Home /News /punjab /

ਲਿਮਟਾਂ ਕਰਾ ਕੇ ਇੱਕਲੌਤੇ ਪੁੱਤ ਨੂੰ ਭੇਜਿਆ ਸੀ ਕੈਨੇਡਾ, ਹੁਣ ਘਰ 'ਚ ਉਸਦੀ ਪਰਤੀ ਲਾਸ਼, ਸਾਰੇ ਪਿੰਡ 'ਚ ਸੋਗ..

ਲਿਮਟਾਂ ਕਰਾ ਕੇ ਇੱਕਲੌਤੇ ਪੁੱਤ ਨੂੰ ਭੇਜਿਆ ਸੀ ਕੈਨੇਡਾ, ਹੁਣ ਘਰ 'ਚ ਉਸਦੀ ਪਰਤੀ ਲਾਸ਼, ਸਾਰੇ ਪਿੰਡ 'ਚ ਸੋਗ..

ਨੌਜਵਾਨ ਕਰਨਪਾਲ ਸਿੰਘ ਦੀ ਮ੍ਰਿਤਕ ਦੇਹ ਕਰੀਬ 20 ਦਿਨ ਬਾਅਦ ਕਨੈਡਾ ਤੋਂ ਪਿੰਡ ਓਹਨਾ ਦੇ ਘਰ ਪਹੁੰਚੀ।

ਨੌਜਵਾਨ ਕਰਨਪਾਲ ਸਿੰਘ ਦੀ ਮ੍ਰਿਤਕ ਦੇਹ ਕਰੀਬ 20 ਦਿਨ ਬਾਅਦ ਕਨੈਡਾ ਤੋਂ ਪਿੰਡ ਓਹਨਾ ਦੇ ਘਰ ਪਹੁੰਚੀ।

Road accident in Canada -ਕੈਨਡਾ ਵਿਚ ਹੋਏ ਐਕਸੀਡੈਂਟ ਵਿਚ ਮਾਰੇ ਗਏ ਪੰਜ ਪੰਜਾਬੀ ਵਿਦਿਆਰਥੀਆਂ ਵਿਚੋਂ ਕਰਨਪਾਲ ਸਿੰਘ ਦੀ ਮ੍ਰਿਤਕ ਦੇਹ 20 ਦਿਨ ਬਾਅਦ ਪਿੰਡ ਪਹੁੰਚੀ। ਜੱਦੀ ਜਮੀਨ ਵਿੱਚ ਅੰਤਿਮ ਸਸਕਾਰ ਕੀਤਾ ਗਿਆ। ਹਰ ਅੱਖ ਵਿੱਚ ਅੱਥਰੂ ਦਿਖੇ।

  • Share this:
    ਗੁਰਦਾਸਪੁਰ : ਬਟਾਲਾ ਦੇ ਨਜਦੀਕੀ ਪਿੰਡ ਅਮੋਨੰਗਲ ਵਿੱਚ ਮਾਹੌਲ ਉਸ ਵੇਲੇ ਗਮਗੀਨ ਹੋ ਗਿਆ ਜਦੋਂ ਨੌਜਵਾਨ ਕਰਨਪਾਲ ਸਿੰਘ ਦੀ ਮ੍ਰਿਤਕ ਦੇਹ ਕਰੀਬ 20 ਦਿਨ ਬਾਅਦ ਕਨੈਡਾ ਤੋਂ ਪਿੰਡ ਓਹਨਾ ਦੇ ਘਰ ਪਹੁੰਚੀ। ਤਿੰਨ ਪਰਿਵਾਰਾਂ ਦੇ ਇਕਲੌਤੇ ਪੁੱਤਰ ਦੀ ਮ੍ਰਿਤਕ ਦੇਹ ਵੇਖ ਕੇ ਹਰ ਇਕ ਦੀ ਅੱਖ ਨਮ ਦਿਖਾਈ ਦਿੱਤੀ। ਕਰਨਪਾਲ ਸਿੰਘ ਦਾ ਅੰਤਿਮ ਸਸਕਾਰ ਉਸਦੇ ਦੇ ਪਿੰਡ ਵਿੱਚ ਉਸ ਦੀ ਜਦੀ ਜਮੀਨ ਵਿੱਚ ਕੀਤਾ ਗਿਆ ਆਪਣੇ ਪੁੱਤਰ ਨੂੰ ਮੁੱਖ ਅਗਿਨ ਪਿਤਾ ਪਰਜੀਤ ਸਿੰਘ ਨੇ ਦਿੱਤੀ।

    ਦੱਸ ਦੇਈਏ ਕਿ ਬੀਤੀ 11 ਮਾਰਚ ਨੂੰ ਕਨੈਡਾ ਵਿਚ ਆਪਣਾ ਪੇਪਰ ਦੇਕੇ ਟੈਕਸੀ ਜਰੀਏ ਵਾਪਿਸ ਆਪਣੀ ਰਿਹਾਇਸ਼ ਤੇ ਆਉਂਦੇ ਸਮੇ ਟਰਾਲਾ ਨਾਲ ਹੋਈ ਜਬਰਦਸਤ ਟੱਕਰ ਦੇ ਵਿਚ ਟੈਕਸੀ ਸਵਾਰ ਪੰਜ ਪੰਜਾਬੀ ਵਿਦਿਆਰਥੀਆਂ ਦੀ ਮੌਤ ਹੋ ਗਈ ਸੀ, ਜਿਹਨਾਂ ਵਿਚੋਂ ਇਕ ਕਰਨਪਾਲ ਸਿੰਘ ਵੀ ਸੀ, ਜੋ 2021 ਜਨਵਰੀ ਨੂੰ ਆਪਣੇ ਅਤੇ ਆਪਣੇ ਪਰਿਵਾਰ ਦੇ ਚੰਗੇ ਭਵਿੱਖ ਦੇ ਸੁਪਨੇ ਸੰਜੋ ਕੇ ਕਨੈਡਾ ਗਿਆ ਸੀ।

    ਕਰਨਪਾਲ ਸਿੰਘ ਆਪਣੇ ਨਾਨਕੇ ਅਤੇ ਦਾਦਕਿਆਂ ਸਮੇਤ ਤਿੰਨ ਪਰਿਵਾਰ ਦਾ ਇਕਲੌਤਾ ਪੁੱਤਰ ਸੀ। ਪਰਿਵਾਰਕ ਮੈਂਬਰਾਂ ਅਤੇ ਦੋਸਤ ਨੇ ਕਨੈਡਾ ਅਤੇ ਭਾਰਤ ਦੇਸ਼ਾਂ ਦੀਆਂ ਸਰਕਾਰਾਂ ਨੂੰ ਕੋਸਿਆ। ਓਥੇ ਹੀ ਕਨੈਡਾ ਵਿੱਚ ਵਸਦੇ ਪੰਜਾਬੀਆਂ ਅਤੇ ਪੰਜਾਬੀ ਵਿਦਿਆਰਥੀਆਂ ਦਾ ਧੰਨਵਾਦ ਕਰਦੇ ਕਿਹਾ ਕਿ ਕਨੈਡਾ ਵਿੱਚ ਹੋਏ ਸੜਕ ਹਾਦਸੇ ਵਿਚ ਮਾਰੇ ਗਏ ਪੰਜ ਪੰਜਾਬੀ ਵਿਦਿਆਰਥੀਆਂ ਦੀਆਂ ਮ੍ਰਿਤਕ ਦੇਹਾਂ ਨੂੰ ਪੰਜਾਬ ਲਿਆਉਣ ਵਿਚ ਦੋਵੇ ਦੇਸ਼ਾਂ ਦੀਆਂ ਸਰਕਾਰਾਂ ਨੇ ਕੋਈ ਮਦਦ ਨਹੀਂ ਕੀਤੀ।

    ਓਹਨਾ ਕਿਹਾ ਕਿ ਕਨੈਡਾ ਵਿੱਚ ਵਸਦੇ ਪੰਜਾਬੀਆਂ ਅਤੇ ਪੰਜਾਬੀ ਵਿਦਿਆਰਥੀਆਂ ਨੇ ਹੀ ਪੈਸੇ ਇਕੱਠੇ ਕਰਕੇ ਇਹਨਾਂ ਪੰਜਾਂ ਨੌਜਵਾਨਾਂ ਦੀਆ ਮ੍ਰਿਤਕ ਦੇਹਾਂ ਨੂੰ ਉਹਨਾਂ ਦੇ ਘਰਾਂ ਤਕ ਪਹੁੰਚਾਇਆ ਹੈ। ਓਹਨਾ ਕਿਹਾ ਕਿ ਕੋਈ ਪ੍ਰਸ਼ਾਸਨਿਕ ਅਧਿਕਾਰੀ ਜਾਂ ਕੋਈ ਨੇਤਾ ਪਰਿਵਾਰ ਦਾ ਹਾਲ ਜਾਨਣ ਨਹੀਂ ਆਇਆ ਅਤੇ ਨਾ ਹੀ ਪਰਿਵਾਰ ਦਾ ਕਿਸੇ ਨੇ ਦੁਖ ਵੰਡਾਇਆ ਹੈ।

    ਓਹਨਾ ਕਿਹਾ ਕਿ ਅਗਰ ਸਰਕਾਰਾਂ ਨੌਜਵਾਨਾਂ ਲਈ ਦੇਸ਼ ਵਿਚ ਹੀ ਰੋਜਗਾਰ ਮੁਹਈਆ ਕਰਵਾਉਣ ਤਾਂ ਕੋਈ ਵੀ ਪਰਿਵਾਰ ਕਰਜਾ ਚੁੱਕ ਕੇ ਆਪਣੇ ਬੱਚਿਆਂ ਨੂੰ ਵਿਦੇਸ਼ਾਂ ਦੀ ਧਰਤੀ ਤੇ ਰੋਜਗਾਰ ਲਈ ਨਾ ਭੇਜਣ ਓਹਨਾ ਦਾ ਕਹਿਣਾ ਸੀ ਕਿ ਪ੍ਰਸ਼ਾਸਨਿਕ ਤਾਣਾ ਬਾਣਾ ਭ੍ਰਿਸ਼ਟ ਹੋ ਚੁੱਕਿਆ ਹੈ ਹਰੁ ਜਗ੍ਹਾ ਭ੍ਰਿਸ਼ਟਾਚਾਰ ਦਾ ਬੋਲਬਾਲਾ ਹੈ, ਰਿਸ਼ਵਤ ਤੋਂ ਬਗੈਰ ਕੋਈ ਕੰਮ ਨਹੀਂ ਹੁੰਦਾ। ਓਹਨਾ ਅਪੀਲ ਕੀਤੀ ਕਿ ਸਰਕਾਰਾਂ ਨੂੰ ਆਪਣੀ ਜਨਤਾ ਬਾਰੇ ਸੋਚਣਾ ਚਾਹੀਦਾ ਹੈ ਤਾਂਕਿ ਕਿਸੇ ਪਰਿਵਾਰ ਨੂੰ ਐਸੇ ਦਿਨ ਨਾ ਦੇਖਣੇ ਪੈਣ। ਓਹਨਾ ਕਿਹਾ ਸਰਕਾਰਾਂ ਨੂੰ ਰੋਜਗਾਰ ਦੇਕੇ ਪੰਜਾਬ ਦੀ ਨੌਜਵਾਨੀ ਅਤੇ ਪੰਜਾਬ ਨੂੰ ਬਚਾਉਣ ਦਾ ਉਪਰਾਲਾ ਕਰਨਾ ਚਾਹੀਦਾ ਹੈ।
    Published by:Sukhwinder Singh
    First published:

    Tags: Canada, Immigration, Road accident, Student visa

    ਅਗਲੀ ਖਬਰ