IND vs SA: ਅਫਰੀਕਾ ਦੌਰੇ ਤੋਂ ਬਾਹਰ ਹੋਏ ਰੋਹਿਤ ਸ਼ਰਮਾ, ਨੌਜਵਾਨ ਬੱਲੇਬਾਜ ਨੂੰ ਮਿਲੀ ਥਾਂ

ਨਵੀਂ ਦਿੱਲੀ: IND vs SA Series: ਰੋਹਿਤ ਸ਼ਰਮਾ (Rohit Sharma) ਸੱਟ ਕਾਰਨ ਦੱਖਣੀ ਅਫਰੀਕਾ (South Africa) ਖਿਲਾਫ ਤਿੰਨ ਮੈਚਾਂ ਦੀ ਟੈਸਟ ਸੀਰੀਜ਼ ਤੋਂ ਬਾਹਰ ਹੋ ਗਏ ਹਨ। ਉਹ ਨੈੱਟ ਅਭਿਆਸ ਦੌਰਾਨ ਜ਼ਖ਼ਮੀ ਹੋ ਗਿਆ। ਸੀਰੀਜ਼ ਤੋਂ ਪਹਿਲਾਂ ਬੀਸੀਸੀਆਈ (BCCI) ਨੇ ਉਨ੍ਹਾਂ ਨੂੰ ਨਵੀਂ ਜ਼ਿੰਮੇਵਾਰੀ ਦਿੱਤੀ ਸੀ। ਉਨ੍ਹਾਂ ਨੂੰ ਅਜਿੰਕਯ ਰਹਾਣੇ (Ajinkya Rahane) ਦੀ ਜਗ੍ਹਾ ਟੈਸਟ ਟੀਮ ਦਾ ਨਵਾਂ ਉਪ ਕਪਤਾਨ ਬਣਾਇਆ ਗਿਆ ਹੈ। ਇਸਤੋਂ ਇਲਾਵਾ ਉਨ੍ਹਾਂ ਨੂੰ ਹਾਲ ਹੀ 'ਚ ਭਾਰਤੀ ਟੀਮ ਦੀ ਵਨਡੇ ਟੀਮ ਦਾ ਨਵਾਂ ਕਪਤਾਨ ਬਣਾਇਆ ਗਿਆ ਹੈ। ਉਸ ਕੋਲ ਟੀ-20 ਟੀਮ ਦੀ ਕਮਾਨ ਵੀ ਹੈ। ਟੀਮ ਨੇ ਪਹਿਲੇ ਟੀ-20 ਸੀਰੀਜ਼ 'ਚ ਨਿਊਜ਼ੀਲੈਂਡ ਨੂੰ 3-0 (India vs New Zealand) ਨਾਲ ਹਰਾਇਆ। ਰੋਹਿਤ ਦੀ ਥਾਂ ਪ੍ਰਿਯਾਂਕ ਪੰਚਾਲ (Priyank Panchal) ਨੂੰ ਸ਼ਾਮਲ ਕੀਤਾ ਗਿਆ ਹੈ।

Cricbuzz ਦੀ ਖਬਰ ਮੁਤਾਬਕ ਰੋਹਿਤ ਸ਼ਰਮਾ ਵਨਡੇ ਸੀਰੀਜ਼ ਖੇਡਣਗੇ ਜਾਂ ਨਹੀਂ। ਇਸ 'ਤੇ ਕੋਈ ਫੈਸਲਾ ਨਹੀਂ ਲਿਆ ਗਿਆ ਹੈ। ਪਹਿਲਾ ਟੈਸਟ 26 ਦਸੰਬਰ ਤੋਂ ਸੈਂਚੁਰੀਅਨ ਵਿੱਚ ਖੇਡਿਆ ਜਾਣਾ ਹੈ। ਰੋਹਿਤ ਦੀ ਜਗ੍ਹਾ ਕਿਸੇ ਨੂੰ ਉਪ ਕਪਤਾਨ ਦੀ ਜ਼ਿੰਮੇਵਾਰੀ ਨਹੀਂ ਦਿੱਤੀ ਗਈ ਹੈ। ਰੋਹਿਤ ਦੀ ਗੈਰ-ਮੌਜੂਦਗੀ ਵਿੱਚ ਕੇਐਲ ਰਾਹੁਲ ਅਤੇ ਮਯੰਕ ਅਗਰਵਾਲ ਓਪਨਿੰਗ ਕਰ ਸਕਦੇ ਹਨ। ਮਯੰਕ ਨੇ ਹਾਲ ਹੀ 'ਚ ਨਿਊਜ਼ੀਲੈਂਡ ਖਿਲਾਫ ਟੈਸਟ ਸੀਰੀਜ਼ 'ਚ ਸੈਂਕੜਾ ਲਗਾਇਆ ਸੀ।

ਟੀਮ 16 ਦਸੰਬਰ ਨੂੰ ਰਵਾਨਾ ਹੋਵੇਗੀ

ਭਾਰਤੀ ਟੀਮ 3 ਮੈਚਾਂ ਦੀ ਟੈਸਟ ਸੀਰੀਜ਼ ਲਈ 16 ਦਸੰਬਰ ਨੂੰ ਰਵਾਨਾ ਹੋਵੇਗੀ। ਭਾਰਤੀ ਟੀਮ ਨੇ ਦੱਖਣੀ ਅਫਰੀਕਾ 'ਚ ਕਦੇ ਵੀ ਟੈਸਟ ਸੀਰੀਜ਼ ਨਹੀਂ ਜਿੱਤੀ ਹੈ। ਨਵੇਂ ਕੋਚ ਰਾਹੁਲ ਦ੍ਰਾਵਿੜ ਲਈ ਵੀ ਇਹ ਵੱਡੀ ਪ੍ਰੀਖਿਆ ਹੋਵੇਗੀ। ਇਸ ਤੋਂ ਬਾਅਦ ਅਗਲੇ ਮਹੀਨੇ ਦੋਵਾਂ ਦੇਸ਼ਾਂ ਵਿਚਾਲੇ 3 ਮੈਚਾਂ ਦੀ ਵਨਡੇ ਸੀਰੀਜ਼ ਵੀ ਹੋਣੀ ਹੈ। ਕੋਰੋਨਾ ਕਾਰਨ 4 ਮੈਚਾਂ ਦੀ ਟੀ-20 ਸੀਰੀਜ਼ ਬਾਅਦ 'ਚ ਹੋਵੇਗੀ।

ਪ੍ਰਿਯਾਂਕ ਪੰਚਾਲ ਨੇ ਅਜੇ ਤੱਕ ਆਪਣਾ ਕੌਮਾਂਤਰੀ ਡੈਬਿਊ ਨਹੀਂ ਕੀਤਾ ਹੈ। ਪਰ ਇਸ 31 ਸਾਲਾ ਬੱਲੇਬਾਜ਼ ਕੋਲ ਚੰਗਾ ਤਜਰਬਾ ਹੈ। ਉਸ ਨੇ 100 ਪਹਿਲੀ ਸ਼੍ਰੇਣੀ ਮੈਚਾਂ ਵਿੱਚ 46 ਦੀ ਔਸਤ ਨਾਲ 7011 ਦੌੜਾਂ ਬਣਾਈਆਂ ਹਨ। ਨੇ 24 ਸੈਂਕੜੇ ਅਤੇ 25 ਅਰਧ ਸੈਂਕੜੇ ਲਗਾਏ ਹਨ।