ਇਸ ਸ਼ਖਸ ਲਈ ਕੋਰੋਨਾ ਮਹਾਮਾਰੀ ਬਣੀ ਵਰਦਾਨ, ਕੁਝ ਮਿੰਟਾਂ 'ਚ ਕਮਾਏ 29 ਹਜ਼ਾਰ ਕਰੋੜ ਰੁਪਏ

ਵਰਚੁਅਲ ਮੀਟਿੰਗਾਂ ਦੀ ਸਹੂਲਤ ਦੇਣ ਵਾਲੀ ਕੰਪਨੀ Zoom ਦੇ ਸੀਈਓ ਏਰਿਕ ਯੂਆਨ। ਕੋਰੋਨਾ ਵਾਇਰਸ ਕਾਰਨ ਜਾਰੀ ਪਾਬੰਦੀਆਂ ਤੋਂ ਬਾਅਦ ਕੰਪਨੀ ਦੇ ਮੁਨਾਫੇ ਵਿਚ ਜੂਨ ਤਿਮਾਹੀ ਕਾਰਨ ਆਏ ਉਛਾਲ ਕਾਰਨ ਕੰਪਨੀ ਦੇ ਸੀਈਓ ਏਰਿਕ ਦੀ ਜਾਇਦਾਦ ਸਿਰਫ ਕੁਝ ਘੰਟਿਆਂ ਵਿੱਚ 400 ਮਿਲੀਅਨ ਡਾਲਰ ਵੱਧ ਗਈ ਜੋ ਕਿ ਭਾਰਤੀ ਰਕਮ ਵਿੱਚ 29 ਹਜ਼ਾਰ ਕਰੋੜ ਰੁਪਏ ਦੇ ਬਰਾਬਰ ਹੈ।

ਐਰਿਕ ਦੀ ਦੌਲਤ ਵਿਚ ਇਹ ਵਾਧਾ ਤਿਮਾਹੀ ਨਤੀਜੇ ਤੋਂ ਬਾਅਦ ਕੰਪਨੀ ਦੇ ਸਟਾਕ ਵਿਚ ਹੋਏ ਵਾਧੇ ਕਾਰਨ ਦੇਖਿਆ ਗਿਆ ਹੈ। ਸੋਮਵਾਰ ਨੂੰ ਹੀ ਕੰਪਨੀ ਨੇ ਐਲਾਨ ਕੀਤਾ ਸੀ ਕਿ ਇਸ ਦੀ ਵਿਕਰੀ ਤਿਮਾਹੀ ਦੇ ਦੌਰਾਨ 355 ਪ੍ਰਤੀਸ਼ਤ ਵਧ ਕੇ 63 ਕਰੋੜ ਡਾਲਰ ਹੋ ਗਈ ਹੈ। ਇਸ ਦੇ ਨਾਲ ਹੀ ਕੰਪਨੀ ਨੇ ਅਨੁਮਾਨ ਲਾਇਆ ਹੈ ਕਿ ਇਕ ਸਾਲ ਵਿਚ ਉਸਦੀ ਆਮਦਨ 239 ਕਰੋੜ ਰੁਪਏ ਦੇ ਪੱਧਰ ‘ਤੇ ਪਹੁੰਚ ਸਕਦੀ ਹੈ।

ਖ਼ਬਰ ਤੋਂ ਬਾਅਦ ਕੰਪਨੀ ਦੇ ਸ਼ੇਅਰਾਂ ਵਿਚ ਤੇਜ਼ੀ ਦੇਖਣ ਨੂੰ ਮਿਲੀ ਅਤੇ ਸਟਾਕ ਲਗਭਗ 26 ਪ੍ਰਤੀਸ਼ਤ ਵੱਧ ਕੇ 410 ਡਾਲਰ ਦੇ ਪੱਧਰ 'ਤੇ ਪਹੁੰਚ ਗਿਆ। ਇਸ ਤੇਜ਼ੀ ਦੀ ਮਦਦ ਨਾਲ ਕੈਲੀਫੋਰਨੀਆ ਅਧਾਰਤ ਕੰਪਨੀ ਦੇ ਸੰਸਥਾਪਕ ਅਤੇ ਸੀਈਓ ਏਰਿਕ ਨੇ 4 ਬਿਲੀਅਨ ਡਾਲਰ ਇਕੱਠੇ ਕੀਤੇ। ਇਸ ਦੇ ਨਾਲ ਹੀ ਹੁਣ ਤੱਕ ਜ਼ੂਮ ਦੇ ਸੀਈਓ ਦੀ ਕੁਲ ਦੌਲਤ 12.8 ਬਿਲੀਅਨ ਡਾਲਰ ਵਧ ਚੁੱਕੀ ਹੈ।

ਤਕਨੀਕੀ ਸੈਕਟਰ ਦੀਆਂ ਕੰਪਨੀਆਂ ਦੀ ਕੋਰੋਨਾ ਵਾਇਰਸ ਕਾਰਨ ਪਾਬੰਦੀਆਂ ਤੋਂ ਬਾਅਦ ਆਮਦਨੀ ਵਿੱਚ ਤੇਜ਼ੀ ਵੇਖੀ ਹੈ। ਵਿਸ਼ੇਸ਼ ਤੌਰ 'ਤੇ ਅਜਿਹੀਆਂ ਕੰਪਨੀਆਂ ਦੀ ਵਿਕਰੀ ਵਿਚ ਉਛਾਲ ਆਇਆ ਹੈ ਜੋ ਸਮਾਜਕ ਦੂਰੀਆਂ ਨਾਲ ਕਾਰੋਬਾਰਾਂ ਦੀਆਂ ਜ਼ਰੂਰਤਾਂ ਨੂੰ ਪੂਰਾ ਕਰਨ ਲਈ ਹੱਲ ਪੇਸ਼ ਕਰ ਰਹੀਆਂ ਹਨ।