Koffee With Karan: ਆਲੀਆ ਭੱਟ ਦੀ ਵਿਆਹ ਤੋਂ ਬਾਅਦ ਕਿਵੇਂ ਬਦਲੀ ਜ਼ਿੰਦਗੀ, ਸ਼ੋਅ 'ਚ ਖੋਲ੍ਹੇ ਰਾਜ

Koffee With Karan: ਮਸ਼ਹੂਰ ਅਦਾਕਾਰਾ ਆਲੀਆ ਭੱਟ(Alia Bhatt) ਕਰਨ ਜੌਹਰ ਦੇ ਚੈਟ ਸ਼ੋਅ ਕੌਫੀ ਵਿਦ ਕਰਨ ( Karan Johar’s chat show Koffee with Karan) ਦੇ ਪ੍ਰੀਮੀਅਰ ਐਪੀਸੋਡ 'ਤੇ ਨਜ਼ਰ ਆਈ। ਅਪ੍ਰੈਲ ਵਿੱਚ ਅਭਿਨੇਤਾ ਰਣਬੀਰ ਕਪੂਰ(Ranbir Kapoor) ਨਾਲ ਵਿਆਹ ਕਰਨ ਤੋਂ ਬਾਅਦ ਇਹ ਆਲੀਆ ਦਾ ਪਹਿਲਾ ਇੰਟਰਵਿਊ ਸੀ ਅਤੇ ਅਦਾਕਾਰ ਨੇ ਸ਼ੋਅ 'ਚ ਸਾਂਝਾ ਕੀਤਾ ਕਿ ਕਪੂਰ ਪਰਿਵਾਰ ਵਿੱਚ ਸ਼ਾਮਲ ਹੋਣ ਤੋਂ ਬਾਅਦ ਉਨ੍ਹਾਂ ਦੀ ਜ਼ਿੰਦਗੀ ਕਿਵੇਂ ਬਦਲ ਗਈ ਹੈ। (ਸੰਕੇਤਕ ਫੋਟੋ)

ਆਲੀਆ ਨੇ ਸ਼ੋਅ 'ਤੇ ਸਾਂਝਾ ਕੀਤਾ ਕਿ ਉਹ ਵੱਡੇ ਕਪੂਰ ਪਰਿਵਾਰ ਵਿੱਚ ਸ਼ਾਮਲ ਹੋਣ ਤੋਂ ਪਹਿਲਾਂ, ਪਿਤਾ ਮਹੇਸ਼ ਭੱਟ, ਮਾਂ ਸੋਨੀ ਰਾਜ਼ਦਾਨ ਅਤੇ ਭੈਣ ਸ਼ਾਹੀਨ ਭੱਟ ਨਾਲ ਇੱਕ ਛੋਟੇ ਜਹੇ ਪਰਿਵਾਰ 'ਚ ਰਹਿਦੀ ਸੀ। ਅਦਾਕਾਰਾ ਨੇ ਕਿਹਾ, "ਮੇਰਾ ਪਾਲਣ ਪੋਸ਼ਣ ਮੇਰੇ, ਮੇਰੀ ਮਾਂ, ਮੇਰੀ ਭੈਣ ਅਤੇ ਮੇਰੇ ਪਿਤਾ ਦੇ ਵਿਚਕਾਰ ਹੋਇਆ ਹੈ। ਸਾਡੀ ਗੱਲਬਾਤ ਬਹੁਤ ਸੀਮਤ ਸੀ। ਅਸੀਂ ਇੱਕ ਬਹੁਤ ਨਜ਼ਦੀਕੀ ਸੀ, ਪਰ ਅਸੀਂ ਇੱਕ ਵੱਡਾ ਪਰਿਵਾਰ ਨਹੀਂ ਸੀ। (instagram- alia bhatt)

ਹਮ ਸਾਥ ਸਾਥ ਹੈ ਦੇ ਇੱਕ ਸੀਨ ਵਰਗੀ ਆਵਾਜ਼ ਵਿੱਚ, ਆਲੀਆ ਨੇ ਆਪਣੇ ਨਵੇਂ ਪਰਿਵਾਰ ਵਿੱਚ ਸੀਨ ਦਾ ਵਰਣਨ ਕੀਤਾ ਅਤੇ ਕਿਹਾ, “ਕਪੂਰ ਪਰਿਵਾਰ ਵਿੱਚ ਹਰ ਕੋਈ ਮਿਲ ਕੇ ਸਭ ਕੁਝ ਕਰਦਾ ਹੈ। ਅਸੀਂ ਇਕੱਠੇ ਖਾਂਦੇ ਹਾਂ , ਇਕੱਠੇ ਆਰਤੀ ਕਰਦੇ ਹਾਂ , ਸਭ ਕੁਝ ਇਕੱਠੇ ਹੁੰਦਾ ਹੈ। ਆਲੀਆ ਨੇ ਕਪੂਰ ਪਰਿਵਾਰ ਨੂੰ "ਸੰਸਕ੍ਰਿਤੀ ਅਤੇ ਪਰਿਵਾਰ ਦੇ ਕਈ ਪਲਾਂ" ਨਾਲ ਜਾਣ-ਪਛਾਣ ਦਾ ਸਿਹਰਾ ਦਿੱਤਾ ਅਤੇ ਸਾਂਝਾ ਕੀਤਾ ਕਿ ਇੰਨੇ "ਮੇਰੀ ਜ਼ਿੰਦਗੀ ਵਿੱਚ ਇੱਕ ਬਿਲਕੁਲ ਨਵੀਂ ਪਰਤ" ਦਿੱਤੀ ਹੈ।

ਅਪ੍ਰੈਲ 'ਚ ਵਿਆਹ ਕਰਨ ਤੋਂ ਪਹਿਲਾਂ ਆਲੀਆ ਅਤੇ ਰਣਬੀਰ ਨੇ ਕਰੀਬ ਪੰਜ ਸਾਲ ਤੱਕ ਡੇਟ ਕੀਤਾ ਸੀ। ਜੂਨ ਵਿੱਚ, ਉਨ੍ਹਾਂ ਨੇ ਆਲੀਆ ਦੇ ਸੋਸ਼ਲ ਮੀਡੀਆ ਰਾਹੀਂ ਆਪਣੀ ਗਰਭ ਅਵਸਥਾ ਦੀ ਘੋਸ਼ਣਾ ਕੀਤੀ। ਆਲੀਆ ਨੇ ਇੱਕ ਕੈਪਸ਼ਨ ਵਿੱਚ ਸ਼ੇਅਰ ਕੀਤਾ, “ਸਾਡਾ ਬੇਬੀ….. ਜਲਦੀ ਆ ਰਿਹਾ ਹੈ ♾❤️✨” ਅਲਟਰਾਸਾਊਂਡ ਸਕ੍ਰੀਨ ਦੇ ਨਾਲ ਹਸਪਤਾਲ ਦੀ ਇੱਕ ਫੋਟੋ, ਜਿਸ ਨੂੰ ਦਿਲ ਦੇ ਇਮੋਜੀ ਨਾਲ ਕਵਰ ਕੀਤਾ ਗਿਆ ਸੀ।

ਦੱਸ ਦਈਏ ਕਿ ਅਦਾਕਾਰਾ ਵਰਤਮਾਨ ਵਿੱਚ ਯੂਕੇ ਵਿੱਚ ਆਪਣੀ ਪਹਿਲੀ ਹਾਲੀਵੁੱਡ ਫਿਲਮ ਹਾਰਟ ਆਫ ਸਟੋਨ (Heart of Stone) ਦੀ ਸ਼ੂਟਿੰਗ ਕਰ ਰਹੀ ਹੈ, ਜਿੱਥੇ ਉਹ ਗਾਲ ਗਡੋਟ ਅਤੇ ਜੈਮੀ ਡੋਰਨਨ (Gal Gadot and Jamie Dornan) ਦੇ ਨਾਲ ਕੰਮ ਕਰਦੀ ਹੈ। ਇਸ ਤੋਂ ਇਲਾਵਾ, ਆਲੀਆ ਅਯਾਨ ਮੁਖਰਜੀ (Ayan Mukerji) ਦੀ 'ਬ੍ਰਹਮਾਸਤਰ'(Brahmastra) ਅਤੇ ਉਸ ਦੀ ਪਹਿਲੀ ਹੋਮ ਪ੍ਰੋਡਕਸ਼ਨ ਡਾਰਲਿੰਗਸ(Darlings) ਦੀ ਰਿਲੀਜ਼ ਦੀ ਉਡੀਕ ਕਰ ਰਹੀ ਹੈ। ਉਹ ਰਣਵੀਰ ਸਿੰਘ(Ranveer Singh) ਨਾਲ ਕਰਨ ਜੌਹਰ(Karan Johar) ਦੀ ਰੌਕੀ ਔਰ ਰਾਣੀ ਕੀ ਪ੍ਰੇਮ ਕਹਾਣੀ(Rocky Aur Rani Ki Prem Kahani) ਵਿੱਚ ਵੀ ਨਜ਼ਰ ਆਵੇਗੀ।