂ ਵਿੱਚੋਂ 278 ਅਸੁਰੱਖਿਅਤ ਪਾਏ ਗਏ ਹਨ।

ਹੋਰ ਪੜ੍ਹੋ ...
  • Share this:

ਪੰਜਾਬ ਵਿਚ ਤਿਉਹਾਰਾਂ ਦੇ ਸੀਜ਼ਨ ਦੌਰਾਨ ਹੁਣ ਤੱਕ ਲਏ ਗਏ ਦੁੱਧ ਦੇ ਸੈਂਪਲਾਂ ਵਿੱਚੋਂ 41 ਫੀਸਦੀ ਫੇਲ੍ਹ ਹੋ ਗਏ ਹਨ। ਸਟੇਟ ਫੂਡ ਐਂਡ ਡਰੱਗ ਐਡਮਨਿਸਟ੍ਰੇਸ਼ਨ (ਐਫ.ਡੀ.ਏ.) ਵੱਲੋਂ ਤਿਆਰ ਕੀਤੀ ਗਈ ਰਿਪੋਰਟ ਅਨੁਸਾਰ ਪਿਛਲੇ ਦੋ ਮਹੀਨਿਆਂ ਵਿੱਚ ਦੁੱਧ ਦੇ 676 ਨਮੂਨੇ ਲਏ ਗਏ ਹਨ, ਜਿਨ੍ਹਾਂ ਵਿੱਚੋਂ 278 ਅਸੁਰੱਖਿਅਤ ਪਾਏ ਗਏ ਹਨ।

ਇਸ ਦੌਰਾਨ ਪ੍ਰਸ਼ਾਸਨ ਵੱਲੋਂ ਸੁੱਕੇ ਮੇਵੇ ਦੀ ਗੁਣਵੱਤਾ ਦੀ ਵੀ ਜਾਂਚ ਕੀਤੀ ਜਾ ਰਹੀ ਹੈ। ਸੂਬੇ ਵਿੱਚ ਚੱਲ ਰਹੇ ਤਿਉਹਾਰਾਂ ਦੇ ਸੀਜ਼ਨ ਦੌਰਾਨ ਅਸੁਰੱਖਿਅਤ ਦੁੱਧ ਦੀ ਵਰਤੋਂ ਅਤੇ ਮਠਿਆਈਆਂ ਸਜਾਉਣ ਲਈ ਐਲੂਮੀਨੀਅਮ ਦੇ ਪੱਤਿਆਂ (ਵਰਕ) ਦੀ ਅੰਨ੍ਹੇਵਾਹ ਵਰਤੋਂ ਨੇ ਪ੍ਰਸ਼ਾਸਨ ਲਈ ਵੱਡੀ ਸਮੱਸਿਆ ਖੜ੍ਹੀ ਕਰ ਦਿੱਤੀ ਹੈ।

ਅਲਮੀਨੀਅਮ ਦੀ ਖਪਤ ਦੇ ਸਿਹਤ ਖ਼ਤਰੇ

ਆਮ ਤੌਰ ਉਤੇ ਮਠਿਆਈਆਂ ਨੂੰ ਸਜਾਉਣ ਲਈ ਵਰਤੇ ਜਾਂਦੇ ਸ਼ੁੱਧ ਚਾਂਦੀ ਦੇ ਪੱਤਿਆਂ ਦੀ ਬਜਾਏ ਐਲੂਮੀਨੀਅਮ ਦੇ ਪੱਤੇ ਦੀ ਵਰਤੋਂ ਵੀ ਸਿਹਤ ਲਈ ਵੱਡੀ ਚੁਣੌਤੀ ਬਣ ਕੇ ਸਾਹਮਣੇ ਆਈ ਹੈ। ਇਸ ਮਹੀਨੇ ਚਾਂਦੀ ਦੇ ਪੱਤੇ (ਵਰਕ) ਦੀ ਗੁਣਵੱਤਾ ਦੀ ਜਾਂਚ ਲਈ ਸੂਬੇ ਭਰ ਵਿੱਚ 164 ਸੈਂਪਲ ਲਏ ਗਏ ਹਨ।

ਐਫ.ਡੀ.ਏ. ਦੇ ਅਧਿਕਾਰੀਆਂ ਨੇ ਕਿਹਾ ਕਿ ਭਾਵੇਂ ਇਕੱਠੇ ਕੀਤੇ ਗਏ ਨਮੂਨਿਆਂ ਦੀ ਅਜੇ ਵੀ ਪ੍ਰਯੋਗਸ਼ਾਲਾ ਵਿੱਚ ਜਾਂਚ ਕੀਤੀ ਜਾ ਰਹੀ ਹੈ, ਪਰ ਇਹ ਆਮ ਗੱਲ ਹੈ ਕਿ ਇਕੱਠੇ ਕੀਤੇ ਗਏ ਨਮੂਨਿਆਂ ਵਿੱਚੋਂ ਬਹੁਤ ਸਾਰੇ ਚਾਂਦੀ ਦੀ ਬਜਾਏ ਐਲੂਮੀਨੀਅਮ ਦੇ ਸਨ।

ਮਾਹਿਰਾਂ ਅਨੁਸਾਰ ਐਲੂਮੀਨੀਅਮ ਦਾ ਸੇਵਨ ਸਿਹਤ ਲਈ ਗੰਭੀਰ ਖ਼ਤਰਾ ਹੈ। ਫੂਡ ਸੇਫਟੀ ਐਂਡ ਸਟੈਂਡਰਡ ਅਥਾਰਟੀ ਆਫ ਇੰਡੀਆ (FSSAI) ਦੇ ਮਾਪਦੰਡਾਂ ਦੇ ਅਨੁਸਾਰ, ਐਲੂਮੀਨੀਅਮ ਦੀ ਵਰਤੋਂ ਮਨੁੱਖੀ ਖਪਤ ਲਈ ਅਸੁਰੱਖਿਅਤ ਹੈ।

ਐਫ.ਡੀ.ਏ. ਨੇ ਸੁੱਕੇ ਮੇਵੇ ਦੀ ਗੁਣਵੱਤਾ ਦੀ ਜਾਂਚ 'ਤੇ ਵੀ ਵਿਸ਼ੇਸ਼ ਜ਼ੋਰ ਦਿੱਤਾ ਹੈ। ਇਸ ਦੇ ਲਈ ਹੁਣ ਤੱਕ 100 ਤੋਂ ਵੱਧ ਸੈਂਪਲ ਲਏ ਜਾ ਚੁੱਕੇ ਹਨ। ਪੰਜਾਬ ਫੂਡ ਐਂਡ ਡਰੱਗ ਐਡਮਨਿਸਟ੍ਰੇਸ਼ਨ ਕਮਿਸ਼ਨਰ ਡਾ: ਅਭਿਨਵ ਤ੍ਰਿਖਾ ਨੇ ਦੱਸਿਆ ਕਿ ਐਫਐਸਐਸਏਆਈ ਦੇ ਨਿਯਮਾਂ ਦੀ ਪਾਲਣਾ ਕਰਦਿਆਂ, ਉਨ੍ਹਾਂ ਨੇ ਤਿਉਹਾਰਾਂ ਦੇ ਸੀਜ਼ਨ ਦੀ ਸ਼ੁਰੂਆਤ ਤੋਂ ਪਹਿਲਾਂ ਸਿਲਵਰ ਪੇਪਰ, ਦੁੱਧ ਅਤੇ ਸੁੱਕੇ ਮੇਵਿਆਂ ਦੀ ਗੁਣਵੱਤਾ ਦੀ ਜਾਂਚ ਕਰਨ ਲਈ ਇੱਕ ਵਿਸ਼ੇਸ਼ ਮੁਹਿੰਮ ਚਲਾਈ ਸੀ।

ਉਨ੍ਹਾਂ ਕਿਹਾ ਕਿ ਅਗਸਤ ਵਿੱਚ ਅਸੀਂ ਦੁੱਧ ਵਿੱਚ ਮਿਲਾਵਟ ਦੀਆਂ ਘਟਨਾਵਾਂ ਨੂੰ ਰੋਕਣ ਲਈ ਇੱਕ ਹਫ਼ਤੇ ਦੀ ਵਿਸ਼ੇਸ਼ ਮੁਹਿੰਮ ਸ਼ੁਰੂ ਕੀਤੀ ਸੀ ਅਤੇ ਅਧਿਕਾਰੀਆਂ ਨੂੰ ਹਰ ਜ਼ਿਲ੍ਹੇ ਵਿੱਚ ਰੋਜ਼ਾਨਾ ਦੁੱਧ ਦੇ ਘੱਟੋ-ਘੱਟ ਪੰਜ ਸੈਂਪਲ ਲੈਣ ਦੇ ਨਿਰਦੇਸ਼ ਦਿੱਤੇ ਸਨ।

Published by:Gurwinder Singh
First published:

Tags: Milk, Milk Shake Recipe, Milkfed