Gangubai Kathiawadi: ਗੰਗੂਬਾਈ ਕਾਠੀਆਵਾੜੀ ਲਈ Alia-Ajay ਨੇ ਵਸੂਲੀ ਮੋਟੀ ਰਕਮ, ਜਾਣੋ ਬਾਕੀ ਕਲਾਕਾਰਾਂ ਦੀ ਫੀਸ

ਗੰਗੂਬਾਈ ਕਾਠੀਆਵਾੜੀ (Gangubai Kathiawadi) ਸਿਨੇਮਾਘਰਾਂ 'ਚ ਰਿਲੀਜ਼ ਹੋ ਚੁੱਕੀ ਹੈ। ਫਿਲਮ ਨੂੰ ਲੈ ਕੇ ਪ੍ਰਸ਼ੰਸਕ ਲੰਬੇ ਸਮੇਂ ਤੋਂ ਇੰਤਜ਼ਾਰ ਕਰ ਰਹੇ ਸੀ। ਇਹ ਫਿਲਮ ਮੁੰਬਈ ਦੀ ਮਾਫੀਆ ਕੁਈਨ ਦੀ ਜ਼ਿੰਦਗੀ 'ਤੇ ਆਧਾਰਿਤ ਹੈ। ਇਸ ਫਿਲਮ 'ਚ ਆਲੀਆ ਭੱਟ ਮੁੱਖ ਭੂਮਿਕਾ 'ਚ ਹੈ। ਟ੍ਰੇਲਰ ਦੇ ਬਾਅਦ ਤੋਂ ਹੀ ਪ੍ਰਸ਼ੰਸਕ ਇਸ ਫਿਲਮ ਦਾ ਬੇਸਬਰੀ ਨਾਲ ਇੰਤਜ਼ਾਰ ਕਰ ਰਹੇ ਸਨ। ਫਿਲਮ 'ਚ ਆਲੀਆ ਭੱਟ, ਅਜੇ ਦੇਵਗਨ ਦੇ ਨਾਲ ਸੀਮਾ ਪਾਹਵਾ, ਹੁਮਾ ਕੁਰੈਸ਼ੀ, ਸ਼ਾਂਤਨੂ ਮਹੇਸ਼ਵਰੀ, ਵਿਜੇ ਰਾਜ ਨਜ਼ਰ ਆ ਰਹੇ ਹਨ, ਜਿਨ੍ਹਾਂ ਦੀ ਫਿਲਮ 'ਚ ਅਦਾਕਾਰੀ ਦੀ ਖੂਬ ਚਰਚਾ ਹੋ ਰਹੀ ਹੈ।

ਫਿਲਮ ਬਣਾਉਣ 'ਚ ਸੰਜੇ ਲੀਲਾ ਭੰਸਾਲੀ (Sanjay Leela Bhansali) ਨੇ ਕਰੋੜਾਂ ਰੁਪਏ ਦਾ ਨਿਵੇਸ਼ ਕੀਤਾ ਹੈ। ਪਰ ਕੀ ਤੁਸੀਂ ਜਾਣਦੇ ਹੋ ਕਿ ਫਿਲਮ ਨੂੰ ਸੁਪਰਹਿੱਟ ਬਣਾਉਣ ਲਈ ਇਸ ਦੀ ਸਟਾਰ ਕਾਸਟ ਨੇ ਕਿੰਨੀ ਰਕਮ ਵਸੂਲ ਕੀਤੀ ਹੈ। ਬਾਲੀਵੁੱਡ ਲਾਈਫ ਦੀ ਰਿਪੋਰਟ ਮੁਤਾਬਕ ਇਸ ਦੇ ਲਈ ਹਰ ਸਿਤਾਰੇ ਨੇ ਲੱਖਾਂ-ਕਰੋੜਾਂ ਰੁਪਏ ਚਾਰਜ ਕੀਤੇ ਹਨ।

ਆਲੀਆ ਭੱਟ ਨੇ (Alia Bhatt) ਪਹਿਲੀ ਵਾਰ ਗੰਗੂਬਾਈ ਕਾਠੀਆਵਾੜੀ ਦੇ ਜ਼ਰਿਏ ਸੰਜੇ ਲੀਲਾ ਭੰਸਾਲੀ ਨਾਲ ਕੰਮ ਕੀਤਾ ਹੈ। ਆਲੀਆ ਨੇ ਪਹਿਲਾਂ ਦੱਸਿਆ ਸੀ ਕਿ ਉਹ 9 ਸਾਲ ਦੀ ਉਮਰ ਤੋਂ ਹੀ ਸੰਜੇ ਸਾਹਿਬ ਨਾਲ ਕੰਮ ਕਰਨਾ ਚਾਹੁੰਦੀ ਸੀ ਪਰ ਫਿਰ ਇਹ ਇੱਛਾ ਪੂਰੀ ਨਹੀਂ ਹੋ ਸਕੀ। ਫਿਲਮ 'ਚ ਆਲੀਆ ਇਕ ਦਮਦਾਰ ਕਿਰਦਾਰ 'ਚ ਹੈ। ਖਬਰਾਂ ਮੁਤਾਬਕ ਇਸ ਕਿਰਦਾਰ ਲਈ ਉਸ ਨੇ 20 ਕਰੋੜ ਰੁਪਏ ਦੀ ਮੋਟੀ ਫੀਸ ਲਈ ਹੈ।

ਫਿਲਮ 'ਚ ਆਲੀਆ ਭੱਟ ਤੋਂ ਬਾਅਦ ਅਜੇ ਦੇਵਗਨ ਦਾ ਵੱਡਾ ਨਾਂ ਹੈ। ਫਿਲਮ 'ਚ ਉਹ ਕਰੀਮ ਲਾਲਾ ਦਾ ਕਿਰਦਾਰ ਨਿਭਾਉਂਦੇ ਨਜ਼ਰ ਆ ਰਹੇ ਹਨ। ਉਨ੍ਹਾਂ ਨੇ ਕੈਮਿਓ ਰੋਲ ਲਈ 11 ਕਰੋੜ ਰੁਪਏ ਲਏ ਹਨ।

ਵਿਜੇ ਰਾਜ ਟਰਾਂਸਜੈਂਡਰ ਦੀ ਭੂਮਿਕਾ 'ਚ ਨਜ਼ਰ ਆਉਣ ਵਾਲੇ ਹਨ। ਫਿਲਮ ਦੇ ਟ੍ਰੇਲਰ 'ਚ ਆਪਣੀ ਜ਼ਬਰਦਸਤ ਝਲਕ ਦੇਖ ਕੇ ਉਹ ਕਾਫੀ ਚਰਚਾ 'ਚ ਰਹੇ ਸੀ। ਕੁਝ ਲੋਕਾਂ ਨੇ ਉਸ ਦੇ ਕਿਰਦਾਰ 'ਤੇ ਸਵਾਲ ਵੀ ਉਠਾਏ ਪਰ ਵਿਜੇ ਨੂੰ ਇਸ ਕਿਰਦਾਰ ਤੋਂ ਕਾਫੀ ਉਮੀਦਾਂ ਹਨ। ਸੰਜੇ ਲੀਲਾ ਭੰਸਾਲੀ ਨੇ ਵਿਜੇ ਨੂੰ ਇਸ ਕਿਰਦਾਰ ਲਈ 1.5 ਕਰੋੜ ਰੁਪਏ ਫੀਸ ਵਜੋਂ ਦਿੱਤੇ ਹਨ।

ਇਸ ਫਿਲਮ 'ਚ ਹੁਮਾ ਕੁਰੈਸ਼ੀ ਵੀ ਨਜ਼ਰ ਆਉਣ ਵਾਲੀ ਹੈ। ਫਿਲਮ 'ਚ ਉਨ੍ਹਾਂ ਦਾ ਕਿਰਦਾਰ ਦਿਲਰੁਬਾ ਦਾ ਹੈ। ਹੁਮਾ ਨੇ ਇਸ ਕਿਰਦਾਰ ਲਈ 2 ਕਰੋੜ ਰੁਪਏ ਫੀਸ ਲਈ ਹੈ।

ਛੋਟੇ ਪਰਦੇ 'ਤੇ ਆਪਣੇ ਡਾਂਸ ਦੇ ਜੌਹਰ ਦਿਖਾਉਣ ਵਾਲੇ ਸ਼ਾਂਤਨੂ ਮਹੇਸ਼ਵਰੀ ਹੁਣ ਵੱਡੇ ਪਰਦੇ 'ਤੇ ਅਦਾਕਾਰੀ ਕਰਦੇ ਨਜ਼ਰ ਆਉਣਗੇ। ਇਸ ਫਿਲਮ 'ਚ ਉਨ੍ਹਾਂ ਦੀ ਇਕ ਝਲਕ ਨੇ ਖੂਬ ਚਰਚਾ ਬਟੋਰੀ। ਮੀਡੀਆ ਰਿਪੋਰਟ ਮੁਤਾਬਕ ਉਨ੍ਹਾਂ ਨੇ ਇਸ ਫਿਲਮ ਲਈ 50 ਲੱਖ ਰੁਪਏ ਫੀਸ ਲਈ ਹੈ।

ਇਸ ਫਿਲਮ 'ਚ ਮਸ਼ਹੂਰ ਅਦਾਕਾਰਾ ਸੀਮਾ ਪਾਹਵਾ ਨੇ ਦਮਦਾਰ ਕਿਰਦਾਰ ਨਿਭਾਇਆ ਹੈ। ਮੀਡੀਆ ਰਿਪੋਰਟ ਮੁਤਾਬਕ ਉਨ੍ਹਾਂ ਨੇ ਇਸ ਫਿਲਮ ਲਈ 20 ਲੱਖ ਰੁਪਏ ਚਾਰਜ ਕੀਤੇ ਹਨ।

ਤਾਰਿਕ ਅਹਿਮਦ ਖਾਨ ਫਿਲਮ 'ਚ ਰਹਿਮਾਨ ਦਾ ਕਿਰਦਾਰ ਨਿਭਾਉਂਦੇ ਨਜ਼ਰ ਆ ਰਹੇ ਹਨ। ਇਸ ਦੇ ਲਈ ਉਸ ਨੇ 15 ਲੱਖ ਰੁਪਏ ਤੱਕ ਦੀ ਫੀਸ ਲਈ ਹੈ।