BB14: ਨਿੱਕੀ ਤੰਬੋਲੀ ਨੂੰ ਸਬਕ ਸਿਖਾਉਣ ਲਈ ਸਲਮਾਨ ਨੇ ਘਰ 'ਚ ਆਕੇ ਸਾਫ ਕੀਤਾ ਰਾਖੀ ਸਾਵੰਤ ਦਾ ਬਿਸਤਰਾ

ਮੁੰਬਈ- ਬਿੱਗ ਬੌਸ 14 ਵਿੱਚ ਸਲਮਾਨ ਖਾਨ ਇਸ ਸ਼ਨੀਵਾਰ ਨੂੰ ਘਰਵਾਲਿਆਂ ਦੀ ਕਲਾਸ ਲੈਣ ਜਾ ਰਹੇ ਹਨ। ਸਲਮਾਨ ਖਾਨ ਹਰ ਵੀਕੈਂਡ ਉਤੇ ਪ੍ਰਤੀਭਾਗੀਆਂ ਨੂੰ ਉਨ੍ਹਾਂ ਦੀਆਂ ਗਲਤੀਆਂ ਲਈ ਝਿੜਕਦੇ ਅਤੇ ਉਨ੍ਹਾਂ ਦੀ ਚੰਗਿਆਈ ਬਾਰੇ ਦੱਸਦੇ ਹਨ। ਇਸ ਵੀਕੈਂਡ ਉਤੇ ਸਲਮਾਨ, ਰਾਖੀ ਸਾਵੰਤ ਅਤੇ ਨਿੱਕੀ ਤੰਬੋਲੀ ਨੂੰ ਝਿੜਕਦਿਆਂ ਘਰ ਵਿਚ ਦਾਖਲ ਹੋਣਗੇ ਅਤੇ ਰਾਖੀ ਦੇ ਬਿਸਤਰੇ ਨੂੰ ਠੀਕ ਕਰਕੇ ਘਰਵਾਲਿਆਂ ਨੂੰ ਸਬਕ ਸਿਖਾਉਣਗੇ। (ਫੋਟੋ - ਵੀਡੀਓ ਗਰੈਬ@colorstv/Instagram)

ਐਤਵਾਰ (10 ਜਨਵਰੀ) ਨੂੰ ਵੀਕੈਂਡ ਕਾ ਵਾਰ ਦੇ ਐਪੀਸੋਡ ਵਿਚ ਰਾਖੀ ਸਾਵੰਤ ਅਤੇ ਨਿੱਕੀ ਤੰਬੋਲੀ ਵਿਚਾਲੇ ਲੜਾਈ ਦਾ ਮੁੱਦਾ ਸਾਹਮਣੇ ਆਉਣ ਵਾਲਾ ਹੈ। ਕਲਰਸ ਨੇ ਆਪਣੇ ਇੰਸਟਾਗ੍ਰਾਮ ਅਕਾਊਂਟ 'ਤੇ ਇਕ ਪ੍ਰੋਮੋ ਸਾਂਝਾ ਕੀਤਾ, ਜਿਸ 'ਚ ਸਲਮਾਨ ਘਰ 'ਚ ਐਂਟਰੀ ਲੈਂਦੇ ਦਿਖਾਈ ਦਿੱਤੇ ਹਨ। (ਫੋਟੋ - ਵੀਡਿਓ ਗ੍ਰੈਬ/@colorstv/Instagram)

ਘਰ ਆਉਣ ਤੋਂ ਬਾਅਦ ਉਹ ਰਾਖੀ ਸਾਵੰਤ ਦੇ ਬਿਸਤਰੇ ਠੀਕ ਕਰ ਰਹੇ ਹਨ। ਸਲਮਾਨ ਖਾਨ ਨੂੰ ਘਰ ਦੇ ਅੰਦਰ ਦੇਖ ਕੇ ਸਾਰੇ ਮੁਕਾਬਲੇਬਾਜ਼ ਹੈਰਾਨ ਹਨ। ਚੈਨਲ ਨੇ ਇਸ ਪ੍ਰੋਮੋ ਨੂੰ ਆਪਣੇ ਇੰਸਟਾਗ੍ਰਾਮ ਅਕਾਊਂਟ 'ਤੇ ਸ਼ੇਅਰ ਕੀਤਾ ਹੈ। (ਫੋਟੋ - ਵੀਡਿਓ ਗ੍ਰੈਬ/@colorstv/Instagram)

ਦਰਅਸਲ, ਬੀਤੇ ਹਫਤੇ ਨਿੱਕੀ ਨੇ ਰਾਖੀ ਦੇ ਬਿਸਤਰੇ ਨੂੰ ਸਾਫ ਕਰਨ ਤੋਂ ਇਨਕਾਰ ਕਰ ਦਿੱਤਾ ਸੀ, ਜਦਕਿ ਰਾਖੀ ਨੇ ਕਿਹਾ ਸੀ ਕਿ ਇਹ ਨਿੱਕੀ ਦਾ ਕੰਮ ਹੈ, ਉਹ ਅਜਿਹਾ ਨਹੀਂ ਕਰੇਗੀ। ਇਸ ਮਾਮਲੇ ਨੂੰ ਲੈ ਕੇ ਦੋਵਾਂ ਵਿਚਕਾਰ ਕਈ ਵਾਰ ਬਹਿਸ ਵੀ ਹੋਈ। (ਫੋਟੋ - ਵੀਡਿਓ ਗ੍ਰੈਬ/@colorstv/Instagram)

ਤੁਹਾਨੂੰ ਦੱਸ ਦੇਈਏ ਕਿ ਇਸ ਹਫਤੇ ਚਾਰ ਮੁਕਾਬਲੇਬਾਜ਼ ਰੁਬੀਨਾ ਦਿਲੈਕ, ਅਭਿਨਵ ਸ਼ੁਕਲਾ, ਅਲੀ ਗੋਨੀ ਅਤੇ ਜੈਸਮੀਨ ਭਸੀਨ ਬੇਘਰ ਹੋਣ ਲਈ ਨਾਮਜ਼ਦ ਹਨ। ਖਬਰਾਂ ਅਨੁਸਾਰ ਇਸ ਹਫਤੇ ਘਰ ਤੋਂ ਜੈਸਮੀਨ ਦਾ ਸਫਰ ਖ਼ਤਮ ਹੋ ਜਾਵੇਗਾ।