BCCI ਪ੍ਰਧਾਨ ਗਾਂਗੁਲੀ ਇੱਕ ਹੋਰ ਵਿਵਾਦ 'ਚ ਫਸੇ, ਬੋਰਡ ਦੇ ਸੰਵਿਧਾਨ ਵਿਰੁੱਧ ਜਾਣ ਦਾ ਮਾਮਲਾ

ਨਵੀਂ ਦਿੱਲੀ: Cricket Controversy: ਬੀਸੀਸੀਆਈ ਦੇ ਪ੍ਰਧਾਨ ਸੌਰਵ ਗਾਂਗੁਲੀ (Saurav Ganguly) ਦਾ ਨਾਂਅ ਇੱਕ ਵਾਰ ਫਿਰ ਵਿਵਾਦਾਂ ਨਾਲ ਜੁੜਿਆ ਹੈ। ਹਾਲ ਹੀ 'ਚ ਗਾਂਗੁਲੀ ਅਤੇ ਵਿਰਾਟ ਕੋਹਲੀ (Virat Kohli) ਵਿਚਾਲੇ ਕਪਤਾਨੀ 'ਤੇ ਦਿੱਤੇ ਬਿਆਨ ਨੂੰ ਲੈ ਕੇ ਵਿਵਾਦ ਹੋਇਆ ਸੀ।

ਜਾਣਕਾਰੀ ਮੁਤਾਬਕ ਗਾਂਗੁਲੀ ਨੇ ਚੋਣ ਕਮੇਟੀ ਦੀਆਂ ਬੈਠਕਾਂ 'ਚ ਸ਼ਿਰਕਤ ਕੀਤੀ। ਬੋਰਡ ਦੇ ਸੰਵਿਧਾਨ ਮੁਤਾਬਕ ਉਹ ਅਜਿਹਾ ਨਹੀਂ ਕਰ ਸਕਦੇ। ਸੋਸ਼ਲ ਮੀਡੀਆ 'ਤੇ ਵੀ ਪ੍ਰਸ਼ੰਸਕ ਗਾਂਗੁਲੀ ਦੇ ਇਸ ਕਦਮ ਨੂੰ ਗਲਤ ਦੱਸ ਰਹੇ ਹਨ। ਹਾਲਾਂਕਿ ਹੁਣ ਤੱਕ ਇਸ ਬਾਰੇ ਬੀਸੀਸੀਆਈ ਵੱਲੋਂ ਕੋਈ ਅਧਿਕਾਰਤ ਸਪੱਸ਼ਟੀਕਰਨ ਨਹੀਂ ਆਇਆ ਹੈ। ਬੋਰਡ ਫਿਲਹਾਲ IPL ਦੀ ਮੈਗਾ ਨਿਲਾਮੀ ਦੀ ਤਿਆਰੀ ਕਰ ਰਿਹਾ ਹੈ।

'ਇਨਸਾਈਡ ਸਪੋਰਟਸ' ਨਾਲ ਗੱਲਬਾਤ ਕਰਦਿਆਂ ਬੋਰਡ ਦੇ ਇਕ ਅਧਿਕਾਰੀ ਨੇ ਕਿਹਾ ਕਿ ਇਹ ਪੂਰੀ ਤਰ੍ਹਾਂ ਫਜ਼ੂਲ ਅਤੇ ਝੂਠੀ ਖਬਰ ਹੈ। ਇਕ ਹੋਰ ਅਧਿਕਾਰੀ ਨੇ ਕਿਹਾ, 'ਉਹ ਕਈ ਮੌਕਿਆਂ 'ਤੇ ਅਜਿਹਾ ਕਰ ਚੁੱਕੇ ਹਨ। ਅੱਜ ਕੱਲ੍ਹ ਬੀ.ਸੀ.ਸੀ.ਆਈ. ਗਾਂਗੁਲੀ ਲਈ ਚੋਣ ਕਮੇਟੀ ਦੀ ਮੀਟਿੰਗ ਵਿੱਚ ਸ਼ਾਮਲ ਹੋਣਾ ਕੋਈ ਜਾਇਜ਼ ਨਹੀਂ ਹੈ। ਇਹ ਬਹੁਤ ਮੰਦਭਾਗਾ ਹੈ।'' ਇਸ ਤੋਂ ਪਹਿਲਾਂ ਗਾਂਗੁਲੀ ਨੇ ਕਿਹਾ ਸੀ ਕਿ ਉਨ੍ਹਾਂ ਨੇ ਕੋਹਲੀ ਨੂੰ ਟੀ-20 ਦੀ ਕਪਤਾਨੀ ਨਾ ਛੱਡਣ ਲਈ ਕਿਹਾ ਸੀ। ਪਰ ਕੋਹਲੀ ਨੇ ਅਜਿਹੀ ਕਿਸੇ ਵੀ ਗੱਲ ਤੋਂ ਇਨਕਾਰ ਕੀਤਾ ਸੀ।

ਕੋਚ ਅਤੇ ਕਪਤਾਨ ਕੁਝ ਨਹੀਂ ਕਰ ਸਕੇ

ਇਸਤੋਂ ਪਹਿਲਾਂ ਇਹ ਗੱਲ ਸਾਹਮਣੇ ਆਈ ਸੀ ਕਿ ਇੱਕ ਅਧਿਕਾਰੀ ਬਿਨਾਂ ਕਿਸੇ ਨਿਯਮਾਂ ਦੇ ਚੋਣ ਕਮੇਟੀ ਦੀ ਮੀਟਿੰਗ ਵਿੱਚ ਸ਼ਾਮਲ ਹੋ ਰਿਹਾ ਸੀ। ਕੋਚ ਅਤੇ ਕਪਤਾਨ ਦੋਵੇਂ ਹੀ ਉਸ ਅੱਗੇ ਬੇਵੱਸ ਸਨ। ਉਹ ਕੁਝ ਨਹੀਂ ਕਰ ਸਕਦੇ ਸਨ।