Happy Birthday Raftaar: ਰਫਤਾਰ ਅੱਜ ਮਨਾ ਰਹੇ 34ਵਾਂ ਜਨਮਦਿਨ, ਰੈਪਰ ਬਾਦਸ਼ਾਹ ਨੇ ਇੰਝ ਕੀਤਾ Wish

Happy Birthday Raftaar: ਭਾਰਤੀ ਰੈਪਰ ਰਫਤਾਰ (Raftaar) ਦਾ ਨਾਮ ਦੁਨੀਆ ਭਰ ਵਿੱਚ ਮਸ਼ਹੂਰ ਹੈ। ਉਨ੍ਹਾਂ ਨੇ ਮਿਊਜ਼ਿਕ ਇੰਡਸਟਰੀ ਨੂੰ ਕਈ ਹਿੱਟ ਗੀਤ ਦਿੱਤੇ ਹਨ। ਅੱਜ ਰੈਪਰ ਆਪਣਾ 34ਵਾਂ ਜਨਮਦਿਨ ਮਨਾ ਰਹੇ ਹਨ।

ਰੈਪਰ ਬਾਦਸ਼ਾਹ ਵੱਲੋਂ ਬੇਹੱਦ ਪੁਰਾਣੀ ਤਸਵੀਰ ਸ਼ੇਅਰ ਕਰ ਜਨਮਦਿਨ ਦੀ ਵਧਾਈ ਦਿੱਤੀ ਗਈ ਹੈ।

ਘਨਾ ਕਸੂਤਾ, ਸ਼੍ਰਿੰਗਾਰ, ਹਸੀਨੋ ਕਾ ਦੀਵਾਨਾ, ਫੁਲ ਡੋਪ, ਤੂੰ ਮੇਰਾ ਭਾਈ ਨਹੀਂ ਦੇ ਨਾਲ-ਨਾਲ ਹੋਰ ਕਈ ਗੀਤਾਂ ਨੂੰ ਆਪਣੀ ਆਵਾਜ਼ ਦੇਣ ਵਾਲੇ ਕਲਾਕਾਰ ਨੂੰ ਅੱਜ ਜਨਮਦਿਨ ਮੌਕੇ ਪ੍ਰਸ਼ੰਸ਼ਕਾਂ ਦੇ ਨਾਲ-ਨਾਲ ਫਿਲਮੀ ਹਸਤੀਆਂ ਵੀ ਵਧਾਈ ਦੇ ਰਹੀਆ ਹਨ। ਇਸ ਵਿਚਕਾਰ ਮਸ਼ਹੂਰ ਰੈਪਰ ਬਾਦਸ਼ਾਹ (Badshah) ਵੱਲੋਂ ਵੀ ਰਫਤਾਰ ਨੂੰ ਵਿਸ਼ ਕੀਤਾ ਗਿਆ ਹੈ। ਬਾਦਸ਼ਾਹ ਨੇ ਆਪਣੇ ਦੋਵਾਂ ਦੀ ਇੱਕ ਪੁਰਾਣੀ ਤਸਵੀਰ ਸ਼ੇਅਰ ਕੀਤੀ ਹੈ।

ਰੈਪਰ ਰਫਤਾਰ ਆਪਣੇ ਜ਼ਬਰਦਸਤ ਗੀਤਾਂ ਲਈ ਜਾਣੇ ਜਾਂਦੇ ਹਨ। ਉਨ੍ਹਾਂ ਨੇ ਰੋਡੀਜ਼ ਵਿੱਚ ਇੱਕ ਕੂਲ ਜੱਜ ਦੀ ਭੂਮਿਕਾ ਨਿਭਾਈ। ਉਹ ਆਪਣੀ ਪ੍ਰੋਫੈਸ਼ਨਲ ਦੇ ਨਾਲ-ਨਾਲ ਨਿੱਜੀ ਜ਼ਿੰਦਗੀ ਦੇ ਚੱਲਦੇ ਵੀ ਸੁਰਖੀਆਂ ਵਿੱਚ ਰਹੇ।

ਨਿੱਜੀ ਜ਼ਿੰਦਗੀ ਦੀ ਗੱਲ਼ ਕਰਿਏ ਤਾਂ ਰਫਤਾਰ ਨੇ ਕਰੀਬ ਛੇ ਸਾਲ ਬਾਅਦ ਪਤਨੀ ਕੋਮਲ ਵੋਹਰਾ ਤੋਂ ਤਲਾਕ ਲੈ ਲਿਆ ਸੀ। ਦੋਵਾਂ ਦੇ ਤਲਾਕ ਦੀ ਕੋਈ ਠੋਸ ਵਜ੍ਹਾ ਤਾਂ ਸਾਹਮਣੇ ਨਹੀਂ ਆਈ। ਹਾਲਾਂਕਿ ਦੋਵਾਂ ਦੇ ਰਿਸ਼ਤੇ ਵਿੱਚ ਖਟਾਸ ਆਉਣ ਤੋਂ ਬਾਅਦ ਉਨ੍ਹਾਂ ਇਹ ਫੈਸਲਾ ਲਿਆ।

ਤੁਹਾਨੂੰ ਇਹ ਜਾਣ ਕੇ ਹੈਰਾਨੀ ਹੋਵੇਗੀ ਕਿ ਰੈਪਰ ਨੇ ਆਪਣੇ ਕਰੀਅਰ ਦੀ ਸ਼ੁਰੂਆਤ ਬਤੌਰ ਡਾਂਸਰ ''ਮੈਕਸ'' ਨਾਲ ਕੀਤੀ ਸੀ। ਭਾਵੇਂ ਰਫਤਾਰ ਅੱਜ ਇੱਕ ਸਫਲ ਰੈਪਰ ਬਣ ਗਿਆ ਹੈ, ਉਹ ਹਮੇਸ਼ਾ ਡਾਂਸਰ ਬਣਨਾ ਚਾਹੁੰਦਾ ਸੀ।