Photos : ਬਹੁਤ ਘੱਟ ਲੋਕ ਜਾਣਦੇ ਕਿ ਅਭਿਨੇਤਰੀ ਰੇਖਾ ਦੀਆਂ ਨੇ 6 ਭੈਣਾ, ਜਾਣੋ ਇੰਨਾ ਬਾਰੇ

ਮੁੰਬਈ - ਬਾਲੀਵੁੱਡ ਦੀ ਦਿੱਗਜ ਅਭਿਨੇਤਰੀ ਰੇਖਾ (Rekha) ਆਪਣੀ ਅਦਾਕਾਰੀ ਅਤੇ ਖੂਬਸੂਰਤੀ ਨੂੰ ਲੈ ਕੇ ਕਾਫੀ ਚਰਚਾ 'ਚ ਰਹਿੰਦੀ ਹੈ। ਇਸ ਤੋਂ ਇਲਾਵਾ ਰੇਖਾ ਆਪਣੀ ਨਿੱਜੀ ਜ਼ਿੰਦਗੀ ਨੂੰ ਲੈ ਕੇ ਵੀ ਸੁਰਖੀਆਂ 'ਚ ਬਣੀ ਹੋਈ ਹੈ। ਉਮਰ ਦੇ ਇਸ ਪੜਾਅ 'ਤੇ, ਸਿੱਦਕ ਨਾਲ ਅਭਿਨੇਤਰੀ ਆਪਣੇ ਆਪਣਾ ਧਿਆਨ ਰੱਖਦੀ ਹੈ, ਉਸ ਮਾਮਲੇ ਵਿੱਚ ਬਹੁਤ ਸਾਰੀਆਂ ਨਵੀਆਂ ਅਭਿਨੇਤਰੀਆਂ ਵੀ ਉਨ੍ਹਾਂ ਦੇ ਸਾਹਮਣੇ ਫੇਲ ਹੋ ਜਾਂਦੀਆਂ ਹਨ। ਜਿਸ ਮੰਚ 'ਤੇ ਰੇਖਾ ਪਹੁੰਚਦੀ ਹੈ, ਉਹ ਉੱਥੇ ਹੀ ਛਾ ਜਾਂਦੀ ਹੈ।

ਅੱਜ ਵੀ, ਪ੍ਰਸ਼ੰਸਕ ਉਸਦੀ ਇੱਕ ਝਲਕ ਪਾਉਣ ਲਈ ਉਤਸੁਕ ਹਨ। ਇੰਨਾ ਹੀ ਨਹੀਂ, ਰੇਖਾ ਦੇ ਪਰਿਵਾਰ ਅਤੇ ਨਿਜੀ ਜ਼ਿੰਦਗੀ ਦੇ ਬਾਰੇ ਵਿੱਚ ਜਾਨਣ ਲਈ ਪ੍ਰਸ਼ੰਸਕ ਹਮੇਸ਼ਾ ਉਤਸੁਕ ਰਹਿੰਦੇ ਹਨ। ਸ਼ਾਇਦ ਬਹੁਤ ਘੱਟ ਲੋਕਾਂ ਨੂੰ ਪਤਾ ਹੋਵੇਗਾ ਕਿ ਰੇਖਾ ਇਕੱਲੀ ਨਹੀਂ ਹੈ ਬਲਕਿ ਉਸ ਦੀਆਂ 6 ਭੈਣਾਂ ਵੀ ਹਨ। ਤਾਂ ਆਓ ਤੁਹਾਨੂੰ ਰੇਖਾ ਦੀਆਂ 6 ਭੈਣਾਂ ਬਾਰੇ ਦੱਸਦੇ ਹਾਂ ਜੋ ਲਾਈਮ ਲਾਈਟ ਤੋਂ ਦੂਰ ਰਹਿੰਦੀਆਂ ਹਨ।

ਰੇਖਾ ਦੇ ਪਿਤਾ ਜੇਮਿਨੀ ਗਣੇਸ਼ਨ ਤਾਮਿਲ ਫਿਲਮ ਉਦਯੋਗ ਦੇ ਇੱਕ ਮਸ਼ਹੂਰ ਅਦਾਕਾਰ ਸਨ। ਜੇਮਿਨੀ ਦੇ ਤਿੰਨ ਵਿਆਹ ਹੋਏ ਸਨ। ਪਹਿਲੀ ਪਤਨੀ ਤੋਂ 4 ਧੀਆਂ, ਦੂਜੀ ਪਤਨੀ ਤੋਂ 2 ਧੀਆਂ ਰੇਖਾ ਅਤੇ ਰਾਧਾ ਹਨ। ਤੀਜੀ ਪਤਨੀ ਦਾ ਇੱਕ ਪੁੱਤਰ ਸਤੀਸ਼ ਅਤੇ ਧੀ ਵਿਜਯਾ ਚਾਮੁੰਡੇਸ਼ਵਰੀ ਹੈ। ਮਤਲਬ ਰੇਖਾ ਦੀ ਮਾਂ ਤੋਂ ਇੱਕ ਭੈਣ ਅਤੇ ਪੰਜ ਮਤਰੇਈ ਭੈਣਾਂ ਹਨ।

ਜੇਕਰ ਮੀਡੀਆ ਰਿਪੋਰਟਾਂ ਦੀ ਮੰਨੀਏ ਤਾਂ ਰੇਖਾ ਦੇ ਆਪਣੇ ਪਿਤਾ ਜੇਮਿਨੀ ਗਣੇਸ਼ਨ ਨਾਲ ਚੰਗੇ ਸੰਬੰਧ ਨਹੀਂ ਹਨ। ਪਰ ਉਸਦਾ ਆਪਣੀਆਂ 6 ਭੈਣਾਂ ਨਾਲ ਬਹੁਤ ਵਧੀਆ ਰਿਸ਼ਤਾ ਹੈ। ਰੇਖਾ ਦੀ ਵੱਡੀ ਭੈਣ ਰੇਵਤੀ ਸਵਾਮੀਨਾਥਨ ਅਮਰੀਕਾ ਵਿੱਚ ਡਾਕਟਰ ਹੈ।

ਰੇਖਾ ਦੀ ਦੂਜੀ ਭੈਣ ਦਾ ਨਾਂ ਕਮਲਾ ਸੇਲਵਰਾਜ ਹੈ। ਉਹ ਇੱਕ ਡਾਕਟਰ ਵੀ ਹੈ ਅਤੇ ਕਮਲਾ ਦਾ ਚੇਨਈ ਵਿੱਚ ਆਪਣਾ ਹਸਪਤਾਲ ਵੀ ਹੈ, ਜਿਸਦਾ ਨਾਂ ਜੀਜੀ ਹਸਪਤਾਲ ਹੈ।

ਰੇਖਾ ਦੀ ਤੀਜੀ ਭੈਣ ਦਾ ਨਾਂ ਨਾਰਾਇਣੀ ਗਣੇਸ਼ ਹੈ। ਤੁਹਾਨੂੰ ਇਹ ਜਾਣ ਕੇ ਹੈਰਾਨੀ ਹੋਵੇਗੀ ਕਿ ਉਹ ਇੱਕ ਵੱਡੇ ਪ੍ਰਮੁੱਖ ਅਖ਼ਬਾਰ ਵਿੱਚ ਪੱਤਰਕਾਰ ਹੈ।

ਰੇਖਾ ਦੀ ਇੱਕ ਭੈਣ ਵਿਜੇ ਚਾਮੁੰਡੇਸ਼ਵਰੀ ਹੈ। ਉਹ ਮੈਡੀਕਲ ਖੇਤਰ ਵਿੱਚ ਇੱਕ ਸਫਲ ਫਿਜ਼ੀਓਥੈਰੇਪਿਸਟ ਵੀ ਹੈ।

ਰੇਖਾ ਦੀ ਇੱਕ ਭੈਣ ਰਾਧਾ ਉਸਮਾਨ ਸਯਦ ਹੈ। ਸਿਰਫ ਰਾਧਾ ਨੇ ਰੇਖਾ ਅਤੇ ਉਸਦੇ ਪਿਤਾ ਵਾਂਗ ਅਦਾਕਾਰੀ ਵਿੱਚ ਆਪਣਾ ਹੱਥ ਅਜ਼ਮਾਇਆ। ਕੁਝ ਸਾਊਥ ਫਿਲਮਾਂ ਵਿੱਚ ਕੰਮ ਕੀਤਾ, ਪਰ ਸਫਲਤਾ ਨਹੀਂ ਮਿਲੀ। ਮਾਡਲ ਉਸਮਾਨ ਸ਼ਹੀਦ ਨਾਲ ਵਿਆਹ ਕਰਨ ਤੋਂ ਬਾਅਦ, ਉਸਨੇ ਆਪਣੇ ਆਪ ਨੂੰ ਫਿਲਮਾਂ ਤੋਂ ਦੂਰ ਕਰ ਲਿਆ ਅਤੇ ਇਸ ਵੇਲੇ ਅਮਰੀਕਾ ਵਿੱਚ ਰਹਿੰਦੀ ਹੈ।

ਰੇਖਾ ਦੀ ਸਭ ਤੋਂ ਛੋਟੀ ਭੈਣ ਦਾ ਨਾਂ ਜਯਾ ਸ਼੍ਰੀਧਰ ਹੈ। ਉਹ ਇੱਕ ਸਿਹਤ ਸਲਾਹਕਾਰ ਹੈ। ਰੇਖਾ ਦੀਆਂ ਜ਼ਿਆਦਾਤਰ ਭੈਣਾਂ ਨੇ ਮੈਡੀਕਲ ਖੇਤਰ ਵਿੱਚ ਆਪਣਾ ਹੱਥ ਅਜ਼ਮਾਇਆ ਹੈ। ਰੇਖਾ ਦੀ ਜਯਾ ਨਾਲ ਬਹੁਤ ਵਧੀਆ ਬਾਂਡਿੰਗ ਹੈ।