ATM ਤੋੜ ਰਹੇ ਸਨ ਲੁਟੇਰੇ, ਮੌਕੇ 'ਤੇ ਪਹੁੰਚੇ ਪੀਸੀਆਰ ਮੁਲਾਜ਼ਮਾਂ ਨੇ ਸ਼ਟਰ ਕੀਤਾ ਬੰਦ, ਵੇਖੋ ਫਿਰ ਕੀ ਹੋਇਆ...

ATM ਤੋੜ ਰਹੇ ਸਨ ਲੁਟੇਰੇ, ਮੌਕੇ 'ਤੇ ਪਹੁੰਚੇ ਪੀਸੀਆਰ ਮੁਲਾਜ਼ਮਾਂ ਨੇ ਸ਼ਟਰ ਕੀਤਾ ਬੰਦ...

  • Share this:
    ਅੰਮ੍ਰਿਤਸਰ ਦੇ ਜੰਡਿਆਲਾ ਦੀ ਗਹਿਰੀ ਮੰਡੀ ਵਿਚ ਗੈਸ ਕਟਰ ਨਾਲ ਏਟੀਐਮ ਤੋੜ ਕੇ ਪੈਸੇ ਕੱਢਣ ਦੀ ਕੋਸ਼ਿਸ਼ ਕਰ ਰਹੇ ਲੁਟੇਰਿਆਂ ਨਾਲ ਜੱਗੋਂ ਤੇਰ੍ਹਵੀਂ ਹੋਈ। ਜਦੋਂ ਇਹ ਲੁਟੇਰੇ ਏਟੀਐਮ ਨੂੰ ਤੋੜ ਰਹੇ ਸਨ ਤਾਂ ਮੌਕੇ ਉਤੇ ਪੀਸੀਆਰ ਦੇ ਮੁਲਾਜ਼ਮ ਪਹੁੰਚ ਗਏ ਤੇ ਉਨ੍ਹਾਂ ਨੇ ਸ਼ਟਰ ਬੰਦ ਕਰ ਦਿੱਤਾ।

    ਇਸ ਤੋਂ ਬਾਅਦ ਲੁਟੇਰੇ ਅੰਦਰ ਹੀ ਬੰਦ ਹੋ ਗਏ। ਕੁਝ ਸਮੇਂ ਬਾਅਦ ਮੌਕੇ ਉਤੇ ਹੋਰ ਪੁਲਿਸ ਮੁਲਾਜ਼ਮ ਪਹੁੰਚ ਗਏ। ਪੁਲਿਸ ਨੇ ਹਥਿਆਰ ਤਾਣ ਕੇ ਏਟੀਐਮ ਦਾ ਸ਼ਟਰ ਚੁੱਕਿਆ ਤੇ ਅੰਦਰ ਮੌਜੂਦ ਤਿੰਨ ਨੌਜਵਾਨਾਂ ਨੂੰ ਗ੍ਰਿਫਤਾਰ ਕਰ ਲਿਆ। ਇਨ੍ਹਾਂ ਨੇ ਏਟੀਐਮ ਦੀ ਕਾਫੀ ਤੋੜ ਫੋੜ ਕੀਤੀ ਹੋਈ ਸੀ।

    ਮੌਕੇ ਉਤੇ ਪਹੁੰਚੀ ਪੁਲਿਸ ਨੂੰ ਸ਼ੱਕ ਸੀ ਕਿ ਮੁਲਜ਼ਮਾਂ ਕੋਲ ਹਥਿਆਰ ਹੋਣਗੇ। ਇਸ ਲਈ ਪੂਰੀ ਮੁਸਤੈਦੀ ਨਾਲ ਪੁਲਿਸ ਅੰਦਰ ਦਾਖਲ ਹੋਈ ਤੇ ਲੁਟੇਰਿਆਂ ਨੂੰ ਬਾਹਰ ਖਿੱਚ ਕੇ ਲਿਆਈ। ਐਕਸਿਸ ਬੈਂਕ ਦੇ ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਮੁਲਜ਼ਮ ਪੈਸਾ ਕੱਢਣ ਵਿਚ ਤਾਂ ਨਕਾਮ ਰਹੇ ਪਰ ਏਟੀਐਮ ਦਾ ਕਾਫੀ ਨੁਕਸਾਨ ਕੀਤਾ। ਪੁਲਿਸ ਨੇ ਮਾਮਲਾ ਦਰਜ ਕਰ ਕੇ ਪੁੱਛਗਿੱਛ ਸ਼ੁਰੂ ਕਰ ਦਿੱਤੀ ਹੈ।
    Published by:Gurwinder Singh
    First published: