VIDEO: ਪੰਡਯਾ ਦਾ NZ ਵਿੱਚ ਵੱਖਰਾ ਸਵੈਗ, ‘Crocodile Bike' 'ਚ ਕੇਨ ਵਿਲੀਅਮਸਨ ਨਾਲ ਚਿਲ ਕਰਦੇ ਆਏ ਨਜ਼ਰ

ਨਵੀਂ ਦਿੱਲੀ: ਹਾਰਦਿਕ ਪੰਡਯਾ ਦੀ ਕਪਤਾਨੀ ਵਾਲੀ ਭਾਰਤੀ ਕ੍ਰਿਕਟ ਟੀਮ ਨਿਊਜ਼ੀਲੈਂਡ (India vs New Zealand) ਪਹੁੰਚ ਗਈ ਹੈ। ਟੀਮ ਇੰਡੀਆ ਨੂੰ ਮੇਜ਼ਬਾਨ ਟੀਮ ਦੇ ਖਿਲਾਫ 3 ਮੈਚਾਂ ਦੀ ਟੀ-20 ਸੀਰੀਜ਼ ਖੇਡਣੀ ਹੈ। ਸੀਰੀਜ਼ ਦਾ ਪਹਿਲਾ ਟੀ-20 ਮੈਚ 18 ਨਵੰਬਰ ਨੂੰ ਵੇਲਿੰਗਟਨ 'ਚ ਖੇਡਿਆ ਜਾਵੇਗਾ। ਇਸ ਸੀਰੀਜ਼ ਦੀ ਸ਼ੁਰੂਆਤ ਤੋਂ ਪਹਿਲਾਂ ਭਾਰਤੀ ਟੀਮ ਦੇ ਕਪਤਾਨ ਹਾਰਦਿਕ ਪੰਡਯਾ ਅਤੇ ਨਿਊਜ਼ੀਲੈਂਡ ਟੀਮ ਦੇ ਕਪਤਾਨ ਕੇਨ ਵਿਲੀਅਮਸਨ ਨੂੰ ਵੈਲਿੰਗਟਨ ਦੀਆਂ ਸੜਕਾਂ 'ਤੇ 'ਕ੍ਰੋਕੋਡਾਇਲ ਬਾਈਕ' ਦੀ ਸਵਾਰੀ ਦਾ ਆਨੰਦ ਲੈਂਦੇ ਦੇਖਿਆ ਗਿਆ।

ਨਿਊਜ਼ੀਲੈਂਡ ਕ੍ਰਿਕਟ ਨੇ ਹਾਰਦਿਕ ਪੰਡਯਾ ਅਤੇ ਕੇਨ ਵਿਲੀਅਮਸਨ ਦਾ ਇਹ ਵੀਡੀਓ ਆਪਣੇ ਸੋਸ਼ਲ ਮੀਡੀਆ ਦੇ ਅਧਿਕਾਰਤ ਇੰਸਟਾਗ੍ਰਾਮ ਪੇਜ 'ਤੇ ਅਪਲੋਡ ਕੀਤਾ ਹੈ। ਵੀਡੀਓ 'ਚ ਦੋਹਾਂ ਨੇ ਕਾਲੇ ਚਸ਼ਮੇ ਪਾਏ ਹੋਏ ਹਨ। ਹਾਰਦਿਕ ਪੰਡਯਾ ਅਤੇ ਕੇਨ ਵਿਲੀਅਮਸਨ ਆਪਣੀ ਟੀਮ ਦੀ ਜਰਸੀ ਪਹਿਨ ਕੇ 'ਕ੍ਰੋਕੋਡਾਇਲ ਬਾਈਕ' ਦੀ ਸਵਾਰੀ ਕਰਦੇ ਨਜ਼ਰ ਆ ਰਹੇ ਹਨ।

View this post on Instagram

A post shared by BLACKCAPS (@blackcapsnz)

ਟੀ-20 ਤੋਂ ਬਾਅਦ ਦੋਵੇਂ ਟੀਮਾਂ ਵਨਡੇ ਸੀਰੀਜ਼ 'ਚ ਭਿੜਨਗੀਆਂ

ਟੀ-20 ਸੀਰੀਜ਼ ਤੋਂ ਬਾਅਦ ਦੋਵਾਂ ਟੀਮਾਂ ਵਿਚਾਲੇ 3 ਮੈਚਾਂ ਦੀ ਵਨਡੇ ਸੀਰੀਜ਼ ਖੇਡੀ ਜਾਵੇਗੀ। ਸ਼ਿਖਰ ਧਵਨ ਵਨਡੇ 'ਚ ਭਾਰਤੀ ਟੀਮ ਦੀ ਅਗਵਾਈ ਕਰਨਗੇ। ਕੀਵੀ ਟੀਮ ਦੀ ਕਪਤਾਨੀ ਕੇਨ ਵਿਲੀਅਮਸਨ ਕਰਨਗੇ। ਆਸਟ੍ਰੇਲੀਆ 'ਚ ਹਾਲ ਹੀ 'ਚ ਖਤਮ ਹੋਏ ਟੀ-20 ਵਿਸ਼ਵ ਕੱਪ 'ਚ ਨਿਊਜ਼ੀਲੈਂਡ ਦੀ ਟੀਮ ਸੈਮੀਫਾਈਨਲ 'ਚ ਪਹੁੰਚਣ 'ਚ ਸਫਲ ਰਹੀ ਸੀ। ਭਾਰਤ ਅਤੇ ਮੇਜ਼ਬਾਨ ਨਿਊਜ਼ੀਲੈਂਡ ਵਿਚਾਲੇ 18 ਤੋਂ 30 ਨਵੰਬਰ ਤੱਕ ਸੀਮਤ ਓਵਰਾਂ ਦੀ ਸੀਰੀਜ਼ ਖੇਡੀ ਜਾਵੇਗੀ, ਜਿਸ 'ਚ ਟੀ-20 ਅਤੇ ਵਨਡੇ ਸੀਰੀਜ਼ ਸ਼ਾਮਲ ਹਨ।

ਭਾਰਤ ਅਤੇ ਨਿਊਜ਼ੀਲੈਂਡ ਵਿਚਾਲੇ ਸੀਰੀਜ਼ ਦਾ ਪਹਿਲਾ ਟੀ-20 ਮੈਚ ਸ਼ੁੱਕਰਵਾਰ ਨੂੰ ਵੇਲਿੰਗਟਨ ਦੇ ਸਕਾਈ ਸਟੇਡੀਅਮ 'ਚ ਖੇਡਿਆ ਜਾਵੇਗਾ। ਦੂਜਾ ਟੀ-20 ਮੈਚ 20 ਨਵੰਬਰ ਨੂੰ ਮਾਊਂਟਮੈਨੁਗੇਈ 'ਚ ਖੇਡਿਆ ਜਾਵੇਗਾ। ਸੀਰੀਜ਼ ਦਾ ਤੀਜਾ ਅਤੇ ਆਖਰੀ ਟੀ-20 ਮੈਚ 22 ਨਵੰਬਰ ਨੂੰ ਨੇਪੀਅਰ 'ਚ ਖੇਡਿਆ ਜਾਵੇਗਾ। ਵਨਡੇ ਸੀਰੀਜ਼ 25 ਨਵੰਬਰ ਤੋਂ ਈਡਨ ਪਾਰਕ 'ਚ ਸ਼ੁਰੂ ਹੋਵੇਗੀ, ਜਦਕਿ ਦੂਜਾ ਵਨਡੇ 27 ਨਵੰਬਰ ਨੂੰ ਸਿਡਨ ਪਾਰਕ 'ਚ, ਜਦਕਿ ਤੀਜਾ ਅਤੇ ਆਖਰੀ ਵਨਡੇ 30 ਨਵੰਬਰ ਨੂੰ ਹੇਗਲੇ ਓਵਲ 'ਚ ਹੋਵੇਗਾ।