Naga Chaitanya-Samantha: ਸਮੰਥਾ- ਨਾਗਾ ਚੈਤੰਨਿਆ ਦੇ ਤਲਾਕ ਦਾ ਖੁੱਲ੍ਹਿਆ ਰਾਜ਼! ਅਦਾਕਾਰਾ ਬੋਲੀ- ਮੈਂ ਮਾਨਸਿਕ ਤਸੀਹੇ ਝੱਲੇ, ਕੁੱਟਮਾਰ...

samantha ruth prabhu and naga chaitanya Divorce Reason: ਸਾਮੰਥਾ ਅਤੇ ਨਾਗਾ ਚੈਤੰਨਿਆ ਦਾ ਰਿਸ਼ਤਾ ਕਿਸੇ ਕੋਲੋਂ ਲੁਕਿਆ ਨਹੀਂ ਹੈ। ਇਸ ਜੋੜੀ ਨੇ ਆਪਣੇ ਰਿਸ਼ਤੇ ਦੇ ਚੱਲਦੇ ਖੂਬ ਸੁਰਖੀਆਂ ਬਟੋਰੀਆਂ। ਇਸ ਜੋੜੀ ਦਾ ਵਿਆਹ ਸਿਰਫ਼ ਚਾਰ ਸਾਲ ਹੀ ਚੱਲ ਸਕਿਆ। ਇਸ ਤੋਂ ਬਾਅਦ ਦੋਹਾਂ ਨੇ 2 ਅਕਤੂਬਰ, 2021 ਨੂੰ ਸੋਸ਼ਲ ਮੀਡੀਆ 'ਤੇ ਇੱਕ ਪੋਸਟ ਲਈ ਵੱਖ ਹੋਣ ਦਾ ਐਲਾਨ ਕਰਕੇ ਪ੍ਰਸ਼ੰਸਕਾਂ ਨੂੰ ਹੈਰਾਨ ਕਰ ਦਿੱਤਾ, ਜਿਸ ਤੋਂ ਬਾਅਦ ਕਾਫੀ ਅਟਕਲਾਂ ਲਗਾਈਆਂ ਗਈਆਂ। ਅਜੇ ਤੱਕ ਉਨ੍ਹਾਂ ਦੇ ਤਲਾਕ ਦਾ ਕਾਰਨ ਸਪੱਸ਼ਟ ਨਹੀਂ ਹੋ ਸਕਿਆ ਹੈ।

ਹੁਣ ਸਾਮੰਥਾ ਅਤੇ ਨਾਗਾ ਚੈਤੰਨਿਆ ਦੇ ਵੱਖ ਹੋਣ ਦੇ ਡੇਢ ਸਾਲ ਬਾਅਦ ਇਸ ਦਾ ਰਾਜ਼ ਖੁੱਲ੍ਹਿਆ ਹੈ। ਫਿਲਮ ਕ੍ਰਿਟਿਕਸ ਉਮੈਰ ਸੰਧੂ ਨੇ ਉਨ੍ਹਾਂ ਦੇ ਤਲਾਕ ਦਾ ਖੁਲਾਸਾ ਕੀਤਾ ਹੈ। ਆਪਣੇ ਟਵੀਟ ਦੇ ਮੁਤਾਬਕ, ਸਮੰਥਾ ਨੇ ਨਾਗਾ ਚੈਤੰਨਿਆ 'ਤੇ ਕਈ ਗੰਭੀਰ ਦੋਸ਼ ਲਗਾਏ ਹਨ।

ਜੇਕਰ ਰਿਪੋਰਟਾਂ ਦੀ ਮੰਨੀਏ ਤਾਂ ਸਮੰਥਾ ਰੂਥ ਪ੍ਰਭੂ ਨੇ ਨਾਗਾ ਚੈਤੰਨਿਆ ਤੋਂ ਆਪਣੇ ਤਲਾਕ ਦਾ ਅਸਿੱਧੇ ਤੌਰ 'ਤੇ ਖੁਲਾਸਾ ਕੀਤਾ ਹੈ। ਤੇਲਗੂ ਫਿਲਮਬੀਟ ਦੇ ਅਨੁਸਾਰ, ਫਿਲਮ ਆਲੋਚਕ ਉਮੈਰ ਸੰਧੂ ਨੇ ਟਵੀਟ ਕੀਤਾ ਅਤੇ ਲਿਖਿਆ, 'ਸਮੰਥਾ ਦੇ ਅਨੁਸਾਰ, ਨਾਗਾ ਚੈਤੰਨਿਆ ਨੇ ਉਸ ਨਾਲ ਗਲਤ ਵਿਵਹਾਰ ਕੀਤਾ ਅਤੇ ਉਹ ਬਹੁਤ ਮਾੜੇ ਪਤੀ ਹਨ।

ਉਮੈਰ ਨੇ ਆਪਣੇ ਟਵੀਟ 'ਚ ਸਮੰਥਾ ਬਾਰੇ ਅੱਗੇ ਲਿਖਿਆ ਕਿ 'ਮੈਂ ਮਾਨਸਿਕ ਤਸੀਹੇ ਝੱਲੇ ਹਨ। ਕੁੱਟਮਾਰ (ਸਰੀਰਕ ਤਸ਼ੱਦਦ) ਕੀਤੀ। ਮੈਂ ਗਰਭਵਤੀ ਸੀ ਪਰ ਮੇਰਾ ਗਰਭਪਾਤ ਹੋਇਆ ਸੀ। ਰੱਬ ਦਾ ਸ਼ੁਕਰ ਹੈ, ਮੈਂ ਤਲਾਕ ਲੈ ਲਿਆ ਅਤੇ ਉਸ ਤੋਂ ਵੱਖ ਹੋ ਗਈ'। ਹਾਲਾਂਕਿ ਇਸ ਪੂਰੇ ਮਾਮਲੇ 'ਤੇ ਸਮੰਥਾ ਅਤੇ ਨਾਗਾ ਚੈਤੰਨਿਆ ਦੀ ਅਧਿਕਾਰਤ ਪ੍ਰਤੀਕਿਰਿਆ ਸਾਹਮਣੇ ਨਹੀਂ ਆਈ ਹੈ।

ਫਿਲਮ ਕ੍ਰਿਟਿਕ ਦੇ ਇਸ ਟਵੀਟ ਦੇ ਸਾਹਮਣੇ ਆਉਣ ਤੋਂ ਬਾਅਦ ਸਾਮੰਥਾ ਅਤੇ ਨਾਗਾ ਚੈਤੰਨਿਆ ਦੇ ਤਲਾਕ ਦਾ ਕਾਰਨ ਇੱਕ ਵਾਰ ਫਿਰ ਤੋਂ ਸਾਊਥ ਇੰਡਸਟਰੀ ਵਿੱਚ ਸੁਰਖੀਆਂ ਵਿੱਚ ਆ ਗਿਆ ਹੈ। ਕੁਝ ਲੋਕਾਂ ਨੂੰ ਤਾਂ ਯਕੀਨ ਹੀ ਨਹੀਂ ਆਉਂਦਾ ਕਿ ਇਹ ਸੱਚ ਹੈ?

ਹਾਲਾਂਕਿ, ਸਮੰਥਾ ਅਤੇ ਨਾਗਾ ਚੈਤਨਿਆ ਇਨ੍ਹੀਂ ਦਿਨੀਂ ਆਪਣੇ ਕਰੀਅਰ 'ਤੇ ਧਿਆਨ ਦੇ ਰਹੇ ਹਨ। ਜਿੱਥੇ ਸਮੰਥਾ ਆਪਣੇ ਬਾਲੀਵੁੱਡ ਡੈਬਿਊ ਲਈ ਜ਼ੋਰ-ਸ਼ੋਰ ਨਾਲ ਤਿਆਰੀਆਂ ਕਰ ਰਹੀ ਹੈ, ਉਥੇ ਹੀ ਚੈਤਨਿਆ ਨੇ ਆਮਿਰ ਖਾਨ ਦੀ ਫਿਲਮ 'ਲਾਲ ਸਿੰਘ ਚੱਢਾ' ਨਾਲ ਬਾਲੀਵੁੱਡ 'ਚ ਡੈਬਿਊ ਕੀਤਾ ਹੈ।

ਸਾਮੰਥਾ ਦੇ ਵਰਕਫਰੰਟ ਦੀ ਗੱਲ ਕਰੀਏ ਤਾਂ ਉਹ 'ਖੁਸ਼ੀ', 'ਸ਼ਾਕੁੰਤਲਮ' ਦੇ ਨਾਲ-ਨਾਲ ਕਈ ਫਿਲਮਾਂ 'ਚ ਨਜ਼ਰ ਆਉਣ ਵਾਲੀ ਹੈ, ਜਿਸ ਦਾ ਪ੍ਰਸ਼ੰਸਕਾਂ ਨੂੰ ਬੇਸਬਰੀ ਨਾਲ ਇੰਤਜ਼ਾਰ ਹੈ। ਉਸ ਦੇ ਬਾਲੀਵੁੱਡ ਡੈਬਿਊ ਨੂੰ ਲੈ ਕੇ ਫੈਨਜ਼ ਵੀ ਕਾਫੀ ਉਤਸ਼ਾਹਿਤ ਹਨ।