Home /News /sports /

ਧੋਨੀ ਨਾਲ ਆਪਣੀ ਨਾਰਾਜ਼ਗੀ ਨੂੰ ਲੈ ਕੇ ਖੁੱਲ੍ਹ ਕੇ ਬੋਲੇ ਹਰਭਜਨ ਸਿੰਘ , ਕਿਹਾ "ਹਰੇਕ ਦੀ ਸੋਚ, ਵੱਖਰੀ ਹੈ..."

ਧੋਨੀ ਨਾਲ ਆਪਣੀ ਨਾਰਾਜ਼ਗੀ ਨੂੰ ਲੈ ਕੇ ਖੁੱਲ੍ਹ ਕੇ ਬੋਲੇ ਹਰਭਜਨ ਸਿੰਘ , ਕਿਹਾ "ਹਰੇਕ ਦੀ ਸੋਚ, ਵੱਖਰੀ ਹੈ..."

ਅਨਿਲ ਕੁੰਬਲੇ ਅਤੇ ਰਵੀਚੰਦਰਨ ਅਸ਼ਵਿਨ ਤੋਂ ਬਾਅਦ ਭਾਰਤ ਲਈ ਸਭ ਤੋਂ ਵੱਧ ਟੈਸਟ ਵਿਕਟਾਂ ਲੈਣ ਵਾਲੇ ਇਸ ਗੇਂਦਬਾਜ਼ ਨਾਲ ਨਿਊਜ਼18 ਨੇ ਖਾਸ ਗੱਲਬਾਤ ਕੀਤੀ। ਪੇਸ਼ ਹਨ ਉਸ ਵਿਸ਼ੇਸ਼ ਇੰਟਰਵਿਊ ਦੇ ਕੁਝ ਮਹੱਤਵਪੂਰਨ ਸਵਾਲ ਅਤੇ ਜਵਾਬ।

ਅਨਿਲ ਕੁੰਬਲੇ ਅਤੇ ਰਵੀਚੰਦਰਨ ਅਸ਼ਵਿਨ ਤੋਂ ਬਾਅਦ ਭਾਰਤ ਲਈ ਸਭ ਤੋਂ ਵੱਧ ਟੈਸਟ ਵਿਕਟਾਂ ਲੈਣ ਵਾਲੇ ਇਸ ਗੇਂਦਬਾਜ਼ ਨਾਲ ਨਿਊਜ਼18 ਨੇ ਖਾਸ ਗੱਲਬਾਤ ਕੀਤੀ। ਪੇਸ਼ ਹਨ ਉਸ ਵਿਸ਼ੇਸ਼ ਇੰਟਰਵਿਊ ਦੇ ਕੁਝ ਮਹੱਤਵਪੂਰਨ ਸਵਾਲ ਅਤੇ ਜਵਾਬ।

ਅਨਿਲ ਕੁੰਬਲੇ ਅਤੇ ਰਵੀਚੰਦਰਨ ਅਸ਼ਵਿਨ ਤੋਂ ਬਾਅਦ ਭਾਰਤ ਲਈ ਸਭ ਤੋਂ ਵੱਧ ਟੈਸਟ ਵਿਕਟਾਂ ਲੈਣ ਵਾਲੇ ਇਸ ਗੇਂਦਬਾਜ਼ ਨਾਲ ਨਿਊਜ਼18 ਨੇ ਖਾਸ ਗੱਲਬਾਤ ਕੀਤੀ। ਪੇਸ਼ ਹਨ ਉਸ ਵਿਸ਼ੇਸ਼ ਇੰਟਰਵਿਊ ਦੇ ਕੁਝ ਮਹੱਤਵਪੂਰਨ ਸਵਾਲ ਅਤੇ ਜਵਾਬ।

  • Share this:
ਸਾਬਕਾ ਆਫ ਸਪਿਨਰ ਹਰਭਜਨ ਸਿੰਘ ਨੂੰ ਅੰਤਰਰਾਸ਼ਟਰੀ ਕ੍ਰਿਕੇਟ ਨੂੰ ਅਲਵਿਦਾ ਕਹੇ ਕਰੀਬ ਇੱਕ ਮਹੀਨਾ ਹੋਣ ਵਾਲਾ ਹੈ। ਉਨ੍ਹਾਂ ਨੂੰ ਲੈ ਕੇ ਕਈ ਚਰਚਾਵਾਂ ਹੋ ਰਹੀਆਂ ਹਨ। ਕਈ ਵਾਰ ਅਜਿਹੇ ਸੰਕੇਤ ਮਿਲਦੇ ਹਨ ਕਿ ਉਹ ਕ੍ਰਿਕਟ ਤੋਂ ਬਾਅਦ ਰਾਜਨੀਤੀ ਦੇ ਮੈਦਾਨ ਵਿੱਚ ਵੀ ਉਤਰ ਸਕਦੇ ਹਨ।

ਕਈ ਵਾਰ ਉਹ ਕੋਚ ਦੇ ਤੌਰ 'ਤੇ ਆਪਣੇ ਕਰੀਅਰ ਨੂੰ ਵਧਾਉਣ ਦੇ ਇਸ਼ਾਰੇ ਦਿੰਦੇ ਹਨ। ਅਨਿਲ ਕੁੰਬਲੇ ਅਤੇ ਰਵੀਚੰਦਰਨ ਅਸ਼ਵਿਨ ਤੋਂ ਬਾਅਦ ਭਾਰਤ ਲਈ ਸਭ ਤੋਂ ਵੱਧ ਟੈਸਟ ਵਿਕਟਾਂ ਲੈਣ ਵਾਲੇ ਇਸ ਗੇਂਦਬਾਜ਼ ਨਾਲ ਨਿਊਜ਼18 ਨੇ ਖਾਸ ਗੱਲਬਾਤ ਕੀਤੀ। ਪੇਸ਼ ਹਨ ਉਸ ਵਿਸ਼ੇਸ਼ ਇੰਟਰਵਿਊ ਦੇ ਕੁਝ ਮਹੱਤਵਪੂਰਨ ਸਵਾਲ ਅਤੇ ਜਵਾਬ।

ਅਜਿਹੀਆਂ ਖਬਰਾਂ ਹਨ ਕਿ ਤੁਸੀਂ ਇੱਕ ਨਵੇਂ ਮੈਦਾਨ 'ਤੇ ਨਵੀਂ ਪਾਰੀ ਦੀ ਸ਼ੁਰੂਆਤ ਕਰਦੇ ਹੋਏ ਨਜ਼ਰ ਆਓਗੇ ! ਇਸ ਵਿੱਚ ਕਿੰਨੀ ਸੱਚਾਈ ਹੈ?
ਨਵੀਂ ਪਾਰੀ ਜ਼ਰੂਰ ਸ਼ੁਰੂ ਹੋਵੇਗੀ ਕਿਉਂਕਿ ਕ੍ਰਿਕਟ ਦਾ ਪਹਿਲੂ ਹੁਣ ਪਿੱਛੇ ਰਹਿ ਗਿਆ ਹੈ। ਇਸ ਦਾ ਮਤਲਬ ਹੈ ਕਿ ਇੱਕ ਖਿਡਾਰੀ ਦੇ ਰੂਪ ਵਿੱਚ ਖੇਡੀ ਗਈ ਪਾਰੀ ਖਤਮ ਹੋ ਗਈ ਹੈ। ਪਰ, ਮੈਂ ਅਜੇ ਵੀ ਇਸ ਖੇਡ ਨਾਲ ਜੁੜਿਆ ਹੋਇਆ ਹਾਂ।

ਹੁਣ ਦੂਜਾ ਪਹਿਲੂ ਕ੍ਰਿਕਟ ਨਾਲ ਜੁੜੇ ਰਹਿਣਾ ਹੈ ਅਤੇ ਇਸ ਦਾ ਇੱਕੋ ਇੱਕ ਤਰੀਕਾ ਕੋਚਿੰਗ ਹੋ ਸਕਦਾ ਹੈ। ਅਤੇ ਜੋ ਤੁਸੀਂ ਸੁਣਨਾ ਚਾਹੁੰਦੇ ਹੋ (ਹੱਸਦੇ ਹੋਏ) ਭਾਵ ਰਾਜਨੀਤੀ ਬਾਰੇ। ਤੁਹਾਨੂੰ ਦੱਸ ਦਿਆਂ ਕਿ ਮੈਂ ਇਸ ਬਾਰੇ ਕੋਈ ਫੈਸਲਾ ਨਹੀਂ ਲਿਆ ਹੈ ਪਰ ਜਦੋਂ ਮੈਂ ਫੈਸਲਾ ਕਰਾਂਗਾ, ਮੈਂ ਤੁਹਾਨੂੰ ਜ਼ਰੂਰ ਦੱਸਾਂਗਾ।

ਤੁਸੀਂ ਕੋਚਿੰਗ ਬਾਰੇ ਗੱਲ ਕੀਤੀ । ਕੀ ਇਹ ਤੁਹਾਡੇ ਲਈ ਜਾਂ ਕਿਸੇ ਅੰਤਰਰਾਸ਼ਟਰੀ ਟੀਮ ਲਈ ਦੋ ਮਹੀਨਿਆਂ ਦਾ ਆਈਪੀਐਲ ਪਲੇਟਫਾਰਮ ਹੋਵੇਗਾ? ਕੀ ਤੁਸੀਂ ਫੁੱਲ-ਟਾਈਮ ਕੋਚਿੰਗ ਕਰੋਗੇ ਜਾਂ ਮੈਂਟਰਸ਼ਿਪ ਵਰਗੀ ਭੂਮਿਕਾ ਨਿਭਾਓਗੇ?
ਦੇਖੋ, ਮੈਂ ਹੁਣੇ ਰਿਟਾਇਰ ਹੋਇਆ ਹਾਂ। ਮੈਂ ਬਹੁਤ ਲੰਬੇ ਸਮੇਂ ਤੋਂ ਘਰ ਤੋਂ ਬਾਹਰ ਹਾਂ। ਕ੍ਰਿਕਟਰ ਦੀ ਜ਼ਿੰਦਗੀ ਇਕ ਸਿਪਾਹੀ ਵਰਗੀ ਹੁੰਦੀ ਹੈ। ਉਸ ਦਾ ਸਾਮਾਨ ਹਮੇਸ਼ਾ ਬੰਨ੍ਹਿਆ ਰਹਿੰਦਾ ਹੈ। ਜਦੋਂ ਵੀ ਉਹ ਘਰ ਆਉਂਦਾ ਸੀ ਤਾਂ ਹਫ਼ਤੇ-ਦਸ ਦਿਨਾਂ ਬਾਅਦ ਮੁੜ ਤੋਂ ਘਰ ਛੱਡਣਾ ਪੈਂਦਾ ਸੀ। ਹੁਣ ਮੈਂ ਆਪਣਾ ਸਮਾਂ ਪਰਿਵਾਰ ਨੂੰ ਦੇਣਾ ਚਾਹੁੰਦਾ ਹਾਂ।

ਮੈਂ ਪੁਰਾਣੇ ਲੋਕਾਂ ਨੂੰ ਮਿਲਣਾ ਚਾਹੁੰਦਾ ਹਾਂ। ਮੈਂ ਪਿਛਲੇ 20-22 ਸਾਲਾਂ ਵਿੱਚ ਬਹੁਤ ਸਾਰੀਆਂ ਚੀਜ਼ਾਂ ਨੂੰ ਮਿਸ ਕੀਤਾ ਹੈ। ਪਰ ਕ੍ਰਿਕਟ ਮੇਰੀ ਜ਼ਿੰਦਗੀ ਹੈ ਅਤੇ ਹਮੇਸ਼ਾ ਰਹੇਗੀ। ਮੈਂ ਕ੍ਰਿਕਟ ਤੋਂ ਬਿਨਾਂ ਕੁਝ ਵੀ ਨਹੀਂ ਹਾਂ। ਮੈਨੂੰ ਨਹੀਂ ਪਤਾ ਕਿ ਮੈਂ ਕੋਚਿੰਗ ਨਾਲ ਕਿੰਨਾ ਜੁੜਿਆ ਰਹਾਂਗਾ।

ਪਰ ਫਿਲਹਾਲ ਮੈਂ ਕਿਸੇ ਵੀ ਅੰਤਰਰਾਸ਼ਟਰੀ ਟੀਮ ਨਾਲ ਇੰਨਾ ਸਮਾਂ ਨਹੀਂ ਬਿਤਾ ਸਕਾਂਗਾ। ਅੰਤਰਰਾਸ਼ਟਰੀ ਟੀਮ ਦੇ ਨਾਲ ਤੁਹਾਨੂੰ ਦੁਬਾਰਾ 12 ਮਹੀਨੇ ਰੁੱਝੇ ਰਹਿਣਾ ਪੈਂਦਾ ਹੈ ਜਦੋਂ ਕਿ ਆਈਪੀਐਲ ਵਿੱਚ 2-3 ਮਹੀਨੇ ਕਿਸੇ ਵੀ ਟੀਮ ਲਈ ਲਾਭਦਾਇਕ ਹੋ ਸਕਦੇ ਹਨ।

ਤੁਸੀਂ ਇੱਕ ਕਪਤਾਨ ਵਜੋਂ ਮੁੰਬਈ ਇੰਡੀਅਨਜ਼ ਨੂੰ ਚੈਂਪੀਅਨਜ਼ ਲੀਗ ਜਿੱਤਣ ਵਿੱਚ ਮਦਦ ਕੀਤੀ। ਇਸ ਦੇ ਬਾਵਜੂਦ ਤੁਹਾਡੀ ਕਪਤਾਨੀ ਦੀ ਗੱਲ ਨਹੀਂ ਹੋਈ? ਕੀ ਤੁਹਾਨੂੰ ਇਹ ਅਜੀਬ ਲੱਗਦਾ ਹੈ ਕਿ ਤੁਹਾਡੀ ਕਪਤਾਨੀ ਬਾਰੇ ਕੋਈ ਚਰਚਾ ਨਹੀਂ ਹੈ?
ਬਿਹਤਰ ਹੈ ਕਿ ਤੁਸੀਂ ਇਹ ਗੱਲ ਨਾ ਛੇੜੋ ਕਿ ਮੈਂ ਕਪਤਾਨ ਕਿਉਂ ਨਹੀਂ ਬਣਿਆ… ਮੈਂ ਖੇਡਦੇ ਹੋਏ ਦੇਸ਼ ਦੀ ਸੇਵਾ ਕੀਤੀ। ਜੇਕਰ ਮੈਂ ਕਪਤਾਨ ਬਣ ਗਿਆ ਤਾਂ ਵੀ ਕੋਈ ਵੱਡੀ ਗੱਲ ਨਹੀਂ ਹੋਵੇਗੀ ਅਤੇ ਜੇਕਰ ਮੈਂ ਕਪਤਾਨ ਨਾ ਬਣਿਆ ਤਾਂ ਕੋਈ ਅਫਸੋਸ ਨਹੀਂ ਹੈ।

ਤੁਹਾਡਾ ਸਭ ਤੋਂ ਵਧੀਆ ਪ੍ਰਦਰਸ਼ਨ ਆਸਟ੍ਰੇਲੀਆ ਖਿਲਾਫ ਹੈ। ਤੁਸੀਂ ਉਦੋਂ ਕਿਵੇਂ ਮਹਿਸੂਸ ਕਰਦੇ ਹੋ ਜਦੋਂ ਰਿਕੀ ਪੋਂਟਿੰਗ ਨੇ ਕਿਹਾ ਕਿ ਤੁਸੀਂ ਉਸ ਲਈ ਸਭ ਤੋਂ ਔਖੀ ਚੁਣੌਤੀ ਸੀ?
ਰਿਕੀ ਪੋਂਟਿੰਗ ਬਹੁਤ ਵੱਡੇ ਖਿਡਾਰੀ ਹਨ ਅਤੇ ਜਦੋਂ ਤੁਸੀਂ ਉਨ੍ਹਾਂ ਤੋਂ ਜਾਂ ਮੈਥਿਊ ਹੇਡਨ ਵਰਗੇ ਖਿਡਾਰੀਆਂ ਤੋਂ ਇਹ ਗੱਲਾਂ ਸੁਣਦੇ ਹੋ ਤਾਂ ਚੰਗਾ ਲੱਗਦਾ ਹੈ। ਇਵੇਂ ਹੀ ਕੋਈ ਕਿਸੇ ਦੀ ਤਾਰੀਫ਼ ਨਹੀਂ ਕਰਦਾ। ਯਕੀਨੀ ਤੌਰ 'ਤੇ ਮੈਦਾਨ ਵਿੱਚ ਇੱਕ ਨਿਸ਼ਾਨ ਛੱਡਿਆ ਹੋਵੇਗਾ। ਮੈਦਾਨ 'ਤੇ ਖੁਦ ਨੂੰ ਪਰਖਣ ਲਈ ਆਸਟਰੇਲੀਆਈ ਟੀਮ ਤੋਂ ਬਿਹਤਰ ਕੋਈ ਨਹੀਂ ਸੀ ਕਿਉਂਕਿ ਉਹ ਉਸ ਦੌਰ ਦੇ ਬੌਸ ਸਨ। ਮੈਂ ਇਹ ਸੋਚ ਕੇ ਉਨ੍ਹਾਂ ਖਿਲਾਫ ਦੇ ਖਿਲਾਫ ਮੈਦਾਨ ਵਿੱਚ ਉਤਰਦਾ ਸੀ ਤੇ ਚੰਗਾ ਖੇਡਦਾ ਸੀ ਅਤੇ ਦੱਸਦਾ ਸੀ ਕਿ ਮੈਂ ਵੀ ਕ੍ਰਿਕਟ ਵਿਚ ਸਫਲਤਾ ਕਾਇਮ ਰੱਖ ਸਕਦਾ ਹਾਂ।

ਧੋਨੀ ਨਾਲ ਤੁਹਾਡਾ ਰਿਸ਼ਤਾ ਕਿਹੋ ਜਿਹਾ ਹੈ?
ਇਹ ਬਹੁਤ ਵਧੀਆ ਹੈ। ਮੇਰਾ ਉਸ ਨਾਲ ਵਿਆਹ ਤਾਣ ਨਹੀਂ ਹੋਇਆ।

ਹਾਲ ਹੀ 'ਚ ਅਜਿਹੀ ਖ਼ਬਰ ਆਈ ਸੀ ਕਿ ਤੁਸੀਂ ਧੋਨੀ ਤੋਂ ਨਾਰਾਜ਼ ਹੋ?
ਹਰ ਵਿਅਕਤੀ ਦਾ ਸੋਚਣ ਦਾ ਤਰੀਕਾ ਵੱਖਰਾ ਹੁੰਦਾ ਹੈ। ਮੈਂ ਸਿਰਫ ਇਹ ਕਹਿ ਰਿਹਾ ਹਾਂ ਕਿ 2012 ਤੋਂ ਬਾਅਦ ਕੁਝ ਚੀਜ਼ਾਂ ਬਿਹਤਰ ਹੋ ਸਕਦੀਆਂ ਸਨ। ਵੀਰੂ (ਸਹਿਵਾਗ), ਗੌਤਮ (ਗੰਭੀਰ), ਯੁਵੀ (ਯੁਵਰਾਜ ਸਿੰਘ) ਦਾ ਕਰੀਅਰ ਆਈਪੀਐਲ ਖੇਡਦੇ ਹੋਏ 35-36 ਸਾਲ ਚੱਲਿਆ। ਉਹ ਖੇਡਦੇ ਹੋਏ ਸੰਨਿਆਸ ਲੈ ਸਕਦੇ ਸਨ। ਕੀ ਮੈਂ 2011 ਤੋਂ ਬਾਅਦ ਅਚਾਨਕ ਖਰਾਬ ਖਿਡਾਰੀ ਬਣ ਗਿਆ ਅਤੇ ਇਹ ਸਾਰੇ ਖਿਡਾਰੀ ਇਕੱਠੇ ਕਦੇ ਨਹੀਂ ਖੇਡੇ? ਮੈਂ ਸਿਰਫ਼ 31 ਸਾਲਾਂ ਦਾ ਸੀ। ਯੁਵੀ ਛੋਟਾ ਹੈ। ਗੌਤਮ ਇਸ ਤੋਂ ਵੀ ਛੋਟਾ ਹੈ।

ਇਹ ਸਾਰੇ 2015 ਲਈ ਉਪਲਬਧ ਸਨ ਪਰ ਇਨ੍ਹਾਂ ਵਿੱਚੋਂ ਕੋਈ ਨਹੀਂ ਆਇਆ, ਇਹ ਇੱਕ ਵੱਡਾ ਸਵਾਲ ਹੈ। ਉਸ ਸਮੇਂ ਬੀਸੀਸੀਆਈ ਵਿੱਚ ਕੌਣ ਲੋਕ ਸਨ? ਉਹ ਇਸ ਗੱਲ ਨੂੰ ਕਿਵੇਂ ਜਾਇਜ਼ ਸਾਬਤ ਕਰਨਗੇ? ਅਜਿਹਾ ਰਵੱਈਆ ਕਿਉਂ ਅਪਣਾਇਆ ਗਿਆ? ਅਸੀਂ ਭਵਿੱਖ ਵਿੱਚ ਕਿਉਂ ਨਹੀਂ ਚੁਣੇ ਗਏ? ਅਜਿਹਾ ਨਹੀਂ ਸੀ ਕਿ ਅਸੀਂ 2011 ਵਿੱਚ ਕੁਆਰਟਰ ਫਾਈਨਲ ਵਿੱਚ ਹਾਰ ਗਏ ਸੀ। ਅਸੀਂ ਵਿਸ਼ਵ ਕੱਪ ਜਿੱਤਿਆ ਸੀ। ਇਹ ਚੀਜ਼ ਹਜ਼ਮ ਨਹੀਂ ਹੁੰਦੀ। ਸਮਝ ਤੋਂ ਪਰੇ ਹੈ।

ਕੀ ਇਸਦਾ ਮਤਲਬ ਇਹ ਹੈ ਕਿ ਤੁਹਾਨੂੰ ਧੋਨੀ ਤੋਂ ਕੋਈ ਸ਼ਿਕਾਇਤ ਹੈ?
ਬਿਲਕੁਲ ਨਹੀਂ। ਧੋਨੀ ਤੋਂ ਕੋਈ ਸ਼ਿਕਾਇਤ ਨਹੀਂ ਹੈ। ਉਹ ਇੱਕ ਚੰਗਾ ਦੋਸਤ ਵੀ ਰਿਹਾ ਹੈ। ਮਹਾਨ ਕਪਤਾਨ ਰਿਹਾ ਹੈ। ਮੇਰੀ ਸ਼ਿਕਾਇਤ ਬੀਸੀਸੀਆਈ ਨਾਲ ਹੈ। ਮੈਂ ਬੀਸੀਸੀਆਈ ਨੂੰ ਸਰਕਾਰ ਕਹਿੰਦਾ ਹਾਂ। ਉਨ੍ਹਾਂ ਦਿਨਾਂ 'ਚ ਜਿਹੜੀ ਸਰਕਾਰ ਸੀ, ਉਨ੍ਹਾਂ ਦਿਨਾਂ 'ਚ ਜਿਹੜੇ ਚੋਣਕਾਰ ਸਨ, ਉਨ੍ਹਾਂ ਨੇ ਸਹੀ ਢੰਗ ਨਾਲ ਕੰਮ ਨਹੀਂ ਕੀਤਾ।

ਟੀਮ ਦੀ ਏਕਤਾ ਟੁੱਟ ਗਈ। ਨਵੇਂ ਮੁੰਡਿਆਂ ਨੂੰ ਲਿਆਉਣਾ... ਜਦੋਂ ਪੁਰਾਣੇ ਔਜ਼ਾਰ ਤਿੱਖੇ ਹੁੰਦੇ ਤਾਂ ਨਵੇਂ ਦੀ ਲੋੜ ਨਹੀਂ ਸੀ। ਅਜੇ 38 ਸਾਲ ਦੇ ਵੀ ਨਹੀਂ ਹੋਈ ਸੀ। ਸਿਰਫ 32 ਸਾਲਾਂ ਦੇ ਸੀ ਅਤੇ ਜੇਕਰ ਅੱਜ ਵੀ ਖੇਡਦੇ ਤਾਂ ਉਹ ਆਪਣੀ ਤਾਕਤ ਲਗਾ ਦਿੰਦੇ। ਇਹ ਵੱਖਰੀ ਗੱਲ ਹੈ ਕਿ ਹੁਣ ਖੇਡਾਂਗੇ ਨਹੀਂ ! ਜਦੋਂ ਅਸੀਂ ਚੋਣਕਾਰਾਂ ਨੂੰ ਇਹ ਪੁੱਛਿਆ ਤਾਂ ਉਨ੍ਹਾਂ ਨੇ ਕਿਹਾ ਕਿ ਇਹ ਸਾਡੇ ਬੱਸ ਦੀ ਗੱਲ ਨਹੀਂ ਹੈ, ਫਿਰ ਤੁਸੀਂ ਚੋਣਕਾਰ ਕਿਉਂ ਬਣੇ ਹੋ?
Published by:Amelia Punjabi
First published:

Tags: BCCI, Cricket, Dhoni, Harbhajan Singh, Indian team, MS Dhoni, Team India

ਅਗਲੀ ਖਬਰ