Rajpura: ਪੁਲਿਸ ਨੇ 700 ਗ੍ਰਾਮ ਹੈਰੋਇਨ ਸਣੇ ਨਾਇਜੀਰੀਅਨ ਔਰਤ ਨੂੰ ਕੀਤਾ ਕਾਬੂ

ਅਮਰਜੀਤ ਸਿੰਘ ਪੰਨੂ

ਰਾਜਪੁਰਾ : ਪੰਜਾਬ ਦੇ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਵੱਲੋਂ  ਪੰਜਾਬ ਪੁਲੀਸ ਨੂੰ ਹੁਕਮ ਦਿੱਤੇ ਗਏ ਹਨ  ਨਸ਼ਾ ਵੇਚਣ ਵਾਲਿਆਂ ਖ਼ਿਲਾਫ਼  ਸਖ਼ਤੀ ਨਾਲ ਨਿਪਟਿਆ ਜਾਵੇ। ਰਾਜਪੁਰਾ ਥਾਣਾ ਸਦਰ ਅਧੀਨ ਅਧੀਨ ਪੈਂਦੇ ਬਸੰਤਪੁਰਾ ਪੁਲੀਸ ਚੌਕੀ ਦੇ ਪੁਲਿਸ ਮੁਲਾਜ਼ਮਾਂ ਵੱਲੋਂ  ਅੰਮ੍ਰਿਤਸਰ  ਦਿੱਲੀ ਨੈਸ਼ਨਲ ਹਾਈਵੇ ਤੇ ਗੁਰਮੀਤ ਸਿੰਘ ਵੱਲੋਂ  ਨਾਕੇਬੰਦੀ ਕੀਤੀ ਹੋਈ ਸੀ। ਇਸ ਦੌਰਾਨ  ਅੰਬਾਲਾ ਸਾਈਡ ਤੋਂ ਆਉਂਦੀ ਕਾਰ ਨੂੰ ਰੋਕਿਆ ਗਿਆ ਤਾਂ  ਜਿਸ ਵਿੱਚ ਇੱਕ  ਨਾਈਜੀਰੀਅਨ ਔਰਤ  ਬੈਠੀ ਸੀ। ਪੁਲਿਸ ਨੇ ਸ਼ੱਕ ਪੈਣ ਤੇ ਜਦੋਂ ਕਾਰ ਦੀ ਤਲਾਸ਼ੀ ਲਈ ਗਈ ਤਾਂ ਗੱਡੀ ਵਿਚੋਂ  ਕਰੋੜਾਂ ਰੁਪਏ ਮੁੱਲ ਦੀ  700 ਗਰਾਮ  ਹੈਰੋਇਨ  ਬਰਾਮਦ ਕੀਤੀ ਗਈ । ਪੁਲਿਸ ਨੇ ਹੋਰ ਪੁੱਛ ਪੜਤਾਲ ਕਰਨ ਲਈ  ਰਾਜਪੁਰਾ ਦੀ ਮਾਣਯੋਗ ਅਦਾਲਤ ਵਿਚ ਪੇਸ਼  ਕੀਤਾ ਗਿਆ  ਅਤੇ ਸੱਤ ਦਿਨ ਦਾ  ਪੁਲੀਸ ਰਿਮਾਂਡ  ਹਾਸਿਲ ਕੀਤਾ । ਥਾਣਾ ਸਦਰ ਰਾਜਪੁਰਾ  ਵਿਖੇ ਦੋਸ਼ਣ ਖ਼ਿਲਾਫ਼  ਨਸ਼ਾ ਐਕਟ ਤਹਿਤ  ਮੁਕੱਦਮਾ ਦਰਜ ਕਰ ਕੇ  ਪੜਤਾਲ ਸ਼ੁਰੂ ਕਰ ਦਿੱਤੀ ਗਈ।

ਥਾਣਾ ਸਦਰ ਰਾਜਪੁਰਾ ਦੇ  ਮੁੱਖ ਅਫ਼ਸਰ  ਗੁਰਪ੍ਰੀਤ ਸਿੰਘ ਹਾਂਡਾ  ਨੇ ਪੱਤਰਕਾਰਾਂ ਨੂੰ ਦੱਸਿਆ ਕਿ ਦੋਸ਼ਣ ਖਿਲਾਫ ਧਾਰਾ  21-61-85ਨਸ਼ਾ ਐਕਟ  ਤਹਿਤ  ਮੁਕੱਦਮਾ ਦਰਜ ਕੀਤਾ ਗਿਆ ਹੈ  ਅਤੇ ਸੱਤ ਦਿਨ ਦਾ  ਪੁਲੀਸ ਰਿਮਾਂਡ  ਹਾਸਲ ਕੀਤਾ ਗਿਆ। ਦੋਸ਼ੀ ਦਾ ਨਾਮ ਅ ਕੁੱਸਾ  ਜੌਰਡਨ  ਵਾਸੀ ਦਿੱਲੀ  ਪਤਾ ਦੱਸਿਆ ਗਿਆ ਹੈ । ਪੁਲੀਸ ਰਿਮਾਂਡ ਦੌਰਾਨ  ਪਤਾ ਕੀਤਾ ਜਾਵੇਗਾ ਕੀ  ਇਹ ਔਰਤ  ਕਿੰਨੀ ਕੁ ਦੇਰ ਤੋਂ  ਹੈਰੋਇਨ ਦੇ ਕਾਰੋਬਾਰੀ  ਜੁੜੀ ਹੋਈ ਹੈ  ਅਤੇ ਹੋਰ ਕਿਸ ਕਿਸ ਵਿਅਕਤੀ ਦਾ  ਇਸ ਕਾਰੋਬਾਰ ਨਾਲ ਸਬੰਧਤ ਹੈ।