ਰੋਹਿਤ ਸ਼ਰਮਾ ਦਾ ਟੀਮ ਇੰਡੀਆ ਦੀ ਕਪਤਾਨੀ ਤੋਂ ਕੱਟ ਸਕਦਾ ਹੈ ਪੱਤਾ, ਵੱਡਾ ਕਾਰਨ ਆਇਆ ਸਾਹਮਣੇ

ਨਵੀਂ ਦਿੱਲੀ: ਜਦੋਂ ਤੋਂ ਟੀ-20 ਵਿਸ਼ਵ ਕੱਪ (T20 world Cup 2022) ਵਿੱਚ ਟੀਮ ਇੰਡੀਆ ਦੀ ਹਾਰ ਹੋਈ ਹੈ, ਉਦੋਂ ਤੋਂ ਹੀ ਭਾਰਤ ਦੇ ਕਪਤਾਨ ਅਤੇ ਕੋਚ ਨੂੰ ਲੈ ਕੇ ਲਗਾਤਾਰ ਸਵਾਲ ਚੁੱਕੇ ਜਾ ਰਹੇ ਹਨ। ਹਾਲਾਂਕਿ ਇਸ ਦਾ ਕਾਰਨ ਵਿਸ਼ਵ ਕੱਪ 'ਚ ਹਾਰ ਹੀ ਨਹੀਂ ਬਲਕਿ ਬ੍ਰੇਕ ਵੀ ਵੱਡਾ ਮੁੱਦਾ ਬਣ ਗਿਆ ਹੈ। ਦਰਅਸਲ ਟੂਰਨਾਮੈਂਟ ਤੋਂ ਬਾਅਦ ਕਈ ਸੀਨੀਅਰ ਖਿਡਾਰੀ ਨਿਊਜ਼ੀਲੈਂਡ ਦੌਰੇ ਲਈ ਬ੍ਰੇਕ 'ਤੇ ਸਨ, ਜਿਨ੍ਹਾਂ 'ਚ ਕਪਤਾਨ ਰੋਹਿਤ ਸ਼ਰਮਾ, ਵਿਰਾਟ ਕੋਹਲੀ, ਮੁਹੰਮਦ ਸ਼ਮੀ ਵਰਗੇ ਖਿਡਾਰੀ ਸ਼ਾਮਲ ਸਨ। ਇਸ ਤੋਂ ਇਲਾਵਾ ਟੀਮ ਦੇ ਮੁੱਖ ਕੋਚ ਰਾਹੁਲ ਦ੍ਰਾਵਿੜ ਨੇ ਵੀ ਦੌਰੇ 'ਤੇ ਆਰਾਮ ਕੀਤਾ।

ਨਿਊਜ਼ੀਲੈਂਡ ਦੌਰੇ 'ਤੇ ਟੀ-20 ਸੀਰੀਜ਼ 'ਚ ਟੀਮ ਇੰਡੀਆ ਦੀ ਅਗਵਾਈ ਸਟਾਰ ਆਲਰਾਊਂਡਰ ਹਾਰਦਿਕ ਪੰਡਯਾ ਨੇ ਕੀਤੀ ਸੀ, ਜਦਕਿ ਵਨਡੇ ਸੀਰੀਜ਼ 'ਚ ਸ਼ਿਖਰ ਧਵਨ ਨੇ ਟੀਮ ਦੀ ਅਗਵਾਈ ਕੀਤੀ ਸੀ। ਹੁਣ ਫਿਰ ਤੋਂ ਹਿਟਮੈਨ ਦੀ ਕਪਤਾਨੀ 'ਤੇ ਸਵਾਲ ਉੱਠ ਰਹੇ ਹਨ ਪਰ ਇਸ ਵਾਰ ਵਿਸ਼ਵ ਕੱਪ 'ਚ ਭਾਰਤ ਦੀ ਹਾਰ ਨਹੀਂ ਸਗੋਂ ਰੋਹਿਤ ਦਾ ਬ੍ਰੇਕ ਹੈ। ਕਈ ਦਿੱਗਜਾਂ ਨੇ ਕਪਤਾਨ ਅਤੇ ਕੋਚ ਦੇ ਬ੍ਰੇਕ ਨੂੰ ਲੈ ਕੇ ਸਵਾਲ ਖੜ੍ਹੇ ਕੀਤੇ ਹਨ। ਇਨ੍ਹਾਂ 'ਚੋਂ ਇਕ ਨਾਂ ਹੈ ਸਾਬਕਾ ਭਾਰਤੀ ਕ੍ਰਿਕਟਰ ਹੇਮਾਂਗ ਬਦਾਨੀ ਦਾ। ਆਉਣ ਵਾਲੇ ਵਿਸ਼ਵ ਕੱਪ ਨੂੰ ਨਿਸ਼ਾਨਾ ਬਣਾਉਂਦੇ ਹੋਏ ਉਨ੍ਹਾਂ ਨੇ ਟੀਮ ਇੰਡੀਆ ਦੀ ਕਪਤਾਨੀ ਨੂੰ ਲੈ ਕੇ ਆਪਣੇ ਵਿਚਾਰ ਸਾਂਝੇ ਕੀਤੇ ਹਨ।

ਹੇਮਾਂਗ ਬਦਾਨੀ ਨੇ ਸਾਧਿਆ ਨਿਸ਼ਾਨਾ

ਵਿਸ਼ਵ ਕੱਪ 'ਤੇ ਨਿਸ਼ਾਨਾ ਸਾਧਦੇ ਹੋਏ ਹੇਮਾਂਗ ਬਦਾਨੀ ਨੇ ਕਿਹਾ, 'ਵਿਸ਼ਵ ਕੱਪ ਆਉਣ ਵਾਲਾ ਹੈ ਅਤੇ ਫਿਲਹਾਲ ਟੀਮ ਨੂੰ ਲੈ ਕੇ ਕੁਝ ਗੱਲਾਂ ਸਪੱਸ਼ਟ ਨਹੀਂ ਹਨ। ਸਾਨੂੰ ਆਉਣ ਵਾਲੇ ਸਮੇਂ 'ਚ ਕਈ ਖਿਡਾਰੀਆਂ ਨੂੰ ਅਜ਼ਮਾਉਣਾ ਹੋਵੇਗਾ। ਕਾਫੀ ਹੱਦ ਤੱਕ ਇਹੀ ਕਪਤਾਨ ਤਿੰਨੋਂ ਫਾਰਮੈਟਾਂ 'ਚ ਮਦਦ ਕਰਦਾ ਹੈ ਪਰ ਰੋਹਿਤ ਸ਼ਰਮਾ ਲਈ ਹਰ ਸੀਰੀਜ਼ 'ਚ ਲਗਾਤਾਰ ਪ੍ਰਦਰਸ਼ਨ ਕਰਨਾ ਬਹੁਤ ਮੁਸ਼ਕਲ ਹੁੰਦਾ ਹੈ।

'ਹਰ ਖਿਡਾਰੀ ਇੱਕ ਬ੍ਰੇਕ ਲੈਂਦਾ ਹੈ'

ਹੇਮਾਂਗ ਬਦਾਨੀ ਨੇ ਅੱਗੇ ਕਿਹਾ, 'ਟੀਮ ਨੂੰ ਸਹੀ ਸੰਤੁਲਨ ਲੱਭਣਾ ਹੋਵੇਗਾ। ਰੋਹਿਤ ਸ਼ਰਮਾ ਲਈ ਹਰ ਸੀਰੀਜ਼ ਖੇਡਣਾ ਸੰਭਵ ਨਹੀਂ ਹੈ। ਇਹੀ ਅੱਗੇ ਦਾ ਰਸਤਾ ਹੈ। ਕਈ ਲੋਕ ਸੋਚਣਗੇ ਕਿ ਹੁਣ ਅਜਿਹਾ ਕਿਉਂ ਹੈ, ਪਹਿਲਾਂ ਅਜਿਹਾ ਨਹੀਂ ਸੀ। ਪਰ ਕ੍ਰਿਕਟ ਬਹੁਤ ਬਦਲ ਗਿਆ ਹੈ। ਹਰ ਟੀਮ ਦੇ ਸਾਰੇ ਖਿਡਾਰੀ ਕਿਤੇ ਨਾ ਕਿਤੇ ਬ੍ਰੇਕ ਲੈਂਦੇ ਰਹਿੰਦੇ ਹਨ।