LSG ਖਿਡਾਰੀਆਂ ਤੋਂ 'Choti Bachi Ho Kya' ਡਾਇਲਾਗ ਸੁਣ ਹੱਸ ਹੱਸ ਹੋ ਜਾਵੋਗੇ ਲੋਟ ਪੋਟ, ਦੇਖੋ ਵੀਡੀਓ

LSG Players Recreate Choti Bachi Ho Kya: ਟਾਈਗਰ ਸ਼ਰਾਫ (Tiger Shroff) ਦਾ ਡਾਇਲਾਗ 'ਛੋਟੀ ਬੱਚੀ ਹੋ ਕਿਆ ਸੋਸ਼ਲ ਮੀਡੀਆ 'ਤੇ ਟਾਪ ਟ੍ਰੈਂਡਿੰਗ ਬਣਿਆ ਹੋਇਆ ਹੈ। ਟਾਈਗਰ ਸ਼ਰਾਫ ਦੀ ਫਿਲਮ 'ਹੀਰੋਪੰਤੀ 2' 29 ਅਪ੍ਰੈਲ ਨੂੰ ਰਿਲੀਜ਼ ਹੋਈ ਹੈ। ਪਰ ਇਸ ਤੋਂ ਪਹਿਲਾਂ ਹੀ 'ਹੀਰੋਪੰਤੀ' ਵਨ ਦਾ ਡਾਇਲਾਗ ਸੋਸ਼ਲ ਮੀਡੀਆ 'ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਿਹਾ ਹੈ ਅਤੇ ਲੱਖਾਂ-ਕਰੋੜਾਂ ਲੋਕ ਇਸ 'ਤੇ ਮੀਮ ਬਣਾ ਚੁੱਕੇ ਹਨ। ਹੁਣ ਇੰਡੀਅਨ ਪ੍ਰੀਮੀਅਰ ਲੀਗ (IPL 2022) ਦੇ ਵਿਚਕਾਰ, ਲਖਨਊ ਸੁਪਰਜਾਇੰਟਸ ਦੇ ਖਿਡਾਰੀਆਂ ਨੇ ਟਾਈਗਰ ਸ਼ਰਾਫ ਨੇ ਹੈਰਾਨ ਕਰ ਦਿੱਤਾ ਹੈ। ਹਾਲ ਹੀ 'ਚ ਇੰਸਟਾਗ੍ਰਾਮ 'ਤੇ ਇਕ ਵੀਡੀਓ ਤੇਜ਼ੀ ਨਾਲ ਵਾਇਰਲ ਹੋ ਰਿਹਾ ਹੈ, ਜਿਸ 'ਚ LSG ਦੇ ਵਿਦੇਸ਼ੀ ਖਿਡਾਰੀ ਇਸ ਡਾਇਲਾਗ 'ਤੇ ਖੂਬ ਮਿਮਿਕਰੀ ਕਰਦੇ ਨਜ਼ਰ ਆ ਰਹੇ ਹਨ। ਆਓ ਤੁਹਾਨੂੰ ਵੀ ਦਿਖਾਉਂਦੇ ਹਾਂ ਇਹ ਵਾਇਰਲ ਵੀਡੀਓ...

View this post on Instagram

A post shared by News18.com (@cnnnews18)

ਲਖਨਊ ਸੁਪਰਜਾਇੰਟਸ ਦੇ ਖਿਡਾਰੀਆਂ ਦੇ ਵਾਇਰਲ ਹੋ ਰਹੇ ਇਸ ਵੀਡੀਓ 'ਚ ਕਵਿੰਟਨ ਡੀ ਕਾਕ, ਜੇਸਨ ਹੋਲਡਰ ਅਤੇ ਟੀਮ ਦੇ ਕਈ ਖਿਡਾਰੀ ਅਤੇ ਸੀਨੀਅਰ ਟ੍ਰੇਨਰ ਟਾਈਗਰ ਸ਼ਰਾਫ ਦੀ ਫਿਲਮ 'ਹੀਰੋਪੰਤੀ' ਦਾ ਮਸ਼ਹੂਰ ਡਾਇਲਾਗ 'ਛੋਟੀ ਬਚੀ ਹੋ ਕਿਆ' ਕਹਿੰਦੇ ਹੋਏ ਨਜ਼ਰ ਆ ਰਹੇ ਹਨ। ਵਿਦੇਸ਼ੀ ਖਿਡਾਰੀਆਂ ਦੇ ਹਿੰਦੀ ਡਾਇਲਾਗ ਸੁਣ ਕੇ ਪ੍ਰਸ਼ੰਸਕ ਵੀ ਹੱਸ ਪਏ ਅਤੇ ਇਨ੍ਹਾਂ ਖਿਡਾਰੀਆਂ ਨੇ ਟਾਈਗਰ ਸ਼ਰਾਫ ਦੇ ਡਾਇਲਾਗਜ਼ ਦੀ ਵੱਖ-ਵੱਖ ਤਰੀਕਿਆਂ ਨਾਲ ਨਕਲ ਵੀ ਕੀਤੀ। ਉਨ੍ਹਾਂ ਦਾ ਇਹ ਵੀਡੀਓ ਸੋਸ਼ਲ ਮੀਡੀਆ 'ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਿਹਾ ਹੈ ਅਤੇ ਇਸ ਨੂੰ ਦੇਖ ਕੇ ਪ੍ਰਸ਼ੰਸਕ ਹੱਸ ਰਹੇ ਹਨ।

ਦੂਜੇ ਪਾਸੇ ਲਖਨਊ ਸੁਪਰਜਾਇੰਟਸ ਦੇ ਪ੍ਰਦਰਸ਼ਨ ਦੀ ਗੱਲ ਕਰੀਏ ਤਾਂ IPL 2022 'ਚ ਪਹਿਲੀ ਵਾਰ ਖੇਡਣ ਆਈ ਲਖਨਊ ਸੁਪਰਜਾਇੰਟਸ ਦੀ ਟੀਮ ਨੇ 13 ਮੈਚ ਖੇਡੇ ਹਨ ਅਤੇ ਹੁਣ ਤੱਕ 8 ਜਿੱਤਾਂ ਅਤੇ 5 ਹਾਰਾਂ ਨਾਲ ਟੀਮ ਪੁਆਇੰਟ ਟੇਬਲ 'ਤੇ ਤੀਸਰੇ ਨੰਬਰ ਤੇ ਹੈ। ਟੀਮ ਦਾ ਇੱਕ ਹੋਰ ਮੈਚ ਬਾਕੀ ਹੈ ਜੋ ਬੁੱਧਵਾਰ ਨੂੰ ਕੋਲਕਾਤਾ ਨਾਈਟ ਰਾਈਡਰਜ਼ ਨਾਲ ਮੁੰਬਈ ਦੇ ਡੀਵਾਈ ਪਾਟਿਲ ਸਟੇਡੀਅਮ ਵਿੱਚ ਖੇਡਿਆ ਜਾਵੇਗਾ। ਇਹ ਮੈਚ ਲਖਨਊ ਸੁਪਰਜਾਇੰਟਸ ਲਈ ਪਲੇਆਫ ਵਿੱਚ ਪਹੁੰਚਣ ਦਾ ਰਸਤਾ ਸਾਫ਼ ਕਰ ਦੇਵੇਗਾ। ਇਸ ਜਿੱਤ ਨਾਲ ਲਖਨਊ ਸੁਪਰਜਾਇੰਟਸ ਦੀ ਟੀਮ ਪਲੇਆਫ ਲਈ ਕੁਆਲੀਫਾਈ ਕਰ ਸਕਦੀ ਹੈ। ਦੱਸ ਦੇਈਏ ਕਿ ਇਸ ਤੋਂ ਪਹਿਲਾਂ ਐਤਵਾਰ ਨੂੰ ਹੋਏ ਮੈਚ 'ਚ ਟੀਮ ਨੂੰ ਰਾਜਸਥਾਨ ਰਾਇਲਸ ਤੋਂ ਹਾਰ ਦਾ ਸਾਹਮਣਾ ਕਰਨਾ ਪਿਆ ਸੀ। ਅਜਿਹੇ 'ਚ ਕੇਐੱਲ ਰਾਹੁਲ ਦੀ ਕਪਤਾਨੀ ਵਾਲੀ ਟੀਮ ਆਖਰੀ ਮੈਚ 'ਚ ਜਿੱਤ ਦਰਜ ਕਰਕੇ ਪਲੇਆਫ ਲਈ ਕੁਆਲੀਫਾਈ ਕਰਨਾ ਚਾਹੇਗੀ।