ਟਾਈਗਰ ਸ਼ਰਾਫ ਨੇ ਮੁੰਬਈ ਦੇ ਸਭ ਤੋਂ ਮਹਿੰਗੇ ਇਲਾਕੇ 'ਚ ਖਰੀਦਿਆ ਆਲੀਸ਼ਾਨ ਘਰ, ਸ਼ੇਅਰ ਕੀਤੀਆਂ ਤਸਵੀਰਾਂ  

ਬਾਲੀਵੁੱਡ ਦਾ ਮਸ਼ਹੂਰ ਚਿਹਰਾ ਜਿਸ ਨੇ ਕੁੱਛ ਤਸਵੀਰਾਂ ਸਾਂਝੀਆਂ ਕਰ ਸਭ ਨੂੰ ਹੈਰਾਨ ਕਰ ਦਿੱਤਾ ਹੈ, ਟਾਈਗਰ ਸ਼ਰਾਫ ਦੀ ਸਫਲਤਾ ਇਨੀਂ ਦਿਨੀਂ ਆਸਮਾਨ ਛੂਹ ਰਹੀ ਹੈ। ਹਾਲ ਹੀ 'ਚ ਅਦਾਕਾਰ ਨੇ ਮੁੰਬਈ ਦੇ ਸਭ ਤੋਂ ਮਹਿੰਗੇ ਇਲਾਕੇ 'ਚ ਇਕ ਆਲੀਸ਼ਾਨ ਲਗਜ਼ਰੀ ਘਰ ਖਰੀਦਿਆ ਹੈ। ਇਸ ਥਾਂ 'ਤੇ ਕਈ ਵੱਡੇ ਸਿਤਾਰੇ ਰਹਿੰਦੇ ਹਨ ਅਤੇ ਇਥੇ ਰਹਿਣਾ ਹਰ ਕਿਸੇ ਦਾ ਸੁਫ਼ਨਾ ਹੈ।

ਟਾਈਗਰ ਨੇ ਇਹ ਘਰ ਮੁੰਬਈ ਦੇ ਖਾਰ ਵੈਸਟ 'ਚ ਰੂਸਤਮਜੀ ਪੈਰਾਮਾਊਂਟ 'ਚ ਲਿਆ ਹੈ। ਅਦਾਕਾਰ ਦੇ ਆਲੀਸ਼ਾਨ ਘਰ ਦੀਆਂ ਤਸਵੀਰਾਂ ਸੋਸ਼ਲ ਮੀਡੀਆ 'ਤੇ ਖੂਬ ਵਾਇਰਲ ਹੋ ਰਹੀਆਂ ਹਨ। ਟਾਈਗਰ ਇਸ ਨਵੇਂ ਘਰ 'ਚ ਆਪਣੇ ਪੂਰੇ ਪਰਿਵਾਰ ਦੇ ਨਾਲ ਰਹਿਣਗੇ। ਟਾਈਗਰ ਪਾਪਾ ਜੈਕੀ ਸ਼ਰਾਫ, ਮਾਂ ਆਇਸ਼ਾ ਸ਼ਰਾਫ ਅਤੇ ਭੈਣ ਕ੍ਰਿਸ਼ਨਾ ਸ਼ਰਾਫ ਦੇ ਨਾਲ ਇਸ ਘਰ 'ਚ ਸ਼ਿਫਟ ਹੋ ਗਏ ਹਨ।

ਟਾਈਗਰ ਦੇ ਇਸ ਘਰ 'ਚ ਅੱਠ ਕਮਰੇ ਹਨ। ਟਾਈਗਰ ਨੇ ਆਪਣੇ ਇਸ ਘਰ ਨੂੰ ਜਾਨ ਅਬਰਾਹਿਮ ਦੇ ਭਰਾ ਏਲੇਨ ਤੋਂ ਡਿਜ਼ਾਈਨ ਕਰਵਾਇਆ ਹੈ। ਏਲੇਨ ਬਿਹਤਰੀਨ ਡਿਜ਼ਾਈਨਰ ਦੀ ਲਿਸਟ 'ਚ ਆਉਂਦੇ ਹਨ ਅਤੇ ਉਨ੍ਹਾਂ ਨੇ ਕਈ ਸਿਤਾਰਿਆਂ ਦੇ ਘਰਾਂ ਨੂੰ ਸਜਾਇਆ ਹੈ।

ਟਾਈਗਰ ਦੇ ਇਸ ਘਰ 'ਚ ਜਿਮ, ਸਵੀਮਿੰਗ ਪੂਲ, ਗੇਮ ਰੂਮ ਆਦਿ ਸਭ ਕੁਝ ਹੈ। ਇਸ ਘਰ ਦੀ ਖਾਸ ਗੱਲ ਹੈ ਕਿ ਉਨ੍ਹਾਂ ਦੇ ਘਰ ਤੋਂ ਅਰਬ ਸਾਗਰ ਬਿਲਕੁੱਲ ਸਾਫ ਦਿਖਾਈ ਦਿੰਦਾ ਹੈ। ਪ੍ਰਸ਼ੰਸਕ ਅਦਾਕਾਰ ਦੇ ਇਸ ਨਵੇਂ ਘਰ ਦੀਆਂ ਤਸਵੀਰਾਂ ਨੂੰ ਖ਼ੂਬ ਪਸੰਦ ਕਰ ਰਹੇ ਹਨ।

ਦੱਸ ਦੇਈਏ ਕਿ ਟਾਈਗਰ ਦੀ ਫੈਮਿਲੀ ਪਹਿਲਾਂ ਕਾਰਟਰ ਰੋਡ 'ਤੇ ਇਕ ਬਿਲਡਿੰਗ 'ਚ ਕਿਰਾਏ 'ਤੇ ਰਹਿ ਰਹੀ ਸੀ। ਇਸ ਕੰਪਲੈਕਸ 'ਚ ਹਾਰਦਿਕ ਪਾਂਡਿਆ, ਰਾਣੀ ਮੁਖਰਜੀ, ਕੁਣਾਲ ਪਾਂਡਿਆਂ, ਮੇਘਨਾ ਘਈ ਪੁਰੀ, ਦਿਸ਼ਾ ਪਾਟਨੀ ਵਰਗੇ ਕਈ ਸਿਤਾਰੇ ਘਰ ਖਰੀਦਣ ਦੀ ਇੱਛਾ ਜਤਾ ਚੁੱਕੇ ਹਨ ਤੇ ਦਰਸ਼ਕਾਂ ਵਲੋਂ ਘਰ ਦੀਆਂ ਤਸਵੀਰਾਂ ਨੂੰ ਖੂਬ ਪਸੰਦ ਕੀਤਾ ਜਾ ਰਿਹਾ ਹੈਂ।