Home /News /uncategorized /

ਘਰ 'ਚ ਪਿਆ ਜ਼ਿਆਦਾ ਕੈਸ਼ ਬਣ ਸਕਦਾ ਹੈ ਮੁਸੀਬਤ, ਜਾਂਚ ਏਜੰਸੀ ਮੁਤਾਬਿਕ ਜਾਣੋ ਘਰ ਵਿੱਚ ਨਕਦੀ ਰੱਖਣ ਦੀ ਸੀਮਾ 

ਘਰ 'ਚ ਪਿਆ ਜ਼ਿਆਦਾ ਕੈਸ਼ ਬਣ ਸਕਦਾ ਹੈ ਮੁਸੀਬਤ, ਜਾਂਚ ਏਜੰਸੀ ਮੁਤਾਬਿਕ ਜਾਣੋ ਘਰ ਵਿੱਚ ਨਕਦੀ ਰੱਖਣ ਦੀ ਸੀਮਾ 

ਘਰ 'ਚ ਪਿਆ ਜ਼ਿਆਦਾ ਕੈਸ਼ ਬਣ ਸਕਦਾ ਹੈ ਮੁਸੀਬਤ, ਜਾਂਚ ਏਜੰਸੀ ਮੁਤਾਬਿਕ ਜਾਣੋ ਘਰ ਵਿੱਚ ਨਕਦੀ ਰੱਖਣ ਦੀ ਸੀਮਾ 

ਘਰ 'ਚ ਪਿਆ ਜ਼ਿਆਦਾ ਕੈਸ਼ ਬਣ ਸਕਦਾ ਹੈ ਮੁਸੀਬਤ, ਜਾਂਚ ਏਜੰਸੀ ਮੁਤਾਬਿਕ ਜਾਣੋ ਘਰ ਵਿੱਚ ਨਕਦੀ ਰੱਖਣ ਦੀ ਸੀਮਾ 

ਇਨਕਮ ਟੈਕਸ ਦਾ ਭੁਗਤਾਨ ਹਰ ਨੌਕਰੀ ਪੇਸ਼ਾ ਜਾਂ ਵਪਾਰੀ ਨੂੰ ਕਰਨਾ ਹੀ ਪੈਂਦਾ ਹੈ। ਪਰ ਕਈ ਵਾਰ ਇਨਕਮ ਟੈਕਸ ਭਰਨ ਦੇ ਬਾਵਜੂਦ ਵੀ ਰੇਡ ਹੋ ਸਕਦੀ ਹੈ। ਹਾਲਾਂਕਿ ਵਿਭਾਗ ਦੇ ਕਿਸੇ ਥਾਂ 'ਤੇ ਛਾਪੇਮਾਰੀ ਕਰਨ ਦੇ ਕਈ ਕਾਰਨ ਹੋ ਸਕਦੇ ਹਨ। ਹਾਲ ਹੀ ਵਿੱਚ ਇਨਕਮ ਟੈਕਸ, ਈਡੀ, ਸੀਬੀਆਈ ਵਰਗੀਆਂ ਵੱਡੀਆਂ ਜਾਂਚ ਏਜੰਸੀਆਂ ਨੇ ਕਈ ਥਾਵਾਂ 'ਤੇ ਛਾਪੇਮਾਰੀ ਕਰਕੇ ਲੋਕਾਂ ਦੇ ਘਰਾਂ ਤੋਂ ਕਰੋੜਾਂ ਰੁਪਏ ਦੀ ਨਕਦੀ ਬਰਾਮਦ ਕੀਤੀ ਹੈ।

ਹੋਰ ਪੜ੍ਹੋ ...
  • Share this:
ਇਨਕਮ ਟੈਕਸ ਦਾ ਭੁਗਤਾਨ ਹਰ ਨੌਕਰੀ ਪੇਸ਼ਾ ਜਾਂ ਵਪਾਰੀ ਨੂੰ ਕਰਨਾ ਹੀ ਪੈਂਦਾ ਹੈ। ਪਰ ਕਈ ਵਾਰ ਇਨਕਮ ਟੈਕਸ ਭਰਨ ਦੇ ਬਾਵਜੂਦ ਵੀ ਰੇਡ ਹੋ ਸਕਦੀ ਹੈ। ਹਾਲਾਂਕਿ ਵਿਭਾਗ ਦੇ ਕਿਸੇ ਥਾਂ 'ਤੇ ਛਾਪੇਮਾਰੀ ਕਰਨ ਦੇ ਕਈ ਕਾਰਨ ਹੋ ਸਕਦੇ ਹਨ। ਹਾਲ ਹੀ ਵਿੱਚ ਇਨਕਮ ਟੈਕਸ, ਈਡੀ, ਸੀਬੀਆਈ ਵਰਗੀਆਂ ਵੱਡੀਆਂ ਜਾਂਚ ਏਜੰਸੀਆਂ ਨੇ ਕਈ ਥਾਵਾਂ 'ਤੇ ਛਾਪੇਮਾਰੀ ਕਰਕੇ ਲੋਕਾਂ ਦੇ ਘਰਾਂ ਤੋਂ ਕਰੋੜਾਂ ਰੁਪਏ ਦੀ ਨਕਦੀ ਬਰਾਮਦ ਕੀਤੀ ਹੈ। ਪੱਛਮੀ ਬੰਗਾਲ ਵਿੱਚ ਇੱਕ ਵੱਡੀ ਕਾਰਵਾਈ ਕਰਦੇ ਹੋਏ, ਇਨਫੋਰਸਮੈਂਟ ਡਾਇਰੈਕਟੋਰੇਟ ਜਾਂ ਈਡੀ ਨੇ ਅਰਪਿਤਾ ਮੁਖਰਜੀ ਦੇ ਫਲੈਟ ਤੋਂ 50 ਕਰੋੜ ਰੁਪਏ ਦੀ ਨਕਦੀ ਜ਼ਬਤ ਕੀਤੀ ਹੈ। ਪਹਿਲਾਂ ਵੀ ਕਈ ਵਾਰ ਅਜਿਹੀ ਕਾਰਵਾਈ ਕੀਤੀ ਜਾ ਚੁੱਕੀ ਹੈ।

ਅਜਿਹੇ ਵਿੱਚ ਇਹ ਪਤਾ ਹੋਣਾ ਚਾਹੀਦਾ ਹੈ ਕਿ ਘਰ ਵਿੱਚ ਕਿੰਨੀ ਨਕਦੀ ਰੱਖੀ ਜਾ ਸਕਦੀ ਹੈ। ਜਿਸ ਲਈ ਤੁਸੀਂ ਸੁਰੱਖਿਅਤ ਮਹਿਸੂਸ ਕਰੋ ਅਤੇ ਜਾਂਚ ਏਜੰਸੀ ਵੱਲੋਂ ਛਾਪੇਮਾਰੀ ਦਾ ਕੋਈ ਡਰ ਨਾ ਹੋਵੇ। ਅੱਜ ਅਸੀਂ ਇਸ ਬਾਰੇ ਵਿਸਥਾਰ ਨਾਲ ਦੱਸਣ ਜਾ ਰਹੇ ਹਾਂ। ਵੈਸੇ ਤਾਂ ਇਨਕਮ ਟੈਕਸ ਵਿਭਾਗ ਦੇ ਨਿਯਮਾਂ ਮੁਤਾਬਕ ਤੁਸੀਂ ਆਪਣੇ ਘਰ 'ਚ ਜਿੰਨੀ ਮਰਜ਼ੀ ਨਕਦੀ ਰੱਖ ਸਕਦੇ ਹੋ, ਪਰ ਜੇਕਰ ਇਹ ਜਾਂਚ ਏਜੰਸੀ ਦੇ ਹੱਥ ਲੱਗ ਜਾਂਦੀ ਹੈ ਤਾਂ ਤੁਹਾਨੂੰ ਇਸ ਦਾ ਸਰੋਤ ਦੱਸਣਾ ਹੋਵੇਗਾ। ਜੇਕਰ ਤੁਸੀਂ ਉਹ ਪੈਸਾ ਜਾਇਜ਼ ਤਰੀਕੇ ਨਾਲ ਕਮਾਇਆ ਹੈ ਅਤੇ ਇਸ ਦੇ ਲਈ ਤੁਹਾਡੇ ਕੋਲ ਪੂਰੇ ਦਸਤਾਵੇਜ਼ ਹਨ ਜਾਂ ਇਨਕਮ ਟੈਕਸ ਰਿਟਰਨ ਫਾਈਲ ਕੀਤੀ ਹੈ, ਤਾਂ ਘਬਰਾਉਣ ਦੀ ਕੋਈ ਲੋੜ ਨਹੀਂ ਹੈ। ਪਰ ਜੇਕਰ ਤੁਸੀਂ ਸਰੋਤ ਦੱਸਣ ਵਿੱਚ ਅਸਮਰੱਥ ਹੋ, ਤਾਂ ਏਜੰਸੀ ਆਪਣੀ ਕਾਰਵਾਈ ਕਰੇਗੀ।

ਕੁਝ ਮਹੱਤਵਪੂਰਨ ਜਾਣਕਾਰੀ-

1. ਸੀਬੀਡੀਟੀ (CBDT)ਦੇ ਅਨੁਸਾਰ, ਇੱਕ ਵਾਰ ਵਿੱਚ 50,000 ਰੁਪਏ ਤੋਂ ਵੱਧ ਦੀ ਨਕਦੀ ਜਮ੍ਹਾ ਕਰਨ ਜਾਂ ਕਢਵਾਉਣ ਲਈ ਪੈਨ ਨੰਬਰ ਦੇਣਾ ਜ਼ਰੂਰੀ ਹੈ।
2. ਘਰ 'ਚ ਰੱਖੇ ਪੈਸੇ ਦੇ ਸਰੋਤ ਦਾ ਖੁਲਾਸਾ ਕਰਨ 'ਚ ਅਸਫਲ ਰਹਿਣ 'ਤੇ 137 ਫੀਸਦੀ ਤੱਕ ਦਾ ਜੁਰਮਾਨਾ ਹੋ ਸਕਦਾ ਹੈ।
3. ਇੱਕ ਵਿੱਤੀ ਸਾਲ ਵਿੱਚ ਨਕਦੀ ਵਿੱਚ 20 ਲੱਖ ਰੁਪਏ ਤੋਂ ਵੱਧ ਦੇ ਲੈਣ-ਦੇਣ ਉੱਤੇ ਜੁਰਮਾਨਾ ਲੱਗ ਸਕਦਾ ਹੈ।
4. 2 ਲੱਖ ਰੁਪਏ ਤੋਂ ਵੱਧ ਦੀ ਨਕਦੀ ਵਿੱਚ ਖਰੀਦਦਾਰੀ ਨਹੀਂ ਕੀਤੀ ਜਾ ਸਕਦੀ।
5. 2 ਲੱਖ ਰੁਪਏ ਤੋਂ ਵੱਧ ਦੀ ਨਕਦੀ ਵਿੱਚ ਖਰੀਦਦਾਰੀ ਕਰਨ ਲਈ, ਪੈਨ ਅਤੇ ਆਧਾਰ ਕਾਰਡ ਦੀ ਕਾਪੀ ਦੇਣੀ ਹੋਵੇਗੀ।
6. ਕੋਈ ਵੀ ਵਿਅਕਤੀ ਕਿਸੇ ਹੋਰ ਵਿਅਕਤੀ ਤੋਂ 20 ਹਜ਼ਾਰ ਤੋਂ ਵੱਧ ਦਾ ਕਰਜ਼ਾ ਨਕਦ ਨਹੀਂ ਲੈ ਸਕਦਾ।
7. ਬੈਂਕ ਤੋਂ 2 ਕਰੋੜ ਰੁਪਏ ਤੋਂ ਵੱਧ ਦੀ ਨਕਦੀ ਕਢਵਾਉਣ 'ਤੇ ਟੀਡੀਐਸ ਲਗਾਇਆ ਜਾਵੇਗਾ।
8. ਕੋਈ ਵਿਅਕਤੀ 30 ਲੱਖ ਰੁਪਏ ਤੋਂ ਵੱਧ ਦੀ ਨਕਦ ਜਾਇਦਾਦ ਦੀ ਖਰੀਦ-ਵੇਚ ਦੇ ਮਾਮਲੇ 'ਚ ਜਾਂਚ ਏਜੰਸੀ ਦੇ ਰਾਡਾਰ 'ਤੇ ਆ ਸਕਦਾ ਹੈ।
9. ਜੇਕਰ ਕੋਈ ਵਿਅਕਤੀ ਇੱਕ ਸਾਲ 'ਚ 20 ਲੱਖ ਰੁਪਏ ਨਕਦ ਜਮ੍ਹਾ ਕਰਦਾ ਹੈ ਤਾਂ ਉਸ ਨੂੰ ਪੈਨ ਅਤੇ ਆਧਾਰ ਦਾ ਵੇਰਵਾ ਦੇਣਾ ਹੋਵੇਗਾ।
10. ਪੈਨ ਅਤੇ ਆਧਾਰ ਵੇਰਵੇ ਦੇਣ ਵਿੱਚ ਅਸਫਲ ਰਹਿਣ 'ਤੇ 20 ਲੱਖ ਰੁਪਏ ਤੱਕ ਦਾ ਜੁਰਮਾਨਾ ਹੋ ਸਕਦਾ ਹੈ।
11. ਕ੍ਰੈਡਿਟ-ਡੈਬਿਟ ਕਾਰਡ ਦੇ ਭੁਗਤਾਨ ਦੌਰਾਨ ਜੇਕਰ ਕੋਈ ਵਿਅਕਤੀ ਇੱਕ ਵਾਰ 'ਚ ਇੱਕ ਲੱਖ ਰੁਪਏ ਤੋਂ ਜ਼ਿਆਦਾ ਦਾ ਭੁਗਤਾਨ ਕਰਦਾ ਹੈ ਤਾਂ ਉਸ ਦੀ ਜਾਂਚ ਹੋ ਸਕਦੀ ਹੈ।
12. ਰਿਸ਼ਤੇਦਾਰਾਂ ਤੋਂ ਇੱਕ ਦਿਨ ਵਿੱਚ 2 ਲੱਖ ਰੁਪਏ ਤੋਂ ਵੱਧ ਦੀ ਨਕਦੀ ਨਹੀਂ ਲਈ ਜਾ ਸਕਦੀ। ਇਹ ਬੈਂਕ ਰਾਹੀਂ ਭੁਗਤਾਨ ਕੀਤਾ ਜਾਣਾ ਚਾਹੀਦਾ ਹੈ।
13. ਨਕਦ ਦਾਨ ਕਰਨ ਦੀ ਸੀਮਾ 2,000 ਰੁਪਏ ਤੱਕ ਰੱਖੀ ਗਈ ਹੈ।
Published by:Drishti Gupta
First published:

Tags: Cash, Home, Income tax

ਅਗਲੀ ਖਬਰ