Shehnaaz Gill: ਸ਼ਹਿਨਾਜ਼ ਗਿੱਲ ਦੇ ਸ਼ੋਅ 'ਚ ਰਾਜਕੁਮਾਰ ਰਾਓ ਬਣੇ ਪਹਿਲੇ ਮਹਿਮਾਨ, ਹੋਈਆਂ ਦਿਲ ਦੀਆਂ ਗੱਲਾਂ
Desi Vibes With Shehnaaz Gill: ਬਿੱਗ ਬੌਸ ਸੀਜ਼ਨ 13 ਵਿੱਚ ਪੰਜਾਬ ਦੀ ਕੈਟਰੀਨਾ ਕੈਫ ਬਣ ਸ਼ਹਿਨਾਜ਼ ਗਿੱਲ (Shehnaaz Gill) ਨੇ ਖੂਬ ਸੁਰਖੀਆਂ ਬਟੋਰੀਆਂ। ਸ਼ਹਿਨਾਜ਼ ਨੂੰ ਜ਼ਿਆਦਾਤਰ ਪ੍ਰਸ਼ੰਸ਼ਕ ਸਨਾ ਵੀ ਕਹਿੰਦੇ ਹਨ। ਇਸ ਵਿਚਕਾਰ ਅਸੀ ਸਨਾ ਦੇ ਫੈਨਜ਼ ਲਈ ਖਾਸ ਖਬਰ ਲੈ ਕੇ ਆਏ ਹਾਂ। ਪੰਜਾਬ ਦੀ ਕੈਟਰੀਨਾ ਕੈਫ ਤੋਂ ਦੇਸ਼ ਦੀ ਸ਼ਹਿਨਾਜ਼ ਗਿੱਲ ਬਣੀ ਸਨਾ ਆਪਣਾ ਸ਼ੋਅ ਦੇਸੀ ਵਾਈਬਸ ਵਿਦ ਸ਼ਹਿਨਾਜ਼ ਗਿੱਲ ਲੈ ਕੇ ਪੇਸ਼ ਹੋ ਰਹੀ ਹੈ। ਜੀ ਹਾਂ, ਸਨਾ ਆਪਣੇ ਸੁਪਨਿਆਂ ਵੱਲ ਵਧਦੀ ਹੋਈ ਟਾਕ ਸ਼ੋਅ ਲੈ ਕੇ ਹਾਜ਼ਿਰ ਹੋ ਰਹੀ ਹੈ। ਜਿਸਦੇ ਸਭ ਤੋਂ ਪਹਿਲੇ ਗੈਸਟ ਰਾਜਕੁਮਾਰ ਰਾਓ ਬਣੇ ਹਨ।
ਪਹਿਲੇ ਐਪੀਸੋਡ ਦੇ ਸ਼ੂਟ ਦੀਆਂ ਕੁਝ ਤਸਵੀਰਾਂ ਸ਼ੇਅਰ ਕਰਦੇ ਹੋਏ ਸ਼ਹਿਨਾਜ਼ ਨੇ ਲਿਖਿਆ- ਸੁਪਨੇ ਸੱਚਮੁੱਚ ਸੱਚ ਹੁੰਦੇ ਹਨ। ਅਤੇ ਅੱਜ ਉਹ ਦਿਨ ਸੀ ਜਦੋਂ ਇਹ ਵਾਪਰਿਆ ਸੀ ਕਿ ਮੈਂ ਹਮੇਸ਼ਾ ਚਾਹੁੰਦੀ ਸੀ ਕਿ ਇਹ ਹੋ ਸਕਦਾ ਹੈ। ਮੈਂ ਹਮੇਸ਼ਾ ਰਾਜਕੁਮਾਰ ਰਾਓ ਵਰਗੇ ਕਲਾਕਾਰ ਨਾਲ ਕੰਮ ਕਰਨਾ ਚਾਹੁੰਦੀ ਸੀ ਅਤੇ ਅੱਜ ਮੈਂ ਉਨ੍ਹਾਂ ਨਾਲ ਆਪਣੇ ਟਾਕ ਸ਼ੋਅ ਦਾ ਪਹਿਲਾ ਐਪੀਸੋਡ ਸ਼ੂਟ ਕੀਤਾ ਜਿੱਥੇ ਉਹ ਮੇਰੇ ਪਹਿਲੇ ਮਹਿਮਾਨ ਸਨ। ਅੱਜ ਮੈਂ ਸੱਚਮੁੱਚ ਚੰਦ 'ਤੇ ਹਾਂ। ਮੇਰਾ ਸੱਦਾ ਸਵੀਕਾਰ ਕਰਨ ਲਈ ਰਾਜਕੁਮਾਰ ਰਾਓ ਦਾ ਧੰਨਵਾਦ। ਤੁਸੀਂਂ ਉੱਤਮ ਹੋ ਅਤੇ ਪ੍ਰਸ਼ੰਸਕਾਂ ਨੂੰ ਦੱਸੋ ਕਿ 11 ਨਵੰਬਰ ਨੂੰ ਨੈੱਟਫਲਿਕਸ 'ਤੇ ਮੋਨਿਕਾ ਓ ਮਾਈ ਡਾਰਲਿੰਗ ਦੇਖਣਾ ਨਾ ਭੁੱਲੋ।
ਜ਼ਿਕਰਯੋਗ ਹੈ ਕਿ ਸ਼ਹਿਨਾਜ਼ ਗਿੱਲ ਪਿਛਲੇ ਕੁਝ ਮਹੀਨਿਆਂ ਤੋਂ ਸੁਰਖੀਆਂ 'ਚ ਹੈ। ਇਕ ਇਵੈਂਟ ਦੌਰਾਨ ਇਕ ਰਿਪੋਰਟਰ ਨੇ ਉਨ੍ਹਾਂ ਨੂੰ ਪੁੱਛਿਆ ਕਿ ਉਨ੍ਹਾਂ ਦੀ ਫਿਲਮ 'ਤੇ ਕੰਮ ਕਿਵੇਂ ਚੱਲ ਰਿਹਾ ਹੈ, ਜਿਸ 'ਤੇ ਸ਼ਹਿਨਾਜ਼ ਨੇ ਜਵਾਬ ਦਿੱਤਾ- ਕਿਹੜੀ ਫਿਲਮ! ਸ਼ਹਿਨਾਜ਼ ਗਿੱਲ ਸਲਮਾਨ ਖਾਨ ਦੀ ਫਿਲਮ ‘ਕਿਸੀ ਕਾ ਭਾਈ ਕਿਸੀ ਕੀ ਜਾਨ’ ਨਾਲ ਆਪਣੇ ਫਿਲਮੀ ਕਰੀਅਰ ਦੀ ਸ਼ੁਰੂਆਤ ਕਰਨ ਜਾ ਰਹੀ ਹੈ। ਜਿਸਦਾ ਫੈਨਜ਼ ਨੂੰ ਵੀ ਬੇਸਬਰੀ ਨਾਲ ਇੰਤਜ਼ਾਰ ਹੈ।
