Ajnala: ਸਰਕਾਰੀ ਕਾਲਜ ਤੋਂ 4 ਕੰਪਿਊਟਰ ਚੋਰੀ, ਸਰਕਾਰੀ ਡੇਟਾ ਹੋਇਆ ਗਾਇਬ

ਸਰਕਾਰੀ ਡਿਗਰੀ ਕਾਲਜ ਅਜਨਾਲਾ ਤੋਂ 4 ਕੰਪਿਊਟਰ 2 ਪ੍ਰਿੰਟਰ, 4 ਕੀ-ਬੋਰਡ, 4 ਮਾਊਸ, 1 ਗੈਸ ਸਿਲੰਡਰ, 1 ਫੋਟੋ ਕਾੱਪੀ ਪ੍ਰਿੰਟਰ ਚੋਰੀ ਹੋ ਗਏ। ਸੀਸੀਟੀਵੀ ਵਿਚ ਪੂਰੀ ਘਟਨਾ ਕੈਦ ਹੋ ਗਈ। ਦੱਸ ਦੇਈਏ ਕਿ ਚੋਰੀ ਹੋਏ ਕੰਪਿਊਟਰ ਵਿਚ ਪੰਜਾਬ ਸਰਕਾਰ ਉਚੇਰੀ ਸਿੱਖਿਆ ਵਿਭਾਗ, ਗੁਰੂ ਨਾਨਕ ਦੇਵ ਯੂਨੀਵਰਸਿਟੀ, ਅੰਮ੍ਰਿਤਸਰ, ਵਿਦਿਆਰਥੀਆਂ ਅਤੇ ਸਟਾਫ ਦਾ ਬਹੁਤ ਸਾਰਾ ਡਾਟਾ ਸੀ।

ਇਸ ਮਾਮਲੇ ਵਿਚ, ਕਾਲਜ ਦੀ ਪ੍ਰੋਫੈਸਰ ਆਰਤੀ ਸ਼ਰਮਾ ਨੇ ਦੱਸਿਆ ਕਿ ਉਨ੍ਹਾਂ ਦੇ ਕਾਲਜ ਵਿਚੋਂ ਕੰਪਿਊਟਰ ਅਤੇ ਹੋਰ ਸਮਾਨ ਚੋਰੀ ਹੋਇਆ ਹੈ ਅਤੇ ਕੰਪਿਊਟਰ ਵਿਚ ਬਹੁਤ ਸਾਰਾ ਕੀਮਤੀ ਡੇਟਾ ਵੀ ਸੀ। ਇਸ ਸਬੰਧ ਵਿੱਚ ਡੀਐਸਪੀ ਅਜਨਾਲਾ ਵਿਪਨ ਕੁਮਾਰ ਨੇ ਦੱਸਿਆ ਕਿ ਕੇਸ ਦੀ ਜਾਂਚ ਸ਼ੁਰੂ ਹੋ ਗਈ ਹੈ ਅਤੇ ਜਲਦੀ ਹੀ ਚੋਰਾਂ ਨੂੰ ਕਾਬੂ ਕਰ ਲਿਆ ਜਾਵੇਗਾ।