Home /News /punjab /

ਪੰਜਾਬ 'ਚ ਗਰਮੀ ਕਾਰਨ ਬਿਜਲੀ ਦੀ ਖਪਤ 65 ਫੀਸਦੀ ਵਧੀ, ਕੋਲੇ ਦੇ ਭੰਡਾਰ 'ਤੇ ਵੀ ਸੰਕਟ

ਪੰਜਾਬ 'ਚ ਗਰਮੀ ਕਾਰਨ ਬਿਜਲੀ ਦੀ ਖਪਤ 65 ਫੀਸਦੀ ਵਧੀ, ਕੋਲੇ ਦੇ ਭੰਡਾਰ 'ਤੇ ਵੀ ਸੰਕਟ

file photo

file photo

ਪੰਜਾਬ ਵਿੱਚ ਬਿਜਲੀ ਦੀ ਮੰਗ ਵਿੱਚ ਪਿਛਲੇ ਸਾਲ ਦੇ ਮੁਕਾਬਲੇ 65 ਫੀਸਦੀ ਵਾਧਾ ਹੋਇਆ ਹੈ, ਜਦੋਂ ਕਿ ਪੰਜਾਬ ਰਾਜ ਪਾਵਰ ਕਾਰਪੋਰੇਸ਼ਨ ਲਿਮਟਿਡ (PSPCL) ਨੇ ਇਸ ਸਾਲ ਘਰੇਲੂ ਸ਼ਹਿਰੀ ਖਪਤਕਾਰਾਂ ਨੂੰ 70 ਫੀਸਦੀ ਵੱਧ ਬਿਜਲੀ ਸਪਲਾਈ ਕੀਤੀ ਹੈ।

  • Share this:

    ਚੰਡੀਗੜ੍ਹ: ਇਸ ਸਾਲ ਤਾਪਮਾਨ 'ਚ ਲਗਾਤਾਰ ਹੋ ਰਹੇ ਵਾਧੇ ਕਾਰਨ ਸੂਬੇ ਦੇ ਸ਼ਹਿਰੀ ਖੇਤਰਾਂ 'ਚ ਘਰੇਲੂ ਬਿਜਲੀ ਦੀ ਮੰਗ ਵਧ ਗਈ ਹੈ। ਪੰਜਾਬ ਵਿੱਚ ਬਿਜਲੀ ਦੀ ਮੰਗ ਵਿੱਚ ਪਿਛਲੇ ਸਾਲ ਦੇ ਮੁਕਾਬਲੇ 65 ਫੀਸਦੀ ਵਾਧਾ ਹੋਇਆ ਹੈ, ਜਦੋਂ ਕਿ ਪੰਜਾਬ ਰਾਜ ਪਾਵਰ ਕਾਰਪੋਰੇਸ਼ਨ ਲਿਮਟਿਡ (PSPCL) ਨੇ ਇਸ ਸਾਲ ਘਰੇਲੂ ਸ਼ਹਿਰੀ ਖਪਤਕਾਰਾਂ ਨੂੰ 70 ਫੀਸਦੀ ਵੱਧ ਬਿਜਲੀ ਸਪਲਾਈ ਕੀਤੀ ਹੈ। ਅਧਿਕਾਰਤ ਅੰਕੜਿਆਂ ਅਨੁਸਾਰ, ਪੀਐਸਪੀਸੀਐਲ ਨੇ ਮਈ ਮਹੀਨੇ ਵਿੱਚ ਸ਼ਹਿਰੀ ਘਰਾਂ ਨੂੰ ਪਿਛਲੇ ਸਾਲ ਦੇ ਮੁਕਾਬਲੇ ਲਗਭਗ 60-70 ਪ੍ਰਤੀਸ਼ਤ ਵੱਧ ਬਿਜਲੀ ਸਪਲਾਈ ਕੀਤੀ ਹੈ।

    ਇਸੇ ਤਰ੍ਹਾਂ, ਵਪਾਰਕ ਖੇਤਰ ਦੇ ਖਪਤਕਾਰਾਂ ਵਿੱਚ ਇਸ ਮਹੀਨੇ ਹੁਣ ਤੱਕ ਸਪਲਾਈ ਕੀਤੀ ਗਈ ਬਿਜਲੀ ਵਿੱਚ 55-65 ਫੀਸਦੀ ਅਤੇ ਪੇਂਡੂ ਖਪਤਕਾਰਾਂ ਨੂੰ 30-35 ਫੀਸਦੀ ਦਾ ਵਾਧਾ ਦੇਖਿਆ ਗਿਆ ਹੈ। ਪੀਐਸਪੀਸੀਐਲ ਦੇ ਅਧਿਕਾਰੀਆਂ ਨੇ ਦਾਅਵਾ ਕੀਤਾ ਕਿ ਰਾਜ ਬਿਜਲੀ ਨਿਗਮ ਹਰ ਵਰਗ ਦੇ ਖਪਤਕਾਰਾਂ ਦੀ ਮੰਗ ਨੂੰ ਪੂਰਾ ਕਰ ਰਿਹਾ ਹੈ, ਪਰ ਅਸਧਾਰਨ ਮੰਗ ਕਾਰਨ ਥਰਮਲਾਂ ਵਿੱਚ ਕੋਲੇ ਦਾ ਸਟਾਕ ਨਹੀਂ ਬਣਾਇਆ ਜਾ ਰਿਹਾ ਹੈ। ਉਨ੍ਹਾਂ ਕਿਹਾ ਕਿ ਥਰਮਲ ਲਈ ਵੱਧ ਤੋਂ ਵੱਧ ਕੋਲਾ ਪ੍ਰਾਪਤ ਕਰਨ ਲਈ ਯਤਨ ਕੀਤੇ ਜਾ ਰਹੇ ਹਨ।

    ਖੇਤੀਬਾੜੀ ਖਪਤਕਾਰਾਂ ਦੀ ਮੰਗ ਵਧੀ


    ਹਾਲਾਂਕਿ, ਇਸ ਸਾਲ 1 ਤੋਂ 12 ਮਈ ਤੱਕ ਖੇਤੀਬਾੜੀ ਪੰਪਸੈੱਟ (AP) ਖਪਤਕਾਰਾਂ ਨੂੰ ਲਗਭਗ 25-30 ਫੀਸਦੀ ਜ਼ਿਆਦਾ ਬਿਜਲੀ ਸਪਲਾਈ ਕੀਤੀ ਗਈ ਸੀ, ਜਦੋਂ ਕਿ ਉਦਯੋਗਿਕ ਖੇਤਰ ਦੇ ਖਪਤਕਾਰਾਂ ਨੂੰ 5-11 ਫੀਸਦੀ ਜ਼ਿਆਦਾ ਬਿਜਲੀ ਸਪਲਾਈ ਕੀਤੀ ਗਈ ਹੈ। ਇਸ ਸਾਲ 10, 11 ਅਤੇ 12 ਮਈ ਨੂੰ ਪੰਜਾਬ ਵਿੱਚ ਕ੍ਰਮਵਾਰ 1,0401 ਮੈਗਾਵਾਟ, 10,063 ਮੈਗਾਵਾਟ ਅਤੇ 10,495 ਮੈਗਾਵਾਟ ਬਿਜਲੀ ਦੀ ਮੰਗ ਦਰਜ ਕੀਤੀ ਗਈ, ਜਦੋਂ ਕਿ 10 ਮਈ ਤੋਂ 12 ਮਈ ਤੱਕ ਸੂਬੇ ਵਿੱਚ ਕ੍ਰਮਵਾਰ 6,640 ਮੈਗਾਵਾਟ, 6,545 ਮੈਗਾਵਾਟ ਅਤੇ 6,374 ਮੈਗਾਵਾਟ ਦੀ ਮੰਗ ਕੀਤੀ ਗਈ ਸੀ। ਪਿਛਲੇ ਸਾਲ ਇਸ ਸਮੇਂ ਦੌਰਾਨ ਮੈਗਾਵਾਟ ਬਿਜਲੀ ਦੀ ਮੰਗ ਸੀ।

    ਰਾਜ ਦੀ ਪਾਵਰ ਯੂਟੀਲਿਟੀ ਨੇ ਇਸ ਮਹੀਨੇ ਰਾਜ ਭਰ ਦੇ ਵੱਖ-ਵੱਖ ਵਰਗਾਂ ਦੇ ਖਪਤਕਾਰਾਂ ਨੂੰ ਆਪਣੀ 41 ਫੀਸਦੀ ਤੋਂ ਵੱਧ ਬਿਜਲੀ ਸਪਲਾਈ ਕੀਤੀ ਹੈ। ਪਿਛਲੇ ਸਾਲ 1 ਮਈ ਤੋਂ 12 ਮਈ ਤੱਕ, ਪੀਐਸਪੀਸੀਐਲ ਨੇ 1,762 ਐਮਯੂ ਬਿਜਲੀ ਦੀ ਸਪਲਾਈ ਕੀਤੀ ਸੀ ਜਦੋਂ ਕਿ ਇਸ ਸਾਲ ਉਸਨੇ 1 ਮਈ ਤੋਂ 12 ਮਈ ਤੱਕ ਆਪਣੇ ਖਪਤਕਾਰਾਂ ਨੂੰ ਲਗਭਗ 2,483 ਐਮਯੂ ਬਿਜਲੀ ਸਪਲਾਈ ਕੀਤੀ ਹੈ। ਖਾਸ ਤੌਰ 'ਤੇ ਮਾਰਚ ਅਤੇ ਅਪ੍ਰੈਲ ਦੇ ਮਹੀਨਿਆਂ ਵਿੱਚ, ਰਾਜ ਦੀ ਪਾਵਰ ਯੂਟਿਲਿਟੀ ਨੇ ਪਿਛਲੇ ਸਾਲ ਦੇ ਮੁਕਾਬਲੇ ਰਾਜ ਭਰ ਵਿੱਚ ਆਪਣੇ ਖਪਤਕਾਰਾਂ ਨੂੰ ਲਗਭਗ 14 ਅਤੇ 32 ਪ੍ਰਤੀਸ਼ਤ ਵੱਧ ਬਿਜਲੀ ਸਪਲਾਈ ਕੀਤੀ।

    Published by:Ashish Sharma
    First published:

    Tags: Coal, Electricity, PSPCL, Punjab