• Home
  • »
  • News
  • »
  • sports
  • »
  • SPORTS CRICKET T20 WORLD CUP BABAR AZAM BLAMES PAKISTANS DEFEAT SMALL MISTAKE WINS AUSTRALIA KS

T20 World Cup: ਬਾਬਰ ਆਜ਼ਮ ਨੇ ਦੱਸਿਆ ਪਾਕਿਸਤਾਨ ਦੀ ਹਾਰ ਦਾ ਕਾਰਨ, 'ਛੋਟੀ ਜਿਹੀ' ਗਲਤੀ ਨੇ ਆਸ੍ਰਟੇਲੀਆ ਜਿਤਾਇਆ

ਮੈਚ 'ਚ ਪਾਕਿਸਤਾਨੀ ਗੇਂਦਬਾਜ਼ਾਂ ਨੇ ਇੱਕ ਵਾਰ ਤਾਂ ਮੈਚ ਦਾ ਰੁਖ ਆਪਣੀ ਟੀਮ ਵੱਲ ਮੋੜ ਦਿੱਤਾ ਸੀ ਪਰ ਮੈਥਿਊ ਵੇਡ (Matthew Wade) ਅਤੇ ਮਾਰਕਸ ਸਟੋਇਨਿਸ (Marcus Stoinis) ਨੇ ਆਖਰੀ ਓਵਰਾਂ 'ਚ ਤੂਫਾਨੀ ਬੱਲੇਬਾਜ਼ੀ ਕਰਦੇ ਹੋਏ ਆਸਟ੍ਰੇਲੀਆ ਨੂੰ ਜਿੱਤ ਦਿਵਾਈ।

  • Share this:
    ਨਵੀਂ ਦਿੱਲੀ: ਪਾਕਿਸਤਾਨ ਕ੍ਰਿਕਟ ਟੀਮ ਵੀਰਵਾਰ ਨੂੰ ਟੀ-20 ਵਿਸ਼ਵ ਕੱਪ (T2 World Cup-2021) ਤੋਂ ਬਾਹਰ ਹੋ ਗਈ ਸੀ। ਦੁਬਈ 'ਚ ਖੇਡੇ ਗਏ ਸੈਮੀਫਾਈਨਲ 'ਚ ਆਸਟ੍ਰੇਲੀਆ ਨੇ ਉਸ ਨੂੰ 5 ਵਿਕਟਾਂ ਨਾਲ ਹਰਾ ਦਿੱਤਾ। ਪਾਕਿਸਤਾਨ ਨੇ 20 ਓਵਰਾਂ 'ਚ 4 ਵਿਕਟਾਂ 'ਤੇ 176 ਦੌੜਾਂ ਬਣਾਈਆਂ, ਜਿਸ ਤੋਂ ਬਾਅਦ ਆਸਟ੍ਰੇਲੀਆ ਨੇ 5 ਵਿਕਟਾਂ ਗੁਆ ਕੇ 1 ਓਵਰ ਬਾਕੀ ਰਹਿੰਦਿਆਂ ਟੀਚਾ ਹਾਸਲ ਕਰ ਲਿਆ। ਪਾਕਿਸਤਾਨ ਦੇ ਕਪਤਾਨ ਬਾਬਰ ਆਜ਼ਮ (Babar Azam) ਇਸ ਹਾਰ ਤੋਂ ਕਾਫੀ ਨਿਰਾਸ਼ ਨਜ਼ਰ ਆਏ। ਆਪਣਾ ਪਹਿਲਾ ਟੀ-20 ਵਿਸ਼ਵ ਕੱਪ (T20 World Cup) ਖੇਡ ਰਹੇ ਬਾਬਰ ਨੇ ਮੈਚ ਤੋਂ ਬਾਅਦ ਆਪਣੀ ਟੀਮ ਦੀ ਗਲਤੀ ਨੂੰ ਟਰਨਿੰਗ ਪੁਆਇੰਟ ਦੱਸਿਆ।

    ਇਸ ਰੋਮਾਂਚਕ ਮੈਚ 'ਚ ਪਾਕਿਸਤਾਨੀ ਗੇਂਦਬਾਜ਼ਾਂ ਨੇ ਇੱਕ ਵਾਰ ਤਾਂ ਮੈਚ ਦਾ ਰੁਖ ਆਪਣੀ ਟੀਮ ਵੱਲ ਮੋੜ ਦਿੱਤਾ ਸੀ ਪਰ ਮੈਥਿਊ ਵੇਡ (Matthew Wade) ਅਤੇ ਮਾਰਕਸ ਸਟੋਇਨਿਸ (Marcus Stoinis) ਨੇ ਆਖਰੀ ਓਵਰਾਂ 'ਚ ਤੂਫਾਨੀ ਬੱਲੇਬਾਜ਼ੀ ਕਰਦੇ ਹੋਏ ਆਸਟ੍ਰੇਲੀਆ ਨੂੰ ਜਿੱਤ ਦਿਵਾਈ। ਦਰਅਸਲ, ਵੇਡ ਦਾ ਕੈਚ ਹਸਨ ਅਲੀ (Hasan Ali) ਨੇ ਛੱਡਿਆ ਸੀ, ਜੋ ਪਾਕਿਸਤਾਨ ਲਈ ਕਾਫੀ ਮਹਿੰਗਾ ਸਾਬਤ ਹੋਇਆ। ਬਾਬਰ ਆਜ਼ਮ ਨੇ ਮੰਨਿਆ ਕਿ ਅਹਿਮ ਮੌਕਿਆਂ 'ਤੇ ਕੈਚ ਛੱਡਣਾ ਟੀਮ ਨੂੰ ਮਹਿੰਗਾ ਪਿਆ।

    ਉਸ ਨੇ ਕਿਹਾ, 'ਸਾਡੀ ਰਣਨੀਤੀ ਮੁਤਾਬਕ ਸਭ ਕੁਝ ਚੱਲ ਰਿਹਾ ਸੀ। ਸਾਡਾ ਸਕੋਰ ਵੀ ਚੰਗਾ ਸੀ ਪਰ ਸਾਡੀ ਗੇਂਦਬਾਜ਼ੀ ਇੰਨੀ ਸਹੀ ਨਹੀਂ ਸੀ। ਜੇਕਰ ਤੁਸੀਂ ਅਜਿਹੇ ਮੌਕੇ 'ਤੇ ਕੈਚ ਛੱਡਦੇ ਹੋ ਤਾਂ ਮੈਚ ਤੁਹਾਡੇ ਹੱਥੋਂ ਨਿਕਲ ਜਾਵੇਗਾ। ਇਹ ਮੈਚ ਦਾ ਟਰਨਿੰਗ ਪੁਆਇੰਟ ਸਾਬਤ ਹੋਇਆ। ਵੇਡ ਨੇ ਸ਼ਾਹੀਨ ਅਫਰੀਦੀ ਦੇ 19ਵੇਂ ਓਵਰ 'ਚ ਲਗਾਤਾਰ 3 ਗੇਂਦਾਂ 'ਤੇ 3 ਛੱਕੇ ਜੜੇ ਅਤੇ ਆਸਟ੍ਰੇਲੀਆ ਨੇ ਫਾਈਨਲ 'ਚ ਜਗ੍ਹਾ ਬਣਾਈ। ਹੁਣ 14 ਨਵੰਬਰ ਨੂੰ ਉਸ ਦਾ ਸਾਹਮਣਾ ਨਿਊਜ਼ੀਲੈਂਡ ਨਾਲ ਹੋਵੇਗਾ, ਜਿਸ ਨੇ ਪਹਿਲੇ ਸੈਮੀਫਾਈਨਲ 'ਚ ਇੰਗਲੈਂਡ ਨੂੰ ਹਰਾਇਆ ਸੀ।

    ਬਾਬਰ ਨੇ ਕਿਹਾ, 'ਸਾਡੀ ਟੀਮ ਨੇ ਪੂਰੇ ਟੂਰਨਾਮੈਂਟ 'ਚ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ। ਉਮੀਦ ਹੈ ਕਿ ਖਿਡਾਰੀ ਅੱਗੇ ਜਾ ਕੇ ਬਿਹਤਰ ਖੇਡ ਦਿਖਾਉਣਗੇ। ਇੱਕ ਕਪਤਾਨ ਦੇ ਰੂਪ ਵਿੱਚ, ਮੈਂ ਸਹਿਮਤ ਹਾਂ। ਉਮੀਦ ਹੈ ਕਿ ਅਸੀਂ ਅਗਲੇ ਟੂਰਨਾਮੈਂਟ ਲਈ ਆਪਣੀਆਂ ਗਲਤੀਆਂ ਤੋਂ ਸਿੱਖਾਂਗੇ। ਜਦੋਂ ਤੁਸੀਂ ਪੂਰੇ ਟੂਰਨਾਮੈਂਟ ਦੌਰਾਨ ਚੰਗਾ ਪ੍ਰਦਰਸ਼ਨ ਕਰਦੇ ਹੋ ਅਤੇ ਫਿਰ ਅੰਤ ਵਿੱਚ, ਇਸ ਤਰ੍ਹਾਂ ਦੀਆਂ ਛੋਟੀਆਂ ਗਲਤੀਆਂ ਵੱਡੇ ਨਤੀਜੇ ਭੁਗਤਦੀਆਂ ਹਨ। ਅਸੀਂ ਪੂਰੇ ਟੂਰਨਾਮੈਂਟ ਦੌਰਾਨ ਜਿਸ ਤਰ੍ਹਾਂ ਦਾ ਪ੍ਰਦਰਸ਼ਨ ਕੀਤਾ ਉਹ ਸ਼ਾਨਦਾਰ ਸੀ। ਸਾਨੂੰ ਆਉਣ ਵਾਲੇ ਦਿਨਾਂ ਵਿੱਚ ਟੀਮ ਤੋਂ ਹੋਰ ਵੀ ਬਿਹਤਰ ਪ੍ਰਦਰਸ਼ਨ ਦੀ ਉਮੀਦ ਹੈ। ਹਰ ਖਿਡਾਰੀ ਨੇ ਆਪਣੀ ਭੂਮਿਕਾ ਬਾਖੂਬੀ ਨਿਭਾਈ

    2 ਚੌਕਿਆਂ ਅਤੇ 4 ਛੱਕਿਆਂ ਦੀ ਮਦਦ ਨਾਲ 17 ਗੇਂਦਾਂ 'ਤੇ 41 ਦੌੜਾਂ ਦੀ ਤੂਫਾਨੀ ਪਾਰੀ ਖੇਡ ਕੇ ਮੈਨ ਆਫ ਦਿ ਮੈਚ ਬਣੇ ਮੈਥਿਊ ਵੇਡ ਨੇ ਕਿਹਾ, 'ਸਟੋਇਨਿਸ ਨੇ ਦੂਜੇ ਸਿਰੇ 'ਤੇ ਦਬਾਅ ਨੂੰ ਦੂਰ ਕੀਤਾ। ਸ਼ਾਹੀਨ ਮੇਰੀ ਉਮੀਦ ਨਾਲੋਂ ਤੇਜ਼ ਗੇਂਦਬਾਜ਼ੀ ਕਰ ਰਿਹਾ ਸੀ। ਮੈਨੂੰ ਖੁਸ਼ੀ ਹੈ ਕਿ ਮੈਂ ਆਖਿਰਕਾਰ ਟੀਮ ਨੂੰ ਟੀਚੇ ਤੱਕ ਪਹੁੰਚਾਇਆ। ਮੈਂ ਕੁਝ ਸਮੇਂ ਲਈ ਟੀਮ ਤੋਂ ਬਾਹਰ ਸੀ ਅਤੇ ਮੈਨੂੰ ਖੁਸ਼ੀ ਹੈ ਕਿ ਮੈਨੂੰ ਦੁਬਾਰਾ ਮੌਕਾ ਮਿਲਿਆ।
    Published by:Krishan Sharma
    First published: