Tania Birthday Special: ਤਾਨੀਆ ਨੇ ਫਿਲਮ 'ਲੇਖ' ਦੀ ਰੌਣਕ ਬਣ ਜਿੱਤਿਆ ਦਿਲ, ਅੱਜ ਮਨਾ ਰਹੀ 29ਵਾਂ ਜਨਮਦਿਨ

Tania Birthday Special: ਪਾਲੀਵੁੱਡ ਫਿਲਮ ਇੰਡਸਟਰੀ ਵਿੱਚ ਆਪਣੇ ਹਰ ਕਿਰਦਾਰ ਅਤੇ ਖੂਬਸੂਰਤ ਅੰਦਾਜ਼ ਨਾਲ ਦਰਸ਼ਕਾਂ ਦਾ ਦਿਲ ਜਿੱਤਣ ਵਾਲੀ ਸਟਾਰ ਤਾਨੀਆ (Tania) ਹਰ ਕਿਸੇ ਦੀ ਪਸੰਦੀਦਾ ਬਣ ਚੁੱਕੀ ਹੈ। ਸਾਲ 2018 ਵਿੱਚ ਫਿਲਮ ਕਿਸਮਤ ਵਿੱਚ ਤਾਨੀਆ ਨੇ ਅਮਨ ਨਾਂਅ ਦੇ ਕਿਰਦਾਰ ਨਾਲ ਇੰਡਸਟਰੀ ਵਿੱਚ ਕਦਮ ਰੱਖਿਆ। ਇਸ ਤੋਂ ਬਾਅਦ ਤਾਨੀਆ ਨੇ ਫਿਲਮ ਸਨ ਆਫ ਮਨਜੀਤ ਸਿੰਘ ਵਿੱਚ ਸਿਮਰਨ ਦੀ ਭੂਮਿਕਾ ਨਿਭਾਈ। ਤਾਨੀਆ ਨੇ ਫਿਲਮ ਪਟੋਲੇ, ਰੱਬ ਦਾ ਰੇਡੀਓ 2 ਅਤੇ ਸੁਫਨਾ ਵਿੱਚ ਆਪਣੀ ਕਲਾਕਾਰੀ ਦਾ ਲੋਹਾ ਮਨਵਾਇਆ। ਦੱਸ ਦੇਈਏ ਕਿ ਅੱਜ ਤਾਨੀਆ ਆਪਣਾ 29ਵਾਂ ਜਨਮਦਿਨ ਮਨਾ ਰਹੀ ਹੈ। ਇਸ ਖਾਸ ਮੌਕੇ ਤੇ ਆਓ ਜਾਣਿਏ ਅਦਾਕਾਰਾ ਬਾਰੇ ਖਾਸ।

ਜਾਣਕਾਰੀ ਲਈ ਦੱਸ ਦੇਈਏ ਕਿ 6 ਮਈ 1993 ਵਿੱਚ ਜਨਮੀ ਤਾਨੀਆ ਨੂੰ ਦੋ ਬ੍ਰਿਟਿਸ਼ ਏਸ਼ੀਆ ਟੀਵੀ ਅਵਾਰਡਾਂ ਲਈ ਨਾਮਜ਼ਦ ਕੀਤਾ ਗਿਆ ਸੀ, ਜਿਸ ਵਿੱਚ ਕਿਸਮਤ (2018) ਵਿੱਚ ਉਸਦੇ ਪ੍ਰਦਰਸ਼ਨ ਲਈ "ਸਰਬੋਤਮ ਸਹਾਇਕ ਅਦਾਕਾਰਾ" ਵਜੋਂ ਇੱਕ ਅਵਾਰਡ ਆਪਣੇ ਨਾਮ ਕੀਤਾ ਸੀ।

ਤਾਨੀਆ ਨੇ ਆਪਣੇ ਐਕਟਿੰਗ ਕਰੀਅਰ ਦੀ ਸ਼ੁਰੂਆਤ ਪੰਜਾਬੀ ਫਿਲਮ 'ਕਿਸਮਤ' (2018) ਨਾਲ ਕੀਤੀ ਸੀ। ਇਸੇ ਸਾਲ ਉਨ੍ਹਾਂ ਨੇ ਫਿਲਮ 'ਸਨ ਆਫ ਮਨਜੀਤ ਸਿੰਘ' ਲਈ ਕੰਮ ਕੀਤਾ। ਤਾਨੀਆ ਫਿਲਮ ''ਕਿਸਮਤ'' ''ਚ ਇਕ ਗੀਤ ''ਗਲਾਂ ਤੇਰੀਆਂ'' ਨਾਲ ਮਸ਼ਹੂਰ ਹੋਈ ਸੀ।

ਅਦਾਕਾਰਾ ਤਾਨੀਆ ਆਪਣੇ ਸ਼ੋਸ਼ਲ ਮੀਡੀਆ ਅਕਾਊਂਟ ਇੰਸਟਾਗ੍ਰਾਮ ਦੇ ਜ਼ਰਿਏ ਹਮੇਸ਼ਾ ਫੈਨਜ਼ ਨਾਲ ਜੁੜੀ ਰਹਿੰਦੀ ਹੈ। ਉਹ ਹਮੇਸ਼ਾ ਆਪਣੀਆਂ ਖੂਬਸੂਰਤ ਤਸਵੀਰਾਂ ਅਤੇ ਵੀਡੀਓ ਪ੍ਰਸ਼ੰਸ਼ਕਾਂ ਨਾਲ ਸ਼ੇਅਰ ਕਰਦੀ ਰਹਿੰਦੀ ਹੈ। ਇਨ੍ਹਾਂ ਤਸਵੀਰਾਂ ਵਿੱਚ ਦੇਖੋ ਤਾਨੀਆ ਦਾ ਵੱਖਰਾ ਅਤੇ ਸਾਦਗੀ ਭਰਿਆ ਅੰਦਾਜ਼।

ਤਾਨੀਆ ਦੀ ਹਾਲ ਹੀ 'ਚ ਰਿਲੀਜ਼ ਹੋਈ ਫਿਲਮ ਲੇਖ ਨੂੰ ਦਰਸ਼ਕਾਂ ਦਾ ਭਰਪੂਰ ਪਿਆਰ ਮਿਲਿਆ। ਫਿਲਮ ਵਿੱਚ ਗੁਰਨਾਮ ਭੁੱਲਰ ਨਾਲ ਅਦਾਕਾਰਾ ਦੀ ਲਵ ਕੇਮਿਸਟ੍ਰੀ ਨੇ ਦਰਸ਼ਕਾਂ ਦਾ ਮਨ ਮੋਹ ਲਿਆ। ਰੌਣਕ ਅਤੇ ਰਾਜਵੀਰ ਆਪਣੇ ਹਰ ਅੰਦਾਜ਼ ਨਾਲ ਪ੍ਰਸ਼ੰਸ਼ਕਾਂ ਨੂੰ ਪ੍ਰਭਾਵਿਤ ਕਰਨ ਵਿੱਚ ਕਾਮਯਾਬ ਰਹੇ।

ਫਿਲਹਾਲ ਆਪਣਾ 29ਵਾਂ ਜਨਮਦਿਨ ਸੇਲਿਬ੍ਰੇਟ ਕਰ ਰਹੀ ਅਦਾਕਾਰਾ ਦੇ ਆਓਣ ਵਾਲੇ ਪ੍ਰੋਜੈਕਟ ਦੀ ਜਾਣਕਾਰੀ ਹਾਲੇ ਸਾਹਮਣੇ ਨਹੀਂ ਆਈ ਹੈ। ਪਰ ਤਾਨੀਆ ਨੂੰ ਸਕ੍ਰੀਨ ਤੇ ਦੇਖਣ ਲਈ ਫੈਨਜ਼ ਹਮੇਸ਼ਾ ਬੇਤਾਬ ਰਹਿੰਦੇ ਹਨ।