Jass Manak: ਜੱਸ ਮਾਣਕ ਨੂੰ ਮਿਲ ਚੁੱਕਾ ਹੈ ਉਨ੍ਹਾਂ ਦਾ ਪਿਆਰ, ਜਾਣੋ ਇਸ ਤਸਵੀਰ ਦਾ ਰਾਜ਼

Jass Manak: ਪੰਜਾਬੀ ਗਾਇਕ ਜੱਸ ਮਾਣਕ (Jass Manak) ਨੇ ਆਪਣੀ ਗਾਇਕੀ ਅਤੇ ਸਟਾਈਲਿਸ਼ ਲੁੱਕ ਨਾਲ ਪ੍ਰਸ਼ੰਸ਼ਕਾਂ ਨੂੰ ਦੀਵਾਨਾ ਬਣਾਇਆ ਹੈ। ਉਹ ਆਪਣੇ ਹਰ ਗੀਤ ਨਾਲ ਪ੍ਰਸ਼ੰਸ਼ਕਾਂ ਦਾ ਭਰਪੂਰ ਮਨੋਰੰਜਨ ਕਰਦੇ ਹਨ। ਜੱਸ ਮਾਣਕ ਨੂੰ Prada, ਸੂਟ ਪੰਜਾਬੀ, ਲਹਿੰਗਾ, ਵਿਆਹ ਅਤੇ ਬੌਸ ਵਰਗੇ ਗੀਤਾਂ ਲਈ ਜਾਣਿਆ ਜਾਂਦਾ ਹੈ। ਖਾਸ ਗੱਲ ਤਾਂ ਇਹ ਹੈ ਕਿ ਉਨ੍ਹਾਂ ਦੇ ਗੀਤ "ਲਹਿੰਗਾ" ਨੂੰ ਏਸ਼ੀਅਨ ਸੰਗੀਤ ਚਾਰਟਸ ਅਤੇ ਗਲੋਬਲ ਯੂਟਿਊਬ ਵੀਕਲੀ ਚਾਰਟਸ 'ਤੇ ਵੀ ਪ੍ਰਦਰਸ਼ਿਤ ਕੀਤਾ ਗਿਆ ਹੈ।

ਫਿਲਹਾਲ ਉਹ ਇੰਨ੍ਹੀ ਦਿਨੀਂ ਆਪਣੇ ਗੀਤ ਨਾਂਹ ਨੂੰ ਲੈ ਕੇ ਚਰਚਾ ਵਿੱਚ ਹਨ। ਇਸ ਗੀਤ ਵਿੱਚ ਉਨ੍ਹਾਂ ਦੇ ਨਾਲ ਜੋ ਮਾਡਲ ਐਕਟ ਕਰਦੇ ਹੋਏ ਨਜ਼ਰ ਆ ਰਹੀ ਹੈ, ਉਸ ਨਾਲ ਜੱਸ ਮਾਣਕ ਦੀਆਂ ਕਈ ਤਸਵੀਰਾਂ ਸੋਸ਼ਲ ਮੀਡੀਆ ਤੇ ਵਾਇਰਲ ਹੋ ਰਹੀਆ ਹਨ। ਜਿਸ ਨੂੰ ਦੇਖ ਕੇ ਫੈਨਜ਼ ਕੁੱਝ ਹੋਰ ਹੀ ਸਮਝ ਬੈਠੇ।

ਦਰਅਸਲ, ਕਲਾਕਾਰ ਵੱਲੋਂ ਪਹਿਲਾਂ ਮਾਡਲ ਨਾਲ ਕਈ ਤਸਵੀਰਾਂ ਸ਼ੇਅਰ ਕਰ ਕੈਪਸ਼ਨ ਵਿੱਚ ਲਿਖਿਆ ਗਿਆ ਸੀ- "With Love". ਇਸ ਤੋਂ ਬਾਅਦ ਵੀ ਜੱਸ ਮਾਣਕ ਨੂੰ ਫੈਨਜ਼ ਵੱਲੋਂ ਵਧਾਈਆਂ ਵੀ ਦਿੱਤੀਆ ਗਈਆਂ ਸੀ। ਹਾਲਾਂਕਿ ਇਸ ਬਾਰੇ ਹਾਲੇ ਗਾਇਕ ਵੱਲੋਂ ਅਧਿਕਾਰਿਕ ਐਲਾਨ ਨਹੀਂ ਕੀਤਾ ਗਿਆ ਹੈ।

ਗੱਲ ਜੇਕਰ ਮਾਣਕ ਦੇ ਗਾਇਕੀ ਕੈਰੀਅਰ ਦੀ ਕਰਿਏ ਤਾਂ ਉਨ੍ਹਾਂ ਨੇ ਆਪਣੀ ਗਾਇਕੀ ਦੀ ਸ਼ੁਰੂਆਤ ਸਾਲ 2017 ਵਿੱਚ ਆਪਣੇ ਪਹਿਲੇ ਗੀਤ "ਯੂ-ਟਰਨ" ਨਾਲ ਕੀਤੀ। ਇਸ ਤੋਂ ਬਾਅਦ ਉਨ੍ਹਾਂ ਨੇ ਕਦੇ ਪਿੱਛੇ ਮੁੜ ਕੇ ਨਹੀਂ ਦੇਖਿਆ। ਜੱਸ ਮਾਣਕ ਨੂੰ ਪਸੰਦ ਕਰਨ ਵਾਲੇ ਨਾ ਸਿਰਫ ਦੇਸ਼ ਬਲਕਿ ਵਿਦੇਸ਼ ਵਿੱਚ ਵੀ ਮੌਜੂਦ ਹਨ।