Home /News /punjab /

ਡੇਰਾ ਸਿਰਸਾ ਨੇ ਛੇੜੀ ਨਵੀਂ ਮੁਹਿੰਮ, ਲਾੜੇ ਨੂੰ ਵਿਆਹ ਕੇ ਲਾੜੀ ਲੈ ਜਾਂਦੀ ਆਪਣੇ ਘਰ...

ਡੇਰਾ ਸਿਰਸਾ ਨੇ ਛੇੜੀ ਨਵੀਂ ਮੁਹਿੰਮ, ਲਾੜੇ ਨੂੰ ਵਿਆਹ ਕੇ ਲਾੜੀ ਲੈ ਜਾਂਦੀ ਆਪਣੇ ਘਰ...

 ਡੇਰਾ ਸੱਚਾ ਸੌਦਾ ਵੱਲੋਂ ਚਲਾਈ ਜਾ ਰਹੀ ਮੁਹਿੰਮ ਤਹਿਤ ਇਹ ਵਿਆਹ ਨਾਮ ਚਰਚਾ ਘਰ ਵਿੱਚ ਹੋਇਆ।

ਡੇਰਾ ਸੱਚਾ ਸੌਦਾ ਵੱਲੋਂ ਚਲਾਈ ਜਾ ਰਹੀ ਮੁਹਿੰਮ ਤਹਿਤ ਇਹ ਵਿਆਹ ਨਾਮ ਚਰਚਾ ਘਰ ਵਿੱਚ ਹੋਇਆ।

Dera Sirsa's new campaign-ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਡੇਰਾ ਪ੍ਰੇਮੀਆਂ ਨੇ ਦੱਸਿਆ ਕਿ ਡੇਰਾ ਸੱਚਾ ਸੌਦਾ ਸਿਰਸਾ ਵੱਲੋਂ ਉਨ੍ਹਾਂ ਗਰੀਬ ਪਰਿਵਾਰਾਂ ਲਈ ਵਿਸ਼ੇਸ਼ ਮੁਹਿੰਮ 'ਕੁਲ ਦਾ ਕ੍ਰਾਊਨ ' ਸ਼ੁਰੂ ਕੀਤੀ ਗਈ ਹੈ, ਜਿਨ੍ਹਾਂ ਦੇ ਘਰ ਕੋਈ ਮਰਦ ਨਹੀਂ, ਸਿਰਫ਼ ਲੜਕੀਆਂ ਹਨ। ਇਹ ਵਿਆਹ ਉਸੇ ਮੁਹਿੰਮ ਤਹਿਤ ਸਥਾਨਕ ਨਾਮ ਚਰਚਾ ਘਰ ਵਿਖੇ ਹੋਇਆ ਹੈ।

ਹੋਰ ਪੜ੍ਹੋ ...
  • Share this:
    ਮੋਗਾ : ਤੁਸੀਂ ਅਕਸਰ ਵਿਆਹਾਂ ਵਿੱਚ ਦੇਖਿਆ ਹੋਵੇਗਾ ਕਿ ਵਿਆਹ ਤੋਂ ਬਾਅਦ ਲਾੜੀ ਲਾੜੇ ਦੇ ਘਰ ਜਾਂਦੀ ਹੈ ਪਰ ਮੋਗਾ ਦੇ ਬਾਘਾਪੁਰਾਣਾ ਵਿੱਚ ਹੋਏ ਵਿਆਹ ਤੋਂ ਬਾਅਦ ਲਾੜੀ ਲਾੜੇ ਨੂੰ ਆਪਣੇ ਘਰ ਲੈ ਗਈ। ਦਰਅਸਲ ਲਾੜੀ ਦੇ ਘਰ ਉਸ ਦੀ ਮਾਂ ਇਕੱਲੀ ਹੈ, ਉਸ ਦਾ ਨਾ ਤਾਂ ਪਿਤਾ ਹੈ ਅਤੇ ਨਾ ਹੀ ਭਰਾ ਹੈ, ਜਿਸ ਕਾਰਨ ਲੜਕੀ ਨੂੰ ਅਜਿਹਾ ਲੜਕਾ ਚਾਹੀਦਾ ਸੀ, ਜੋ ਉਸ ਦੇ ਨਾਲ ਰਹਿ ਸਕੇ। ਡੇਰਾ ਸੱਚਾ ਸੌਦਾ ਵੱਲੋਂ ਚਲਾਈ ਜਾ ਰਹੀ ਮੁਹਿੰਮ ਤਹਿਤ ਇਹ ਵਿਆਹ ਨਾਮ ਚਰਚਾ ਘਰ ਵਿੱਚ ਹੋਇਆ। ਵਿਆਹ ਮੌਕੇ ਜਿੱਥੇ ਪਰਿਵਾਰਕ ਮੈਂਬਰਾਂ ਨੇ ਗਿੱਧਾ ਪਾਇਆ, ਉੱਥੇ ਹੀ ਗੁਰਮੀਤ ਰਾਮ ਰਹੀਮ ਇੰਸਾ ਦੇ ਗੀਤ ‘ਲਵ ਚਾਰਜਰ’ ‘ਤੇ ਡਾਂਸ ਵੀ ਕੀਤਾ।

    ਜ਼ਿਕਰਯੋਗ ਹੈ ਕਿ ਜ਼ਿਲ੍ਹਾ ਮੋਗਾ ਦੇ ਬਾਘਾਪੁਰਾਣਾ ਦੀ ਵਾਸੀ ਕੁਲਦੀਪ ਕੌਰ ਨੂੰ ਆਪਣੀ ਲੜਕੀ ਸੰਦੀਪ ਕੌਰ ਲਈ ਘਰ ਜਵਾਈ ਲੜਕਾ ਚਾਹੀਦਾ ਸੀ। ਇੱਥੇ ਦੱਸ ਦੇਈਏ ਕਿ ਕੁਲਦੀਪ ਕੌਰ ਦੀਆਂ ਸਿਰਫ਼ ਦੋ ਬੇਟੀਆਂ ਹਨ। ਇੱਕ ਤਾਂ ਪਹਿਲਾਂ ਹੀ ਵਿਆਹਿਆ ਹੋਇਆ ਹੈ। ਜਦੋਂਕਿ ਦੂਜੀ ਲੜਕੀ ਸੰਦੀਪ ਕੌਰ ਦਾ ਅੱਜ ਵਿਆਹ ਹੋ ਗਿਆ।

    ਕੁਲਦੀਪ ਕੌਰ ਨੇ ਦੱਸਿਆ ਕਿ ਜਦੋਂ ਉਸ ਨੇ ਮਨਪ੍ਰੀਤ ਸਿੰਘ ਵਾਸੀ ਘੋਲੀਆ ਕਲਾਂ ਦੇ ਪਰਿਵਾਰਕ ਮੈਂਬਰਾਂ ਨਾਲ ਗੱਲ ਕੀਤੀ ਤਾਂ ਉਨ੍ਹਾਂ ਨੇ ਇਸ ਰਿਸ਼ਤੇ ਲਈ ਮਨਜ਼ੂਰੀ ਦੇ ਦਿੱਤੀ। ਜਿਸ ਤੋਂ ਬਾਅਦ ਡੇਰਾ ਪ੍ਰੇਮੀਆਂ ਦੀ ਤਰਫੋਂ ਵਿਆਹ ਕਰਵਾਇਆ ਗਿਆ। ਜਿਸ ਤੋਂ ਬਾਅਦ ਇਹ ਵਿਆਹ ਸਥਾਨਕ ਨਾਮ ਚਰਚਾ ਘਰ ਵਿੱਚ ਕਰਵਾਇਆ ਗਿਆ। ਜਿਸ ਵਿੱਚ ਲਾੜੀ ਸੰਦੀਪ ਕੌਰ ਆਪਣੇ ਲਾੜੇ ਮਨਪ੍ਰੀਤ ਸਿੰਘ ਨੂੰ ਵਿਆਹ ਤੋਂ ਬਾਅਦ ਆਪਣੇ ਨਾਲ ਆਪਣੇ ਘਰ ਲੈ ਗਈ।

    ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਡੇਰਾ ਪ੍ਰੇਮੀਆਂ ਨੇ ਦੱਸਿਆ ਕਿ ਡੇਰਾ ਸੱਚਾ ਸੌਦਾ ਸਿਰਸਾ ਵੱਲੋਂ ਉਨ੍ਹਾਂ ਗਰੀਬ ਪਰਿਵਾਰਾਂ ਲਈ ਵਿਸ਼ੇਸ਼ ਮੁਹਿੰਮ 'ਕੁਲ ਦਾ ਕ੍ਰਾਊਨ ' ਸ਼ੁਰੂ ਕੀਤੀ ਗਈ ਹੈ, ਜਿਨ੍ਹਾਂ ਦੇ ਘਰ ਕੋਈ ਮਰਦ ਨਹੀਂ, ਸਿਰਫ਼ ਲੜਕੀਆਂ ਹਨ। ਇਹ ਵਿਆਹ ਉਸੇ ਮੁਹਿੰਮ ਤਹਿਤ ਸਥਾਨਕ ਨਾਮ ਚਰਚਾ ਘਰ ਵਿਖੇ ਹੋਇਆ ਹੈ। ਉਸ ਨੇ ਦੱਸਿਆ ਕਿ ਇਸ ਵਿਆਹ ਵਿੱਚ ਲਾੜੀ ਲਾੜੇ ਨੂੰ ਵਿਆਹ ਕੇ ਆਪਣੇ ਨਾਲ ਘਰ ਲੈ ਜਾਂਦੀ ਹੈ। ਡੇਰਾ ਪ੍ਰੇਮੀਆਂ ਨੇ ਕਿਹਾ ਕਿ ਜੇਕਰ ਸਮਾਜ ਵਿੱਚ ਅਜਿਹੇ ਹੋਰ ਪਰਿਵਾਰ ਹਨ ਤਾਂ ਉਨ੍ਹਾਂ ਦੀ ਵੀ ਇਸੇ ਤਰ੍ਹਾਂ ਮਦਦ ਕੀਤੀ ਜਾਵੇਗੀ।
    Published by:Sukhwinder Singh
    First published:

    Tags: Dera Sacha Sauda, Gurmeet Ram Rahim Singh, Marriage, Moga

    ਅਗਲੀ ਖਬਰ