Cricketer dies: ਮੈਚ ਖੇਡਦੇ ਸਮੇਂ ਕ੍ਰਿਕਟਰ ਦੀ ਵਿਗੜੀ ਹਾਲਤ, ਅਚਾਨਕ ਹੋਈ ਮੌਤ

ਗੁਜਰਾਤ ਵਿੱਚ ਕ੍ਰਿਕਟਰ ਵਸੰਤ ਰਾਠੌਰ ਦੀ ਅਚਾਨਕ ਮੌਤ ਦੀ ਖ਼ਬਰ ਸਾਹਮਣੇ ਆਈ ਹੈ। ਵਸੰਤ ਰਾਠੌਰ ਮੈਚ ਖੇਡ ਰਿਹਾ ਸੀ, ਜਦੋਂ ਅਚਾਨਕ ਉਸ ਦੀ ਛਾਤੀ 'ਚ ਤੇਜ਼ ਦਰਦ ਮਹਿਸੂਸ ਹੋਇਆ। ਜਿਸ ਕਾਰਨ ਉਹ ਜ਼ਮੀਨ 'ਤੇ ਡਿੱਗ ਗਿਆ। ਸਾਥੀ ਖਿਡਾਰੀਆਂ ਨੇ ਤੁਰੰਤ ਉਸ ਨੂੰ ਇਲਾਜ ਲਈ ਹਸਪਤਾਲ ਦਾਖਲ ਕਰਵਾਇਆ।

ਹੌਲੀ-ਹੌਲੀ ਉਸ ਦਾ ਆਕਸੀਜਨ ਪੱਧਰ ਘਟਦਾ ਗਿਆ। ਉਸ ਦੀ ਨਾਜ਼ੁਕ ਹਾਲਤ ਨੂੰ ਦੇਖਦੇ ਹੋਏ ਉਸ ਨੂੰ ਸੋਲਾ ਦੇ ਸਿਵਲ ਹਸਪਤਾਲ 'ਚ ਦਾਖਲ ਕਰਵਾਇਆ ਗਿਆ। ਇਸ ਕ੍ਰਿਕਟਰ ਦੀ ਮੌਤ ਉਸ ਸਮੇਂ ਹੋ ਗਈ ਜਦੋਂ ਡਾਕਟਰ ਉਸ ਦਾ ਇਲਾਜ ਕਰ ਰਹੇ ਸਨ। ਰਾਠੌਰ ਵਸਤਰਪੁਰ ਦਾ ਰਹਿਣ ਵਾਲਾ ਸੀ।

ਉਹ ਅਹਿਮਦਾਬਾਦ ਵਿੱਚ ਐਸਜੀਐਸਟੀ ਹੈੱਡਕੁਆਰਟਰ ਵਿੱਚ ਕੰਮ ਕਰਦਾ ਸੀ। ਦੋ ਵੱਖ-ਵੱਖ ਘਟਨਾਵਾਂ ਵਿੱਚ ਰਾਜਕੋਟ ਦੇ 27 ਸਾਲਾ ਪ੍ਰਸ਼ਾਂਤ ਭੜੋਲੀਆ ਅਤੇ ਸੂਰਤ ਦੇ 31 ਸਾਲਾ ਜਿਗਨੇਸ਼ ਚੌਹਾਨ ਦੀ ਵੀ ਇੱਕ ਹਫ਼ਤਾ ਪਹਿਲਾਂ ਦਿਲ ਦਾ ਦੌਰਾ ਪੈਣ ਕਾਰਨ ਮੌਤ ਹੋ ਗਈ ਸੀ।