• Home
  • »
  • News
  • »
  • sports
  • »
  • CRICKET WOMENS CRICKET AUSTRALIA BEAT INDIA BY ONE WICKET TO WIN THE FIRST ODI GH KS

Women's Cricket: ਆਸਟ੍ਰੇਲੀਆ ਨੇ ਭਾਰਤ ਨੂੰ ਦਿੱਤੀ ਕਰਾਰੀ ਹਾਰ, ਇੱਕ ਵਿਕਟ ਦੇ ਨੁਕਸਾਨ ਨਾਲ ਜਿੱਤਿਆ ਪਹਿਲਾ ਇੱਕ ਰੋਜ਼ਾ ਮੈਚ

ਆਸ੍ਰਟੇਲੀਆ ਬਨਾਮ ਭਾਰਤ: ਆਸਟ੍ਰੇਲੀਆ ਨੇ ਇਹ ਮੈਚ ਸਿਰਫ਼ ਇੱਕ ਵਿਕਟ ਦੇ ਨੁਕਸਾਨ ਨਾਲ ਟੀਚਾ ਸਰ ਕਰਕੇ ਜਿੱਤ ਲਿਆ। ਭਾਰਤੀ ਮਹਿਲਾ ਟੀਮ ਦੀ ਕੋਈ ਵੀ ਗੇਂਦਬਾਜ਼ ਆਪਣਾ ਜ਼ੌਹਰ ਨਹੀਂ ਵਿਖਾ ਸਕੀ, ਸਿਰਫ਼ ਪੂਨਮ ਯਾਦਵ ਹੀ ਇੱਕ ਵਿਕਟ ਲੈਣ ਵਿੱਚ ਕਾਮਯਾਬ ਰਹੀ।

  • Share this:
ਆਸਟ੍ਰੇਲੀਆ: ਵੂਮੈਨ ਕ੍ਰਿਕਟ ਵਿੱਚ ਆਸਟ੍ਰੇਲੀਆ ਨੇ ਭਾਰਤ ਨੂੰ ਹਰਾ ਕੇ ਕਰਾਰੀ ਹਾਰ ਦਿੰਦਿਆਂ ਪਹਿਲਾ ਇੱਕ ਰੋਜ਼ਾ ਮੈਚ ਜਿੱਤ ਲਿਆ ਹੈ। ਆਸਟ੍ਰੇਲੀਆ ਨੇ ਇਹ ਮੈਚ ਸਿਰਫ਼ ਇੱਕ ਵਿਕਟ ਦੇ ਨੁਕਸਾਨ ਨਾਲ ਟੀਚਾ ਸਰ ਕਰਕੇ ਜਿੱਤ ਲਿਆ। ਭਾਰਤੀ ਮਹਿਲਾ ਟੀਮ ਦੀ ਕੋਈ ਵੀ ਗੇਂਦਬਾਜ਼ ਆਪਣਾ ਜ਼ੌਹਰ ਨਹੀਂ ਵਿਖਾ ਸਕੀ, ਸਿਰਫ਼ ਪੂਨਮ ਯਾਦਵ ਹੀ ਇੱਕ ਵਿਕਟ ਲੈਣ ਵਿੱਚ ਕਾਮਯਾਬ ਰਹੀ।

ਆਸਟ੍ਰੇਲੀਆ ਲਈ ਸਲਾਮੀ ਬੱਲੇਬਾਜ਼ਾਂ ਰਿਚਲ ਹੇਅਨਜ਼ ਅਜੇਤੂ (93 ਦੌੜਾਂ) ਅਤੇ ਐਲੀਸੀਆ ਹੇਅਲੀ (77 ਦੌੜਾਂ) ਨੇ ਜਿੱਤ ਦੀ ਨੀਂਹ ਰੱਖੀ, ਜਿਸ ਨੂੰ ਅੱਗੇ ਕਪਤਾਨ ਮਿਗ ਲੇਨਿੰਗ ਅਜੇਤੂ (53 ਦੌੜਾਂ) ਨੇ ਅਰਧ ਸੈਂਕੜੇ ਨਾਲ ਟੀਚਾ ਹਾਸਲ ਕਰਨ ਵਿੱਚ ਮਦਦ ਕੀਤੀ। ਖ਼ਾਸ ਗੱਲ ਇਹ ਰਹੀ ਕਿ ਆਸਟ੍ਰੇਲੀਆ ਦੀਆਂ ਪਹਿਲੇ ਤਿੰਨੇ ਨੰਬਰਾਂ ਦੀਆਂ ਖਿਡਾਰੀਆਂ ਨੇ ਅਰਧ ਸੈਂਕੜੇ ਲਾਏ।

ਇਸਤੋਂ ਪਹਿਲਾਂ ਮਿਤਾਲੀ ਰਾਜ ਐਂਡ ਕੰਪਨੀ ਨੇ ਆਪਣੇ ਆਸਟਰੇਲੀਆ ਦੌਰੇ (Australia Tour) ਦੀ ਸ਼ੁਰੂਆਤ ਮੰਗਲਵਾਰ ਨੂੰ ਹੈਰੂਪ ਪਾਰਕ, ​​ਮੈਕੇ ਵਿਖੇ ਹੋਣ ਵਾਲੇ ਪਹਿਲੇ ਵਨਡੇ ਸੈੱਟ ਨਾਲ ਕੀਤੀ। ਮੈਚ ਸਵੇਰੇ 5:45 ਵਜੇ ਸ਼ੁਰੂ ਹੋਇਆ। ਭਾਰਤੀ ਮਹਿਲਾਵਾਂ ਅਤੇ ਆਸਟਰੇਲੀਆਈ ਮਹਿਲਾ ਕ੍ਰਿਕਟ ਟੀਮ (Women Cricket Team) ਵਿਚਾਲੇ ਪਹਿਲਾ ਵਨਡੇ ਮੈਚ ਅੱਜ ਮੈਕੇ, ਕੁਈਨਜ਼ਲੈਂਡ ਵਿੱਚ ਖੇਡਿਆ ਜਾ ਰਿਹਾ ਹੈ। ਪਹਿਲਾਂ ਬੱਲੇਬਾਜ਼ੀ ਕਰਦਿਆਂ ਭਾਰਤੀ ਟੀਮ ਨੇ 8 ਵਿਕਟਾਂ ਦੇ ਨੁਕਸਾਨ 'ਤੇ 225 ਦੌੜਾਂ ਬਣਾਈਆਂ। ਭਾਰਤ-ਆਸਟ੍ਰੇਲੀਆ ਦੇ ਖਿਲਾਫ ਇੱਕ ਬਹੁ-ਫਾਰਮੈਟ ਸੀਰੀਜ਼ ਖੇਡ ਰਿਹਾ ਹੈ ਜਿਸ ਵਿੱਚ ਵਨਡੇ ਸੀਰੀਜ਼ ਦੇ ਬਾਅਦ ਡੇ-ਨਾਈਟ ਟੈਸਟ ਅਤੇ ਤਿੰਨ ਮੈਚਾਂ ਦੀ ਟੀ -20 ਸੀਰੀਜ਼ ਖੇਡੀ ਜਾਵੇਗੀ।

ਅੱਜ ਦੇ ਮੈਚ ਦੀ ਸ਼ੁਰੂਆਤ ਵਿੱਚ ਆਸਟ੍ਰੇਲੀਆ ਦੀ ਟੀਮ ਨੇ ਟਾਸ ਜਿੱਤ ਕੇ ਗੇਂਦਬਾਜ਼ੀ ਕਰਨ ਦਾ ਫੈਸਲਾ ਕੀਤਾ। ਖੇਡ ਦੇ ਸ਼ੁਰੂਆਤੀ ਹਿੱਸੇ ਵਿੱਚ ਉਨ੍ਹਾਂ ਨੇ ਸਮ੍ਰਿਤੀ ਮੰਧਾਨਾ ਅਤੇ ਸ਼ਫਾਲੀ ਵਰਮਾ ਦੀਆਂ ਦੋ ਮਹੱਤਵਪੂਰਨ ਵਿਕਟਾਂ ਵੀ ਹਾਸਲ ਕੀਤੀਆਂ। ਮੈਚ ਦੇ ਅਖੀਰ ਵਿੱਚ, ਰਿਚਾ ਘੋਸ਼ ਦੇ 29 ਗੇਂਦਾਂ ਵਿੱਚ 32 ਦੌੜਾਂ ਨੇ ਭਾਰਤ ਨੂੰ 50 ਓਵਰਾਂ ਵਿੱਚ 225/8 ਦਾ ਸਨਮਾਨਜਨਕ ਸਕੋਰ ਬਣਾਉਣ ਵਿੱਚ ਸਹਾਇਤਾ ਕੀਤੀ। ਮੇਜ਼ਬਾਨ ਟੀਮ ਨੇ ਟਾਸ ਜਿੱਤ ਕੇ ਭਾਰਤੀ ਟੀਮ ਨੂੰ ਪਹਿਲਾਂ ਬੱਲੇਬਾਜ਼ੀ ਲਈ ਉਤਾਰਿਆ। ਭਾਰਤ ਨੇ ਆਪਣੇ ਸਟਾਰ ਸਲਾਮੀ ਬੱਲੇਬਾਜ਼ਾਂ ਸਮ੍ਰਿਤੀ ਮੰਧਾਨਾ ਅਤੇ ਸ਼ਫਾਲੀ ਵਰਮਾ ਨੂੰ ਛੇਤੀ ਹੀ ਗੁਆ ਦਿੱਤਾ।

ਭਾਰਤ ਦੀ ਸੰਭਾਵਨਾਵਾਂ ਨੂੰ ਠੇਸ ਪਹੁੰਚਾਉਣ ਵਾਲੀ ਗੱਲ ਇਹ ਹੈ ਕਿ ਸਟਾਰ ਬੱਲੇਬਾਜ਼ ਹਰਮਨਪ੍ਰੀਤ ਕੌਰ ਮੈਚ ਲਈ ਉਪਲਬਧ ਨਹੀਂ ਹੈ। ਭਾਰਤੀ ਮਹਿਲਾ ਕ੍ਰਿਕਟ ਟੀਮ 21 ਸਤੰਬਰ ਤੋਂ 10 ਅਕਤੂਬਰ ਤੱਕ 3 ਇੱਕ ਰੋਜ਼ਾ, 3 ਟੀ-20 ਅਤੇ ਇੱਕ ਦਿਨ-ਰਾਤ ਦਾ ਟੈਸਟ ਖੇਡਣਗੇ। 30 ਸਤੰਬਰ ਤੋਂ 3 ਅਕਤੂਬਰ ਤੱਕ ਮੈਟ੍ਰਿਕਨ ਵਿੱਚ ਦਿਨ-ਰਾਤ ਦਾ ਟੈਸਟ ਭਾਰਤ ਦਾ ਪਹਿਲਾ ਮੈਚ ਹੋਵੇਗਾ, ਜਿਸ ਤੋਂ ਬਾਅਦ ਦੋਵੇਂ ਟੀਮਾਂ 7 ਤੋਂ 10 ਅਕਤੂਬਰ ਤੱਕ ਤਿੰਨ ਟੀ -20 ਮੈਚ ਖੇਡਣਗੀਆਂ।

ਆਸਟਰੇਲੀਆ ਦੀ ਟੀਮ ਵਿੱਚ ਐਲਿਸਾ ਹੀਲੀ, ਮੇਗ ਲੈਨਿੰਗ, ਬੈਥ ਮੂਨਿ, ਐਸ਼ਲੇਘ ਗਾਰਡਨਰ, ਰਾਚੇਲ ਹੇਨਸ, ਏਲੀਸ ਪੇਰੀ, ਨਿਕੋਲਾ ਕੈਰੀ, ਟਾਹਲੀਆ ਮੈਕਗ੍ਰਾਥ, ਮੌਲੀ ਸਟ੍ਰਾਨੋ, ਸੋਫੀ ਮੌਲੀਨੇਕਸ, ਜਾਰਜੀਆ ਵੇਅਰਹੈਮ ਖੇਡ ਰਹੀਆਂ ਹਨ।

ਭਾਰਤ ਦੀ ਖੇਡ ਇਲੈਵਨ: ਤਾਨੀਆ ਭਾਟੀਆ, ਮਿਤਾਲੀ ਰਾਜ, ਸਮ੍ਰਿਤੀ ਮੰਧਾਨਾ, ਪੂਨਮ ਰਾਉਤ, ਸ਼ੇਫਾਲੀ ਵਰਮਾ, ਹਰਮਨਪ੍ਰੀਤ ਕੌਰ, ਦੀਪਤੀ ਸ਼ਰਮਾ, ਪੂਨਮ ਯਾਦਵ, ਝੂਲਨ ਗੋਸਵਾਮੀ, ਸ਼ਿਖਾ ਪਾਂਡੇ, ਰਾਜੇਸ਼ਵਰੀ ਗਾਇਕਵਾੜ ਸ਼ਾਮਲ ਹਨ।
Published by:Krishan Sharma
First published: