Home /News /punjab /

Khanna : ਕਾਗਜ਼ ‘ਤੇ 3 ਵਾਰ ਤਲਾਕ ਲਿਖ ਕੇ ਪਤਨੀ ਨੂੰ ਛੱਡਿਆ, FIR ਦਰਜ, ਦੋਸ਼ੀ ਫਰਾਰ

Khanna : ਕਾਗਜ਼ ‘ਤੇ 3 ਵਾਰ ਤਲਾਕ ਲਿਖ ਕੇ ਪਤਨੀ ਨੂੰ ਛੱਡਿਆ, FIR ਦਰਜ, ਦੋਸ਼ੀ ਫਰਾਰ

Khanna : ਕਾਗਜ਼ ‘ਤੇ 3 ਵਾਰ ਤਲਾਕ ਲਿਖ ਕੇ ਪਤਨੀ ਨੂੰ ਛੱਡਿਆ, FIR ਦਰਜ, ਦੋਸ਼ੀ ਫਰਾਰ (ਸੰਕੇਤਿਕ ਤਸਵੀਰ)

Khanna : ਕਾਗਜ਼ ‘ਤੇ 3 ਵਾਰ ਤਲਾਕ ਲਿਖ ਕੇ ਪਤਨੀ ਨੂੰ ਛੱਡਿਆ, FIR ਦਰਜ, ਦੋਸ਼ੀ ਫਰਾਰ (ਸੰਕੇਤਿਕ ਤਸਵੀਰ)

ਪੰਜਾਬ ਦੀ ਖੰਨਾ ਪੁਲਸ ਨੇ ਇਕ ਮੁਸਲਿਮ ਔਰਤ ਨੂੰ ਕਾਗਜ਼ 'ਤੇ ਲਿਖ ਕੇ 'ਤਿੰਨ ਤਲਾਕ' ਦੇਣ ਦੇ ਦੋਸ਼ 'ਚ ਇਕ ਵਿਅਕਤੀ ਅਤੇ ਉਸ ਦੇ ਮਾਤਾ-ਪਿਤਾ ਸਮੇਤ ਚਾਰ ਲੋਕਾਂ ਖਿਲਾਫ ਮਾਮਲਾ ਦਰਜ ਕੀਤਾ ਹੈ।

  • Share this:
    ਚੰਡੀਗੜ੍ਹ- ਪੰਜਾਬ ਦੀ ਖੰਨਾ ਪੁਲਸ ਨੇ ਇਕ ਮੁਸਲਿਮ ਔਰਤ ਨੂੰ ਕਾਗਜ਼ 'ਤੇ ਲਿਖ ਕੇ 'ਤਿੰਨ ਤਲਾਕ' ਦੇਣ ਦੇ ਦੋਸ਼ 'ਚ ਇਕ ਵਿਅਕਤੀ ਅਤੇ ਉਸ ਦੇ ਮਾਤਾ-ਪਿਤਾ ਸਮੇਤ ਚਾਰ ਲੋਕਾਂ ਖਿਲਾਫ ਮਾਮਲਾ ਦਰਜ ਕੀਤਾ ਹੈ। ਇਸ ਮਾਮਲੇ 'ਚ ਪੁਲਸ ਨੇ ਕਈ ਮਹੀਨਿਆਂ ਤੱਕ ਜਾਂਚ ਕੀਤੀ, ਜਿਸ ਤੋਂ ਬਾਅਦ ਇਹ ਮਾਮਲਾ ਦਰਜ ਕੀਤਾ ਗਿਆ। ਔਰਤ ਦੇ ਪਿਤਾ ਨੇ ਸਮਰਾਲਾ ਥਾਣੇ ਵਿੱਚ ਐਫਆਈਆਰ ਦਰਜ ਕਰਵਾਈ ਹੈ ਜਿਸ ਵਿੱਚ ਦੋਸ਼ ਲਾਇਆ ਗਿਆ ਹੈ ਕਿ ਲਾੜਾ ਅਤੇ ਉਸਦੇ ਪਰਿਵਾਰ ਵੱਲੋਂ ਦਾਜ ਵਜੋਂ ਨਵੀਂ ਕਾਰ ਦੀ ਮੰਗ ਪੂਰੀ ਨਾ ਕਰਨ ਤੋਂ ਬਾਅਦ ਲਾੜੇ ਅਤੇ ਉਸਦੇ ਪਰਿਵਾਰ ਨੇ ਉਸਦੀ ਧੀ ਨੂੰ ਤਿੰਨ ਤਲਾਕ ਦਿੱਤਾ।

    ਕੀ ਹੈ ਪੂਰਾ ਮਾਮਲਾ?

    ਸਮਰਾਲਾ ਦੇ ਪਿੰਡ ਕੁੱਬਾ ਵਾਸੀ ਯੂਸਫ਼ ਨੇ ਪਿਛਲੇ ਸਾਲ ਅਗਸਤ ਵਿੱਚ ਖੰਨਾ ਪੁਲੀਸ ਕੋਲ ਦਰਜ ਕਰਵਾਈ ਆਪਣੀ ਸ਼ਿਕਾਇਤ ਵਿੱਚ ਕਿਹਾ ਸੀ ਕਿ ਉਸ ਦੀ ਲੜਕੀ ਦਾ ਵਿਆਹ ਪਿਛਲੇ ਸਾਲ 11 ਮਾਰਚ ਨੂੰ ਹਿਮਾਚਲ ਪ੍ਰਦੇਸ਼ ਦੇ ਚੰਬਾ ਵਾਸੀ ਗੁਲਜ਼ਾਰ ਨਬੀ ਨਾਲ ਹੋਇਆ ਸੀ। ਜਦੋਂ ਉਨ੍ਹਾਂ ਦੀ ਲੜਕੀ ਵਿਆਹ ਤੋਂ ਬਾਅਦ ਪਹਿਲੀ ਵਾਰ ਆਪਣੇ ਜੱਦੀ ਘਰ ਆਈ ਤਾਂ ਗੁਲਜ਼ਾਰ ਦੇ ਮਾਪਿਆਂ ਨੇ ਦਾਜ ਵਜੋਂ ਨਵੀਂ ਮਾਰੂਤੀ ਆਲਟੋ ਕਾਰ ਦੀ ਮੰਗ ਕੀਤੀ। ਸ਼ਿਕਾਇਤਕਰਤਾ ਯੂਸਫ਼ ਨੇ ਆਪਣੇ ਬਿਆਨ ਵਿੱਚ ਦੱਸਿਆ ਕਿ ਜਦੋਂ ਮੈਂ ਨਵੀਂ ਕਾਰ ਲੈਣ ਤੋਂ ਅਸਮਰੱਥਾ ਪ੍ਰਗਟਾਈ ਤਾਂ ਮੁਲਜ਼ਮਾਂ ਨੇ ਮੇਰੀ ਲੜਕੀ ਨੂੰ ਇੱਥੇ ਮੇਰੇ ਘਰ ਛੱਡ ਦਿੱਤਾ ਅਤੇ ਕੁਝ ਦਿਨਾਂ ਬਾਅਦ ਮੈਚਮੇਕਰ ਨੂਰ ਮੁਹੰਮਦ ਰਾਹੀਂ ਇੱਕ ਪੱਤਰ ਭੇਜਿਆ ਜਿਸ ਵਿੱਚ ਮੁਲਜ਼ਮ ਨੇ ਉਰਦੂ ਵਿੱਚ ਤਿੰਨ ਅੱਖਰਾਂ ਵਿੱਚ 'ਤਲਾਕ' ਲਿਖਿਆ ਹੋਇਆ ਸੀ।

    ਮੁਲਜ਼ਮ ਪੁਲਿਸ ਦੀ ਗ੍ਰਿਫ਼ਤ ’ਚੋਂ ਬਾਹਰ

    ਪੁਲਿਸ ਨੇ ਲਾੜੇ ਗੁਲਜ਼ਾਰ ਨਬੀ, ਉਸ ਦੇ ਪਿਤਾ ਗੁਲਾਮ ਨਬੀ, ਮਾਂ ਸਕੀਨਾ-ਚੰਬਾ, ਹਿਮਾਚਲ ਪ੍ਰਦੇਸ਼ ਅਤੇ ਮੈਚਮੇਕਰ ਨੂਰ ਮੁਹੰਮਦ ਵਾਸੀ ਚੌਕੀਮਾਨ, ਜਗਰਾਉਂ (ਜ਼ਿਲ੍ਹਾ ਲੁਧਿਆਣਾ) ਖ਼ਿਲਾਫ਼ ਆਈਪੀਸੀ ਦੀ ਧਾਰਾ 498 ਏ ਅਤੇ ਮੁਸਲਿਮ ਮਹਿਲਾ (ਸੁਰੱਖਿਆ) ਦੀ ਧਾਰਾ 4 ਤਹਿਤ ਕੇਸ ਦਰਜ ਕੀਤਾ ਹੈ। . ਇੰਡੀਅਨ ਐਕਸਪ੍ਰੈਸ ਦੀ ਰਿਪੋਰਟ ਵਿੱਚ ਖੰਨਾ ਪੁਲਿਸ ਦੇ ਇੱਕ ਅਧਿਕਾਰੀ ਦੇ ਹਵਾਲੇ ਨਾਲ ਕਿਹਾ ਗਿਆ ਹੈ ਕਿ ਕਈ ਮਹੀਨਿਆਂ ਦੀ ਜਾਂਚ ਤੋਂ ਬਾਅਦ ਇਸ ਮਾਮਲੇ ਵਿੱਚ ਐਫਆਈਆਰ ਦਰਜ ਕੀਤੀ ਗਈ ਹੈ। ਪੁਲਿਸ ਅਜੇ ਤੱਕ ਦੋਸ਼ੀ ਨੂੰ ਗ੍ਰਿਫਤਾਰ ਨਹੀਂ ਕਰ ਸਕੀ ਹੈ।
    Published by:Ashish Sharma
    First published:

    Tags: Khanna, Punjab Police, Triple Talaq

    ਅਗਲੀ ਖਬਰ