ਹੁਣ ਹਨੀਪ੍ਰੀਤ ਹੋਵੇਗੀ 'ਰੂਹਾਨੀ ਦੀਦੀ'; ਰਾਮ ਰਹੀਮ ਦਾ ਐਲਾਨ- 'ਮੈਂ ਗੁਰੂ ਸੀ, ਹਾਂ ਤੇ ਰਹਾਂਗਾ'

ਚੰਡੀਗੜ੍ਹ- 40 ਦਿਨਾਂ ਦੀ ਪੈਰੋਲ ਉਤੇ ਸੁਨਾਰੀਆ ਜੇਲ ਤੋਂ ਬਾਹਰ ਆਏ ਰਾਮ ਰਹੀਮ ਨੇ ਹੁਣ ਹਨੀਪ੍ਰੀਤ ਦਾ ਨਾਂ ਬਦਲ ਦਿੱਤਾ ਹੈ। ਰਾਮ ਰਹੀਮ ਨੇ ਕਿਹਾ ਕਿ ਬੇਟੀ ਹਨੀਪ੍ਰੀਤ ਹੁਣ ਰੂਹਾਨੀ ਦੀਦੀ ਦੇ ਨਾਂ ਨਾਲ ਜਾਣੀ ਜਾਵੇਗੀ। ਇਸ ਦੇ ਨਾਲ ਹੀ ਉਨ੍ਹਾਂ ਨੇ ਗੱਦੀ ਅਤੇ ਗੁਰੂ ਬਦਲਣ ਦੀਆਂ ਚਰਚਾਵਾਂ 'ਤੇ ਵੀ ਵਿਰਾਮ ਲਗਾ ਦਿੱਤਾ। ਉਨ੍ਹਾਂ ਕਿਹਾ ਕਿ ਅਸੀਂ ਡੇਰੇ ਦੇ ਗੁਰੂ ਸੀ, ਹਾਂ ਅਤੇ ਰਹਾਂਗੇ। ਰਾਮ ਰਹੀਮ ਨੇ ਡੇਰੇ 'ਚ ਸਾਧ ਸੰਗਤ ਨੂੰ ਸੰਬੋਧਨ ਕਰਦੇ ਹੋਏ ਦੋਵੇਂ ਬਿਆਨ ਜਾਰੀ ਕੀਤੇ। ਰਾਮ ਰਹੀਮ ਨੇ ਕੱਲ੍ਹ ਬਰਨਾਵਾ ਡੇਰੇ ਵਿੱਚ ਵੀ ਦੀਵਾਲੀ ਮਨਾਈ ਅਤੇ ਲੋਕਾਂ ਨੂੰ ਪ੍ਰਦੂਸ਼ਣ ਦਾ ਧਿਆਨ ਰੱਖ ਕੇ ਦੀਵਾਲੀ ਮਨਾਉਣ ਦੀ ਅਪੀਲ ਕੀਤੀ।

ਦੱਸ ਦੇਈਏ ਕਿ ਰਾਮ ਰਹੀਮ ਹਰਿਆਣਾ ਦੀ ਸੁਨੇਰੀਆ ਜੇਲ ਤੋਂ ਬਾਗਪਤ ਸਥਿਤ ਬਰਨਾਵਾ ਆਸ਼ਰਮ ਵਿੱਚ ਪੈਰੋਲ 'ਤੇ ਹੈ, ਜਿਸ ਤੋਂ ਬਾਅਦ ਅੱਜ ਉਹ ਆਸ਼ਰਮ ਤੋਂ ਆਨਲਾਈਨ ਆ ਕੇ ਆਪਣੇ ਸਮਰਥਕਾਂ ਨੂੰ ਸੰਬੋਧਿਤ ਕੀਤਾ ਅਤੇ ਹਨੀਪ੍ਰੀਤ ਅਤੇ ਡੇਰੇ ਦੀ ਗੱਦੀ ਨੂੰ ਲੈ ਕੇ ਬਿਆਨ ਦਿੱਤਾ। ਸਰਮ ਰਹੀਮ ਨੇ ਆਪਣੇ ਸਮਰਥਕਾਂ ਨੂੰ ਆਨਲਾਈਨ ਆ ਕੇ ਡੇਰੇ ਦੀ ਗੱਦੀ ਬਦਲਣ ਦੀਆਂ ਚਰਚਾਵਾਂ ਬਾਰੇ ਦੱਸਿਆ।ਉਨ੍ਹਾਂ ਕਿਹਾ ਕਿ ਸੂਤਰ ਦਾ ਹਵਾਲਾ ਦੇ ਕੇ ਗੱਦੀ ਬਦਲਣ ਦੀਆਂ ਚਰਚਾਵਾਂ ਚੱਲ ਰਹੀਆਂ ਹਨ, ਪਰ ਅਸੀਂ ਗੱਦੀ 'ਤੇ ਬੈਠੇ ਹਾਂ। ਗੁਰੂ ਅਸੀਂ ਹਾਂ ਅਤੇ ਰਹਾਂਗੇ।

ਉਨ੍ਹਾਂ ਕਿਹਾ ਕਿ ਸੂਤਰਾਂ ਦੀ ਚਰਚਾ ਕਿੱਥੋਂ ਹੋਈ ਹੈ ਪਤਾ ਨਹੀਂ। ਮੈਂ ਤੁਹਾਨੂੰ ਸਪਸ਼ਟ ਕਹਿ ਸਕਦਾ ਹਾਂ ਕਿ ਗੁਰੂ ਨੂੰ ਬਦਲਿਆ ਨਹੀਂ ਜਾਵੇਗਾ। ਅਸੀਂ ਹਾਂ ਅਤੇ ਅਸੀਂ ਰਹਾਂਗੇ। ਇਸ ਦੇ ਨਾਲ ਹੀ ਉਨ੍ਹਾਂ ਹਨੀਪ੍ਰੀਤ ਦਾ ਨਾਂ ਬਦਲਣ ਦੀ ਗੱਲ ਵੀ ਕਹੀ। ਉਨ੍ਹਾਂ ਕਿਹਾ ਕਿ ਹਨੀਪ੍ਰੀਤ ਦਾ ਨਾਂ ਹੁਣ ਰੂਹਾਨੀ ਦੀਦੀ ਹੋਵੇਗਾ ਅਤੇ ਉਹ ਰੂਹਾਨੀ ਦੀਦੀ ਵਜੋਂ ਜਾਣੀ ਜਾਵੇਗੀ। ਇਸ ਦੇ ਨਾਲ ਹੀ ਉਨ੍ਹਾਂ ਨੇ ਕੈਂਪ ਵਿੱਚ ਆਨ ਲਾਈਨ ਆ ਕੇ ਦੀਪਮਾਲਾ ਕਰਕੇ ਦੀਪਮਾਲਾ ਕੀਤੀ ਅਤੇ ਲੋਕਾਂ ਨੂੰ ਵੱਧ ਤੋਂ ਵੱਧ ਪ੍ਰਦੂਸ਼ਣ ਨਾ ਫੈਲਾਉਣ ਦੀ ਅਪੀਲ ਕੀਤੀ।