IND vs NZ Test: ਨਿਊਜ਼ੀਲੈਂਡ ਨੇ ਭਾਰਤ ਦੇ ਹੱਥੋਂ ਖੋਹੀ ਜਿੱਤ, ਕਾਨਪੁਰ ਮੈਚ ਡਰਾਅ

ਕਾਨਪੁਰ: ਭਾਰਤੀ ਟੀਮ (Team India) ਪਹਿਲਾ ਟੈਸਟ ਮੈਚ ਨਹੀਂ ਜਿੱਤ ਸਕੀ ਸੀ। ਮੈਚ ਦੇ ਪੰਜਵੇਂ ਅਤੇ ਆਖਰੀ ਦਿਨ (India vs New Zealand Test Series) ਨਿਊਜ਼ੀਲੈਂਡ ਨੇ 284 ਦੌੜਾਂ ਦੇ ਟੀਚੇ ਦਾ ਪਿੱਛਾ ਕਰਦੇ ਹੋਏ 9 ਵਿਕਟਾਂ 'ਤੇ 165 ਦੌੜਾਂ ਬਣਾਈਆਂ ਅਤੇ ਮੈਚ ਡਰਾਅ ਰਿਹਾ। ਆਫ ਸਪਿਨਰ ਆਰ ਅਸ਼ਵਿਨ (R Ashwin) ਨੇ 3 ਅਤੇ ਰਵਿੰਦਰ ਜਡੇਜਾ ਨੇ 4 ਵਿਕਟਾਂ ਲਈਆਂ। ਭਾਰਤ ਨੇ ਪਹਿਲੀ ਪਾਰੀ 'ਚ 345 ਦੌੜਾਂ ਅਤੇ ਦੂਜੀ ਪਾਰੀ 'ਚ 7 ਵਿਕਟਾਂ 'ਤੇ 234 ਦੌੜਾਂ ਬਣਾ ਕੇ ਪਾਰੀ ਐਲਾਨ ਦਿੱਤੀ। ਨਿਊਜ਼ੀਲੈਂਡ ਨੇ ਪਹਿਲੀ ਪਾਰੀ ਵਿੱਚ 295 ਦੌੜਾਂ ਬਣਾਈਆਂ ਸਨ। ਭਾਰਤੀ ਟੀਮ ਨੂੰ ਪਹਿਲੀ ਪਾਰੀ ਦੇ ਆਧਾਰ 'ਤੇ 49 ਦੌੜਾਂ ਦਾ ਵਾਧਾ ਮਿਲਿਆ। ਸੀਰੀਜ਼ ਦਾ ਦੂਜਾ ਅਤੇ ਆਖਰੀ ਟੈਸਟ 3 ਦਸੰਬਰ ਤੋਂ ਮੁੰਬਈ 'ਚ ਖੇਡਿਆ ਜਾਵੇਗਾ।

ਸੋਮਵਾਰ ਨੂੰ ਆਖਰੀ ਦਿਨ ਨਿਊਜ਼ੀਲੈਂਡ ਦੀ ਸ਼ੁਰੂਆਤ ਚੰਗੀ ਰਹੀ। ਪਹਿਲੇ ਸੈਸ਼ਨ 'ਚ ਭਾਰਤੀ ਟੀਮ ਦੇ ਗੇਂਦਬਾਜ਼ ਇੱਕ ਵੀ ਵਿਕਟ ਨਹੀਂ ਲੈ ਸਕੇ। ਟਾਮ ਲੈਥਮ ਅਤੇ ਵਿਲੀਅਮ ਸੋਮਰਵਿਲ (Willian Somerville) ਨੇ ਦੂਜੀ ਵਿਕਟ ਲਈ 76 ਦੌੜਾਂ ਜੋੜੀਆਂ। ਉਮੇਸ਼ (Umesh Yadav) ਯਾਦਵ ਨੇ ਲੰਚ ਤੋਂ ਬਾਅਦ ਸੋਮਰਵਿਲ ਨੂੰ ਆਊਟ ਕਰਕੇ ਟੀਮ ਨੂੰ ਪਹਿਲੀ ਸਫਲਤਾ ਦਿਵਾਈ। ਸੋਮਰਵਿਲ ਨੇ 110 ਗੇਂਦਾਂ 'ਤੇ 36 ਦੌੜਾਂ ਬਣਾਈਆਂ ਅਤੇ 5 ਚੌਕੇ ਲਗਾਏ। ਆਰ ਅਸ਼ਵਿਨ ਨੇ ਲੋਥਮ ਨੂੰ ਆਊਟ ਕਰਕੇ ਟੀਮ ਨੂੰ ਵੱਡੀ ਕਾਮਯਾਬੀ ਦਿਵਾਈ।

ਲੈਥਮ ਨੇ 146 ਗੇਂਦਾਂ ਦਾ ਸਾਹਮਣਾ ਕੀਤਾ

ਟਾਮ ਲੈਥਮ (Tom Latham) ਨੇ 146 ਗੇਂਦਾਂ ਦਾ ਸਾਹਮਣਾ ਕੀਤਾ। 52 ਦੌੜਾਂ ਬਣਾਈਆਂ ਅਤੇ 3 ਚੌਕੇ ਲਗਾਏ। ਟੀ ਤੋਂ ਪਹਿਲਾਂ ਰਵਿੰਦਰ ਜਡੇਜਾ ਨੇ ਰੌਸ ਟੇਲਰ (2) ਨੂੰ ਐੱਲ.ਬੀ.ਡਬਲਯੂ ਆਊਟ ਕਰਕੇ ਟੀਮ ਨੂੰ ਵੱਡੀ ਸਫਲਤਾ ਦਿਵਾਈ। ਆਖਰੀ ਸੈਸ਼ਨ 'ਚ ਕੇਨ ਵਿਲੀਅਮਸਨ (Kane Williamson) ਨੂੰ ਪਹਿਲਾਂ ਜਡੇਜਾ ਨੇ ਅਤੇ ਹੈਨਰੀ ਨਿਕੋਲਸ ਨੂੰ ਅਕਸ਼ਰ ਪਟੇਲ (Axar Patel) ਨੇ ਆਊਟ ਕਰਕੇ ਟੀਮ ਨੂੰ ਵੱਡੀ ਸਫਲਤਾ ਦਿਵਾਈ। ਇੱਥੋਂ ਮੈਚ ਭਾਰਤੀ ਟੀਮ ਦੇ ਹੱਕ ਵਿੱਚ ਹੋ ਗਿਆ ਸੀ।

ਜੇਮਸਨ ਦਾ ਕੈਚ ਛੁੱਟਿਆ

85ਵੇਂ ਓਵਰ ਦੀ ਆਖਰੀ ਗੇਂਦ 'ਤੇ ਚੇਤੇਸ਼ਵਰ ਪੁਜਾਰਾ ਲੈੱਗ ਸਲਿਪ 'ਤੇ ਕਾਇਲ ਜੇਮਸਨ ਦਾ ਕੈਚ ਨਹੀਂ ਫੜ ਸਕੇ। ਅਜਿਹੇ 'ਚ ਅਜਿਹਾ ਲੱਗ ਰਿਹਾ ਸੀ ਕਿ ਜੇਮਸਨ ਟੀਮ ਲਈ ਮੁਸੀਬਤ ਪੈਦਾ ਕਰ ਸਕਦੇ ਹਨ। ਪਰ ਰਵਿੰਦਰ ਜਡੇਜਾ (Cheteshwar Pujara) ਨੇ ਅਗਲੇ ਹੀ ਓਵਰ ਵਿੱਚ ਉਸਨੂੰ ਆਊਟ ਕਰਕੇ ਉਸਦੀ ਪਾਰੀ ਦਾ ਅੰਤ ਕਰ ਦਿੱਤਾ। ਨਿਊਜ਼ੀਲੈਂਡ ਦੀ ਟੀਮ ਨੇ 98 ਓਵਰਾਂ 'ਚ 9 ਵਿਕਟਾਂ 'ਤੇ 165 ਦੌੜਾਂ ਬਣਾਈਆਂ। ਰਚਿਨ ਰਵਿੰਦਰ 91 ਗੇਂਦਾਂ 'ਤੇ 18 ਦੌੜਾਂ ਬਣਾ ਕੇ ਨਾਬਾਦ ਰਹੇ। ਵਿਲੀਅਮਸਨ, ਲੈਥਮ ਅਤੇ ਸੋਮਰਵਿਲ ਨੇ 100 ਤੋਂ ਵੱਧ ਗੇਂਦਾਂ ਖੇਡ ਕੇ ਮੈਚ ਡਰਾਅ ਕਰਵਾਉਣ ਵਿੱਚ ਅਹਿਮ ਭੂਮਿਕਾ ਨਿਭਾਈ।