ਲੜਕੀ ਨੇ ਰਾਜਾ ਵੜਿੰਗ ਤੋਂ ਮੰਗ ਲਈ ਡਰਾਈਵਰ ਦੀ ਨੌਕਰੀ...ਮੰਤਰੀ ਨੇ ਮੌਕੇ 'ਤੇ ਲਾਇਆ MD ਨੂੰ ਫੋਨ

ਪੰਜਾਬ ਦੇ ਟਰਾਂਸਪੋਰਟ ਮੰਤਰੀ ਰਾਜਾ ਵੜਿੰਗ ਦੀ ਕਾਰ ਅੱਗੇ ਅੱਜ ਇਕ ਲੜਕੀ ਆ ਕੇ ਖੜ੍ਹੀ ਹੋ ਗਈ ਤੇ ਪੰਜਾਬ ਰੋਡਵੇਜ਼ ਵਿਚ ਡਰਾਈਵਰ ਦੀ ਨੌਕਰੀ ਦੀ ਮੰਗ ਕਰਨ ਲੱਗੀ। ਉਸ ਨੇ ਦੱਸਿਆ ਕਿ ਉਸ ਕੋਲ ਹੈਵੀ ਲਾਈਸੰਸ ਹੈ ਤੇ ਉਹ ਬੱਸ ਚਲਾ ਸਕਦੀ ਹੈ।

ਰਾਜਾ ਵੜਿੰਗ ਨੇ ਮੌਕੇ ਉਤੇ ਹੀ ਐਮਡੀ ਨੂੰ ਫੋਨ ਲਾ ਲਿਆ ਤੇ ਕਿਹਾ ਕਿ ਇਸ ਨੂੰ ਡਰਾਈਵਰ ਦੀ ਨੌਕਰੀ ਦਿਓ। ਰਾਜਾ ਵੜਿੰਗ ਨੇ ਐਮਡੀ ਮੈਡਮ ਨੂੰ ਕਿਹਾ ਕਿ ਜੇਕਰ ਇਕ ਮਹਿਲਾ ਐਮਡੀ ਲੱਗ ਸਕਦੀ ਹੈ ਤਾਂ ਇਕ ਲੜਕੀ ਬੱਸ ਕਿਉਂ ਨਹੀਂ ਚਲਾ ਸਕਦੀ।

ਲੜਕੀ ਨੇ ਕਿਹਾ ਉਹ ਸਪੋਰਟਗਰਲ ਹੈ ਪਰ ਉਹ ਖੇਡਾਂ ਵਿਚ ਨਹੀਂ ਜਾਣਾ ਚਾਹੁੰਦੀ, ਉਹ ਡਰਾਈਵਰ ਦੀ ਨੌਕਰੀ ਕਰਨਾ ਚਾਹੁੰਦੀ ਹੈ।