1 ਜੁਲਾਈ ਤੱਕ Aadhaar Card ਦੇ ਨਾਲ Pan Card ਲਿੰਕ ਕਰਵਾਉਣਾ ਜ਼ਰੂਰੀ, ਨਹੀਂ ਤਾਂ ਕੰਮਾਂ 'ਚ ਰੁਕਾਵਟ ਆਵੇਗੀ ਮੁਸ਼ਕਿਲ

ਸੁੱਖਵਿੰਦਰ ਸਾਕਾ

ਰੂਪਨਗਰ : ਪੈਨ ਕਾਰਡ ਅਤੇ ਆਧਾਰ ਕਾਰਡ ਨੂੰ ਲਿੰਕ ਕਰਨਾ ਬਹੁਤ ਜ਼ਰੂਰੀ ਹੈ । ਇਸ ਤੋਂ ਬਿਨਾਂ ਤੁਹਾਡੇ ਸਾਰੇ ਜ਼ਰੂਰੀ ਕੰਮ ਰੁਕ ਜਾਣਗੇ । ਸਰਕਾਰ ਨੇ ਕਿਹਾ ਹੈ ਕਿ ਜਿਨ੍ਹਾਂ ਲੋਕਾਂ ਨੇ 1 ਜੁਲਾਈ ਤੋਂ ਪਹਿਲਾਂ ਪੈਨ ਕਾਰਡ ਅਤੇ ਆਧਾਰ ਨੂੰ ਲਿੰਕ ਨਹੀਂ ਕੀਤਾ, ਉਨ੍ਹਾਂ ਨੂੰ ਅਜਿਹੀ ਸਥਿੱਤੀ ਵਿੱਚ ਦੁੱਗਣਾ ਜ਼ੁਰਮਾਨਾ ਦੇਣਾ ਪਵੇਗਾ । ਸਰਕਾਰੀ ਨਿਯਮਾਂ ਦੇ ਮੁਤਾਬਿਕ ਸਰਕਾਰ ਨੇ ਲੋਕਾਂ ਨੂੰ 31 ਮਾਰਚ 2022 ਤੱਕ ਪੈਨ ਅਤੇ ਆਧਾਰ ਨੂੰ ਮੁਫਤ ਲਿੰਕ ਕਰਨ ਦੀ ਸਲਾਹ ਦਿੱਤੀ ਸੀ । ਪਰ, ਬਹੁਤ ਸਾਰੇ ਲੋਕ ਆਖਰੀ ਮਿਤੀ ਤੱਕ ਪੈਨ ਅਤੇ ਆਧਾਰ ਲਿੰਕ ਨਹੀਂ ਕਰਵਾ ਸਕੇ ਹਨ। ਅਜਿਹੇ ਵਿੱਚ ਸਰਕਾਰ ਨੇ ਲੋਕਾਂ ਨੂੰ ਇੱਕ ਮੌਕਾ ਦਿੱਤਾ ਹੈ ਕਿ ਉਹ 500 ਜੁਰਮਾਨੇ ਦੇ ਨਾਲ 30 ਤੱਕ ਆਧਾਰ ਅਤੇ ਪੈਨ ਨੂੰ ਲਿੰਕ ਕਰਵਾ ਸਕਦੇ ਹਨ ।

ਜੇਕਰ ਤੁਸੀਂ 1 ਜੁਲਾਈ ਤੋਂ ਪਹਿਲਾਂ ਪੈਨ ਅਤੇ ਆਧਾਰ ਨੂੰ ਲਿੰਕ ਨਹੀਂ ਕਰਦੇ ਹੋ, ਤਾਂ ਤੁਹਾਨੂੰ 1 ਜੁਲਾਈ ਤੋਂ ਪੈਨ ਅਤੇ ਆਧਾਰ ਨੂੰ ਦੋਹਰਾ ਜ਼ੁਰਮਾਨਾ ਯਨਿਕਿ 1000 ਜੁਰਮਾਨਾ ਦੇਣਾ ਪਵੇਗਾ । ਅਜਿਹੇ 'ਚ ਜੇਕਰ ਤੁਸੀਂ ਪੈਨ ਅਤੇ ਆਧਾਰ ਨੂੰ ਲਿੰਕ ਕਰਨ ਦਾ ਕੰਮ ਨਹੀਂ ਕੀਤਾ ਹੈ ਤਾਂ ਜਲਦੀ ਤੋਂ ਜਲਦੀ ਇਹ ਕੰਮ ਕਰੋ । ਧਿਆਨ ਦਿਓ ਕਿ ਪੈਨ ਅਤੇ ਆਧਾਰ ਨੂੰ ਲਿੰਕ ਕਰਨਾ ਬਹੁਤ ਜ਼ਰੂਰੀ ਹੈ । ਦੋਵਾਂ ਨੂੰ ਲਿੰਕ ਕੀਤੇ ਬਿਨਾਂ, ਤੁਸੀਂ ਮਿਉਚੁਅਲ ਫੰਡ, ਬੈਂਕ ਖਾਤਾ ਖੋਲ੍ਹਣਾ, ਵਪਾਰ ਵਰਗੇ ਮਹੱਤਵਪੂਰਨ ਕੰਮ ਨਹੀਂ ਕਰ ਸਕੋਗੇ।

ਅਜਿਹੇ 'ਚ ਜੇਕਰ ਤੁਸੀਂ ਇਹ ਕੰਮ ਨਹੀਂ ਕੀਤਾ ਹੈ ਤਾਂ ਜਲਦੀ ਤੋਂ ਜਲਦੀ ਇਸ ਨਾਲ ਨਿਪਟ ਲਓ । ਪੈਨ ਅਤੇ ਆਧਾਰ ਨੂੰ ਲਿੰਕ ਕਰਨ ਲਈ ਈ-ਫਾਈਲਿੰਗ ਪੋਰਟਲ https://incometaxindiaefiling.gov.in/ 'ਤੇ ਕਲਿੱਕ ਕਰੋ । ਇਸ ਤੋਂ ਬਾਅਦ ਤੁਸੀਂ ਆਪਣੇ ਆਪ ਨੂੰ ਰਜਿਸਟਰ ਕਰੋ ਅਤੇ ਉਸ ਤੋਂ ਬਾਅਦ ਯੂਜ਼ਰ ਆਈਡੀ, ਪਾਸਵਰਡ ਅਤੇ ਜਨਮ ਮਿਤੀ ਦਰਜ ਕਰੋ । ਇਸ ਤੋਂ ਬਾਅਦ ਲਿੰਕ ਆਧਾਰ 'ਤੇ ਕਲਿੱਕ ਕਰੋ । ਇਸ ਤੋਂ ਬਾਅਦ ਆਪਣੇ ਵੇਰਵੇ ਜਿਵੇਂ ਨਾਮ, ਜਨਮ ਮਿਤੀ, ਲਿੰਗ ਆਦਿ ਭਰੋ । ਆਧਾਰ ਨੰਬਰ ਦਰਜ ਕਰੋ ਅਤੇ ਲਿੰਕ ਨਾਓ ਵਿਕਲਪ 'ਤੇ ਕਲਿੱਕ ਕਰੋ ।