ਫੈਨਜ਼ ਨੇ ਰਿਸ਼ਭ ਪੰਤ ਨੂੰ ਟ੍ਰੋਲ ਕਰਨ ਦੀ ਕੀਤੀ ਕੋਸ਼ਿਸ਼, ਗਰਲਫ੍ਰੇਂਡ ਈਸ਼ਾ ਨੇ ਇੰਝ ਦਿੱਤਾ ਕਰਾਰਾ ਜਵਾਬ

ਨਵੀਂ ਦਿੱਲੀ: ਭਾਰਤੀ ਕ੍ਰਿਕਟ ਟੀਮ ਦੇ ਸਟਾਰ ਵਿਕਟਕੀਪਰ-ਬੱਲੇਬਾਜ਼ ਰਿਸ਼ਭ ਪੰਤ(Rishabh Pant) ਅਕਸਰ ਚਰਚਾ 'ਚ ਰਹਿੰਦੇ ਹਨ। ਰਿਸ਼ਭ ਪੰਤ ਟੀ-20 ਵਿਸ਼ਵ ਕੱਪ 2022 ਵਿੱਚ ਆਪਣੀ ਪ੍ਰਤਿਭਾ ਦਾ ਪ੍ਰਦਰਸ਼ਨ ਕਰਨ ਦੇ ਮੌਕੇ ਦਾ ਇੰਤਜ਼ਾਰ ਕਰ ਰਹੇ ਹਨ। ਇਸੇ ਵਿਚਕਾਰ ਫੈਨਜ਼ ਰਿਸ਼ਭ ਨੂੰ ਕਰੀਅਰ ਦੇ ਮਹੱਤਵਪੂਰਨ ਪੜਾਅ 'ਤੇ ਫਾਰਮ ਤੋਂ ਬਾਹਰ ਹੋਣ ਲਈ ਉਨ੍ਹਾਂ ਨੂੰ ਟ੍ਰੋਲ ਕਰ ਰਹੇ ਹਨ। ਹਾਲਾਂਕਿ ਇਸ ਮੁਸ਼ਕਲ ਸਮੇਂ 'ਚ ਰਿਸ਼ਭ ਪੰਤ ਦੀ ਗਰਲਫ੍ਰੇਂਡ ਈਸ਼ਾ ਨੇਗੀ ਨੇ ਉਨ੍ਹਾਂ ਦਾ ਸਾਥ ਦਿੱਤਾ ਅਤੇ ਟ੍ਰੋਲਰਸ ਨੂੰ ਕਰਾਰਾ ਜਵਾਬ ਵੀ ਦਿੱਤਾ।

ਹਾਲ ਹੀ 'ਚ ਈਸ਼ਾ ਨੇਗੀ ਨੇ ਆਪਣਾ ਯੂਟਿਊਬ ਚੈਨਲ ਲਾਂਚ ਕੀਤਾ ਹੈ। ਈਸ਼ਾ ਨੇ ਆਪਣੇ ਇੰਸਟਾਗ੍ਰਾਮ ਅਕਾਊਂਟ 'ਤੇ ਆਪਣੇ ਯੂਟਿਊਬ ਚੈਨਲ ਦਾ ਪ੍ਰਮੋਸ਼ਨ ਵੀ ਕੀਤਾ। ਇਸਦੇ ਨਾਲ ਹੀ ਆਪਣੇ ਵੀਡੀਓ ਲਈ ਪ੍ਰਸ਼ੰਸਕਾਂ ਤੋਂ ਸੁਝਾਅ ਵੀ ਮੰਗੇ। ਈਸ਼ਾ ਨੇ ਆਪਣੇ ਯੂਟਿਊਬ ਚੈਨਲ ਬਾਰੇ ਇੰਸਟਾਗ੍ਰਾਮ 'ਤੇ ਇਕ ਵੀਡੀਓ ਅਪਲੋਡ ਕੀਤਾ। ਉਨ੍ਹਾਂ ਨੇ ਪੋਸਟ 'ਤੇ ਕੈਪਸ਼ਨ ਲਿਖਿਆ, ''ਮੇਰੇ ਚੈਨਲ 'ਤੇ ਪਹਿਲੀ ਯੂਟਿਊਬ ਵੀਡੀਓ। ਹੁਣੇ ਦੇਖੋ ਅਤੇ ਕੰਮੈਂਟ ਵਿੱਚ ਅਗਲੀ ਵੀਡੀਓ ਲਈ ਸੁਝਾਅ ਦਿਓ। ਇਹ ਪੋਸਟ ਸ਼ੇਅਰ ਕਰਦੇ ਹੀ ਉਨ੍ਹਾਂ ਦਾ ਕੰਮੈਂਟ ਸੈਕਸ਼ਨ ਟਿੱਪਣੀਆਂ ਨਾਲ ਭਰ ਗਿਆ।

ਪਰ ਜਦੋਂ ਇੱਕ ਪ੍ਰਸ਼ੰਸਕ ਨੇ ਰਿਸ਼ਭ ਨੂੰ ਟ੍ਰੋਲ ਕਰਨ ਦੀ ਕੋਸ਼ਿਸ਼ ਕੀਤੀ ਤਾਂ ਈਸ਼ਾ ਚੁੱਪ ਨਹੀਂ ਬੈਠੀ। ਈਸ਼ਾ ਨੇ ਰਿਸ਼ਭ ਨੂੰ ਆਪਣੇ ਯੂਟਿਊਬ ਚੈਨਲ 'ਤੇ ਆਉਣ ਲਈ ਕਹਿਣ 'ਤੇ ਟ੍ਰੋਲ ਨੂੰ ਕਰਾਰਾ ਜਵਾਬ ਦਿੱਤਾ।

View this post on Instagram

A post shared by Isha Negi (@ishanegi_)

ਬਹੁਤ ਸਾਰੇ ਲੋਕਾਂ ਵਿੱਚੋਂ, ਉਨ੍ਹਾਂ ਦੇ ਇੱਕ ਪ੍ਰਸ਼ੰਸਕ ਨੇ ਰਿਸ਼ਭ ਪੰਤ ਨੂੰ ਯੂਟਿਊਬ ਚੈਨਲ 'ਤੇ ਦੇਖਣ ਦੀ ਇੱਛਾ ਜ਼ਾਹਰ ਕੀਤੀ। ਇਕ ਫੈਨ ਨੇ ਲਿਖਿਆ, ''ਅਸੀਂ ਤੁਹਾਡੇ ਯੂਟਿਊਬ ਚੈਨਲ 'ਤੇ ਰਿਸ਼ਭ ਪੰਤ ਚਾਹੁੰਦੇ ਹਾਂ।'' ਫੈਨ ਦੀ ਇਸ ਟਿੱਪਣੀ 'ਤੇ ਜਵਾਬ ਦਿੰਦੇ ਹੋਏ ਈਸ਼ਾ ਨੇ ਦਿਲ ਜਿੱਤ ਲਿਆ। ਈਸ਼ਾ ਨੇ ਲਿਖਿਆ, "ਮੈਂ ਇਹ ਕਰਦੀ ਹਾਂ, ਉਨ੍ਹਾਂ ਨੂੰ ਟੀਮ 'ਚ ਫੋਕਸ ਕਰਨ ਦਿਓ।"

ਤੁਹਾਨੂੰ ਦੱਸ ਦੇਈਏ ਕਿ ਆਈਸੀਸੀ ਟੀ-20 ਵਿਸ਼ਵ ਕੱਪ 2022 ਵਿੱਚ ਭਾਰਤ ਨੇ ਆਪਣੀ ਮੁਹਿੰਮ ਦੀ ਸ਼ੁਰੂਆਤ ਜਿੱਤ ਨਾਲ ਕੀਤੀ ਸੀ। ਭਾਰਤ ਨੇ ਟੂਰਨਾਮੈਂਟ ਦੇ ਆਪਣੇ ਪਹਿਲੇ ਮੈਚ ਵਿੱਚ ਪਾਕਿਸਤਾਨ ਨੂੰ 4 ਵਿਕਟਾਂ ਨਾਲ ਹਰਾਇਆ ਸੀ। ਭਾਰਤ ਦਾ ਅਗਲਾ ਮੈਚ 27 ਅਕਤੂਬਰ ਵੀਰਵਾਰ ਨੂੰ ਨੀਦਰਲੈਂਡ ਨਾਲ ਹੋਣਾ ਹੈ। ਟੀਮ ਮੰਗਲਵਾਰ ਨੂੰ ਆਪਣੇ ਪਹਿਲੇ ਅਭਿਆਸ ਸੈਸ਼ਨ ਦੇ ਨਾਲ ਮੈਦਾਨ 'ਤੇ ਉਤਰੀ। ਭਾਰਤੀ ਕਪਤਾਨ ਰੋਹਿਤ ਸ਼ਰਮਾ ਮੰਗਲਵਾਰ ਨੂੰ ਸਿਡਨੀ ਕ੍ਰਿਕਟ ਗਰਾਊਂਡ (SCG) 'ਤੇ ਨੈੱਟ ਸੈਸ਼ਨ ਦੌਰਾਨ ਵਧੀਆ ਫਾਰਮ 'ਚ ਨਜ਼ਰ ਆਏ।