Home /News /punjab /

ਸਰਹਿੰਦ: ATM ਨੂੰ ਗੱਡੀ ‘ਚ ਲੈਕੇ ਫਰਾਰ ਹੋਏ ਲੁਟੇਰੇ, ਮਸ਼ੀਨ ‘ਚ ਸਨ 22 ਲੱਖ 88 ਹਜ਼ਾਰ ਰੁਪਏ

ਸਰਹਿੰਦ: ATM ਨੂੰ ਗੱਡੀ ‘ਚ ਲੈਕੇ ਫਰਾਰ ਹੋਏ ਲੁਟੇਰੇ, ਮਸ਼ੀਨ ‘ਚ ਸਨ 22 ਲੱਖ 88 ਹਜ਼ਾਰ ਰੁਪਏ

ਪੁਲਿਸ ਅਧਿਕਾਰੀ ਜਾਂਚ ਕਰਦੇ ਹੋਏ

ਪੁਲਿਸ ਅਧਿਕਾਰੀ ਜਾਂਚ ਕਰਦੇ ਹੋਏ

ਹੈਰਾਨੀ ਦੀ ਗੱਲ ਇਹ ਹੈ ਜਿਸ ਥਾਂ ਤੇ ਏਟੀਐਮ ਮਸ਼ੀਨ ਲੱਗੀ ਹੈ ਉਥੋਂ ਮਹਿਜ਼ 300 ਮੀਟਰ ਦੀ ਦੂਰੀ ਉਤੇ ਪੁਲਿਸ ਚੌਕੀ ਹੈ। ਪੁਲਿਸ ਨੇ ਮਾਮਲਾ ਦਰਜ ਕਰਕੇ ਲੁਟੇਰਿਆਂ ਦੀ ਭਾਲ ਸ਼ੁਰੂ ਕਰ ਦਿੱਤੀ ਹੈ।

  • Share this:
    ਪੰਜਾਬ ਦੇ ਸਰਹਿੰਦ ਵਿੱਚ ਸ਼ੁੱਕਰਵਾਰ ਸਵੇਰੇ ਲੁਟੇਰੇ ਸਟੇਟ ਬੈਂਕ ਆਫ਼ ਇੰਡੀਆ ਦੇ ਏਟੀਐਮ ਨੂੰ ਉਖਾੜ ਕੇ ਲੈ ਗਏ। ਮਸ਼ੀਨ ਵਿਚ 22 ਲੱਖ 88 ਹਜ਼ਾਰ ਰੁਪਏ ਦੀ ਨਕਦੀ ਸੀ। ਲੁਟੇਰਿਆਂ ਨੇ ਏਟੀਐਮ ਮਸ਼ੀਨ ਨੂੰ ਰੱਸੀ ਨਾਲ ਬੰਨ੍ਹ ਕੇ ਗੱਡੀ ਨਾਲ ਬਾਹਰ ਕੱਢ ਕੇ ਕਾਰ ਵਿੱਚ ਪਾ ਕੇ ਫਰਾਰ ਹੋ ਗਏ। ਹੈਰਾਨੀ ਦੀ ਗੱਲ ਇਹ ਹੈ ਜਿਸ ਥਾਂ ਤੇ ਏਟੀਐਮ ਮਸ਼ੀਨ ਲੱਗੀ ਹੈ ਉਥੋਂ ਮਹਿਜ਼ 300 ਮੀਟਰ ਦੀ ਦੂਰੀ ਉਤੇ ਪੁਲਿਸ ਚੌਕੀ ਹੈ। ਪੁਲਿਸ ਨੇ ਮਾਮਲਾ ਦਰਜ ਕਰਕੇ ਲੁਟੇਰਿਆਂ ਦੀ ਭਾਲ ਸ਼ੁਰੂ ਕਰ ਦਿੱਤੀ ਹੈ।

    ਪੁਲਿਸ ਤੋਂ  ਮਿਲੀ ਜਾਣਕਾਰੀ ਦੇ ਅਨੁਸਾਰ ਲੁੱਟ ਦੀ ਇਹ ਘਟਨਾ ਸਟੇਟ ਬੈਂਕ ਆਫ਼ ਇੰਡੀਆ ਐਸਬੀਆਈ ਦੇ ਏ ਟੀ ਐਮ 'ਤੇ  ਚੁੰਗੀ ਨੰਬਰ 4 ਦੇ ਨੇੜੇ ਵਾਪਰੀ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਸ਼ੁੱਕਰਵਾਰ ਸਵੇਰੇ ਤੜਕੇ ਤਿੰਨ ਲੁਟੇਰੇ ਕਾਲੇ ਰੰਗ ਦੀ ਕਾਰ ਵਿਚ ਆਏ ਸਨ। ਉਸਨੇ ਏਟੀਐਮ ਮਸ਼ੀਨ ਨੂੰ ਰੱਸੀ ਨਾਲ ਬੰਨ੍ਹਿਆ ਅਤੇ ਫਿਰ ਕਾਰ ਨਾਲ ਬੰਨ ਕੇ ਇਸਨੂੰ ਬਾਹਰ ਖਿੱਚਿਆ। ਮਸ਼ੀਨ ਨੂੰ ਕਾਰ ਵਿਚੋਂ ਖਿੱਚਦਿਆਂ ਏਟੀਐਮ ਆਪਣੀ ਥਾਂ ਤੋਂ ਉਖੜ ਗਿਆ। ਉਸ ਤੋਂ ਬਾਅਦ ਵਿਚ ਕਾਰ ਵਿਚ ਲੱਦ ਕੇ ਫਰਾਰ ਹੋ ਗਏ।

    ਸਟੇਟ ਬੈਂਕ ਆਫ਼ ਇੰਡੀਆ ਦੇ ਮੈਨੇਜਰ ਦਾ ਕਹਿਣਾ ਹੈ ਕਿ ਇਹ ਕੱਲ ਵੀਰਵਾਰ ਯਾਨੀ ਕਿ ਮਸ਼ੀਨ ਵਿਚ ਪੈਸੇ ਪਾ ਕੇ ਭਰਿਆ ਗਿਆ ਸੀ। ਇਸ ਵਿਚ 18 ਲੱਖ 88 ਹਜ਼ਾਰ ਰੁਪਏ ਰੱਖੇ ਗਏ ਸਨ। ਮਸ਼ੀਨ ਵਿਚ ਪਹਿਲਾਂ ਤੋਂ ਹੀ 4 ਲੱਖ ਰੁਪਏ ਪਏ ਸਨ। ਮੈਨੇਜਰ ਨੇ ਦੱਸਿਆ ਕਿ ਘਟਨਾ ਦੀ ਜਾਣਕਾਰੀ ਉੱਚ ਅਧਿਕਾਰੀਆਂ ਨੂੰ ਦਿੱਤੀ ਗਈ ਹੈ। ਪੁਲਿਸ ਕੋਲ ਸ਼ਿਕਾਇਤ ਵੀ ਦਰਜ ਕਰਵਾਈ ਗਈ ਹੈ। ਡੀਐਸਪੀ ਰਘੁਵੀਰ ਸਿੰਘ ਦਾ ਕਹਿਣਾ ਹੈ ਕਿ ਪੁਲਿਸ ਨੇ ਮਾਮਲੇ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਹੈ। ਸੀਸੀਟੀਵੀ ਫੁਟੇਜ ਦੀ ਜਾਂਚ ਕੀਤੀ ਜਾ ਰਹੀ ਹੈ। ਪੁਲਿਸ ਜਲਦੀ ਹੀ ਮੁਲਜ਼ਮਾਂ ਨੂੰ ਗ੍ਰਿਫਤਾਰ ਕਰ ਲਵੇਗੀ।
    Published by:Ashish Sharma
    First published:

    Tags: ATM loot, Punjab

    ਅਗਲੀ ਖਬਰ