ਪੰਜਾਬ ਚੋਣਾਂ 'ਚ ਜਿੱਤੀ ਲਈ BJP ਨੇ MP ਮਨੋਜ ਤਿਵਾੜੀ ਤੋਂ ਪੰਜਾਬੀ 'ਚ ਗਵਾਇਆ ਗੀਤ , ਦੇਖੋ VIDEO

ਨਵੀਂ ਦਿੱਲੀ : ਪੰਜਾਬ ਵਿਧਾਨ ਸਭਾ ਚੋਣਾਂ (Punjab Assembly elections)ਤੋਂ ਪਹਿਲਾਂ, ਭਾਰਤੀ ਜਨਤਾ ਪਾਰਟੀ(Bharatiya Janata Party ) ਸ਼ੁੱਕਰਵਾਰ ਨੂੰ ਚੋਣਾਂ ਲਈ ਆਪਣੀ ਰਾਜ ਇਕਾਈ ਲਈ ਅਧਿਕਾਰਤ ਥੀਮ ਗੀਤ ਰਿਲੀਜ਼ ਕੀਤਾ ਹੈ। ਭਾਜਪਾ ਦੇ ਸੰਸਦ ਮੈਂਬਰ ਮਨੋਜ ਤਿਵਾੜੀ(BJP MP Manoj Tiwari ) ਨੇ ਇਹ ਥੀਮ ਗੀਤ ਗਾਇਆ ਹੈ। ਕੇਂਦਰੀ ਪੈਟਰੋਲੀਅਮ ਅਤੇ ਕੁਦਰਤੀ ਗੈਸ ਮੰਤਰੀ ਹਰਦੀਪ ਪੁਰੀ(Hardeep Puri) ਇਸਦੇ ਲਈ ਇਨਪੁਟਸ ਦਿੱਤੇ ਹਨ। ਟੀਜ਼ਰ 'ਚ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ(Prime Minister Narendra Modi ) ਨੂੰ ਪਾਰਟੀ ਦੇ ਚਿਹਰੇ ਵਜੋਂ ਦਿਖਾਇਆ ਗਿਆ ਹੈ। ਮਿਊਜ਼ਿਕ ਵੀਡੀਓ ਵਿੱਚ ਪੰਜਾਬ ਦੇ ਅਮੀਰ ਵਿਰਸੇ ਅਤੇ ਸੱਭਿਆਚਾਰ ਨੂੰ ਵੀ ਦਰਸਾਇਆ ਗਿਆ ਹੈ।

ਦਿਲਚਸਪ ਗੱਲ ਇਹ ਹੈ ਕਿ ਇਸ ਗੀਤ ਦੀ ਵੀਡੀਓ ਵਿੱਚ ਤਸਵੀਰਾਂ ਦੀ ਇੱਕ ਲੜੀ ਵਿੱਚ ਬੀਜੇਪੀ ਨੇ ਪੰਜਾਬ ਵਿੱਚ ਪੀਐਮ ਮੋਦੀ ਦੀ ਸੁਰੱਖਿਆ ਉਲੰਘਣਾ ਦੀ ਤਸਵੀਰ ਵੀ ਲਗਾਈ ਹੈ।

ਪੰਜਾਬ ਬੀਜੇਪੀ ਨੇ ਇਸ ਗੀਤ ਦੀ ਵੀਡੀਓ ਆਪਣੇ ਟਵਿੱਟਰ ਅਕਾਾਉਂਟ ਉੱਤੇ ਸ਼ੇਅਰ ਕੀਤੀ ਹੈ। ਜਿਸ ਵਿੱਚ  ਲਿਖਿਆ ਗਿਆ ਹੈ ਕਿ 'ਦੇਸ਼ ਦੀ ਖਾਤਰ ਜ਼ਿੰਦਾ ਹੈ, ਉਹ ਦੇਸ਼ ਦੀ ਖਾਤਿਰ ਮਰਦਾ ਹੈ, ਭਲੇ ਦੇਸ਼ ਦੀ ਖਾਤਰ ਜਾਨ ਜਾਵੇ ਉਹ ਮਰਨ ਤੋਂ ਨਹੀਂ ਡਰਦਾ ਹੈ,ਪੰਜਾਬ ਵੱਧ ਚੱੜ ਬੋਲੇ, ਹੁਣ ਰੰਗ ਦੇ ਬਸੰਤੀ ਚੋਲਾ।'

ਦੇਸ਼ ਦੀ ਖਾਤਰ ਜ਼ਿੰਦਾ ਹੈ, ਉਹ ਦੇਸ਼ ਦੀ ਖਾਤਿਰ ਮਰਦਾ ਹੈ, ਭਲੇ ਦੇਸ਼ ਦੀ ਖਾਤਰ ਜਾਨ ਜਾਵੇ ਉਹ ਮਰਨ ਤੋਂ ਨਹੀਂ ਡਰਦਾ ਹੈ,ਪੰਜਾਬ ਵੱਧ ਚੱੜ ਬੋਲੇ, ਹੁਣ ਰੰਗ ਦੇ ਬਸੰਤੀ ਚੋਲਾ।#NawaPunjabBhajpaDeNaal pic.twitter.com/PhRD2PX67a

— BJP PUNJAB (@BJP4Punjab) February 4, 2022

ਭਾਜਪਾ ਕੈਪਟਨ ਅਮਰਿੰਦਰ ਸਿੰਘ ਦੀ ਪੰਜਾਬ ਲੋਕ ਕਾਂਗਰਸ ਅਤੇ ਸੁਖਦੇਵ ਸਿੰਘ ਢੀਂਡਸਾ ਦੀ ਅਕਾਲੀ ਦਲ (ਸੰਯੁਕਤ) ਨਾਲ ਗਠਜੋੜ ਕਰਕੇ ਪੰਜਾਬ ਚੋਣਾਂ ਲੜ ਰਹੀ ਹੈ।ਪੰਜਾਬ ਵਿੱਚ 20 ਫਰਵਰੀ ਨੂੰ ਵੋਟਾਂ ਪੈਣਗੀਆਂ। ਵੋਟਾਂ ਦੀ ਗਿਣਤੀ 10 ਮਾਰਚ ਨੂੰ ਹੋਵੇਗੀ।