Upasana Singh Birthday: ਉਪਾਸਨਾ ਸਿੰਘ ਨੇ 'ਪਿੰਕੀ ਬੂਆ' ਬਣਕੇ ਜਿੱਤਿਆ ਦਿਲ, ਜਾਣੋ ਉਨ੍ਹਾਂ ਦਾ ਦਿਲਚਸਪ ਫ਼ਿਲਮੀ ਸਫ਼ਰ

ਉਪਾਸਨਾ ਸਿੰਘ ਨੇ ਬਾਲੀਵੁੱਡ ਤੋਂ ਲੈ ਕੇ ਪੰਜਾਬੀ ਸਿਨੇਮਾ ਅਤੇ ਟੀਵੀ ਸੀਰੀਅਲਾਂ ਵਿੱਚ ਕੰਮ ਕੀਤਾ ਹੈ। ਉਪਾਸਨਾ ਦਾ ਜਨਮ ਸਾਲ 1974 'ਚ ਹੁਸ਼ਿਆਰਪੁਰ 'ਚ ਹੋਇਆ ਸੀ। ਉਸ ਨੇ ਆਪਣੀ ਮੁੱਢਲੀ ਸਿੱਖਿਆ ਉੱਥੇ ਹੀ ਪ੍ਰਾਪਤ ਕੀਤੀ। ਹਾਲਾਂਕਿ, ਉਸਨੇ ਪੰਜਾਬ ਯੂਨੀਵਰਸਿਟੀ ਤੋਂ ਡਰਾਮੇਟਿਕ ਆਰਟ ਵਿੱਚ ਮਾਸਟਰ ਦੀ ਡਿਗਰੀ ਲਈ। ਦੱਸਿਆ ਜਾਂਦਾ ਹੈ ਕਿ ਉਪਾਸਨਾ ਨੂੰ ਬਚਪਨ ਤੋਂ ਹੀ ਐਕਟਿੰਗ ਦਾ ਸ਼ੌਕ ਸੀ। ਉਹ ਸੱਤ ਸਾਲ ਦੀ ਉਮਰ ਤੋਂ ਅਦਾਕਾਰੀ ਕਰ ਰਹੀ ਹੈ। ਉਹ ਆਪਣੀ ਛੋਟੀ ਉਮਰ ਤੋਂ ਹੀ ਸਕੂਲ ਦੀ ਤਰਫੋਂ ਦੂਰਦਰਸ਼ਨ 'ਤੇ ਪ੍ਰੋਗਰਾਮ ਕਰਦੀ ਸੀ। (ਫੋਟੋ ਕ੍ਰੈਡਿਟ Instagram @itsupasanasingh)

ਉਪਾਸਨਾ ਸਿੰਘ ਬਚਪਨ ਤੋਂ ਹੀ ਐਕਟਿੰਗ ਕਰਦੀ ਆ ਰਹੀ ਹੈ। ਉਪਾਸਨਾ ਸਿੰਘ ਨੇ ਸਾਲ 1986 'ਚ ਫਿਲਮ 'ਬਾਬੁਲ' ਨਾਲ ਬਾਲੀਵੁੱਡ 'ਚ ਡੈਬਿਊ ਕੀਤਾ ਸੀ।

ਉਪਾਸਨਾ ਸਿੰਘ ਹੁਣ ਤੱਕ ਕਰੀਬ 75 ਫਿਲਮਾਂ 'ਚ ਕੰਮ ਕਰ ਚੁੱਕੀ ਹੈ। ਆਪਣੇ ਕਰੀਅਰ ਵਿੱਚ, ਅਦਾਕਾਰਾ ਨੇ ਹਿੰਦੀ ਦੇ ਨਾਲ-ਨਾਲ ਪੰਜਾਬੀ, ਭੋਜਪੁਰੀ ਅਤੇ ਗੁਜਰਾਤੀ ਭਾਸ਼ਾਵਾਂ ਵਿੱਚ ਵੀ ਫਿਲਮਾਂ ਕੀਤੀਆਂ ਹਨ। (ਫੋਟੋ ਕ੍ਰੈਡਿਟ Instagram @itsupasanasingh)

ਉਪਾਸਨਾ ਸਿੰਘ 'ਡਰ', 'ਜੁਦਾਈ', 'ਲੋਫਰ', 'ਜੁਦਾਈ', 'ਇਸ਼ਕ-ਵਿਸ਼ਕ', 'ਹੰਗਾਮਾ', 'ਹਲਚਲ', 'ਐਤਰਾਜ਼' ਅਤੇ 'ਜੁੜਵਾ-2' ਵਰਗੀਆਂ ਫ਼ਿਲਮਾਂ ਲਈ ਜਾਣੀ ਜਾਂਦੀ ਹੈ।

ਉਪਾਸਨਾ ਸਿੰਘ ਫਿਲਮੀ ਪਰਦੇ 'ਤੇ ਆਪਣੀ ਪਛਾਣ ਨਹੀਂ ਬਣਾ ਸਕੀ, ਜਿਸ ਤੋਂ ਬਾਅਦ ਉਸ ਨੇ ਟੀਵੀ ਵੱਲ ਰੁਖ਼ ਕੀਤਾ ਅਤੇ ਇੱਥੇ ਆ ਕੇ ਉਹ ਕਾਮੇਡੀ ਕਵੀਨ ਬਣ ਗਈ। ਉਸ ਨੇ 'ਸੋਨਪਰੀ', 'ਮਾਇਕਾ', 'ਰਾਜਾ ਕੀ ਆਏਗੀ ਬਾਰਾਤ', 'ਫਿਰ ਭੀ ਦਿਲ ਹੈ ਹਿੰਦੁਸਤਾਨੀ', 'ਢਾਬਾ ਜੰਕਸ਼ਨ', 'ਮੈਂ ਕਬ ਸਾਸ ਬਣੂਗੀ' ਆਦਿ ਸਮੇਤ ਦੋ ਦਰਜਨ ਦੇ ਕਰੀਬ ਸੀਰੀਅਲਾਂ 'ਚ ਕੰਮ ਕੀਤਾ ਹੈ।

ਟੀਵੀ ਅਤੇ ਬਾਲੀਵੁੱਡ ਫਿਲਮਾਂ ਤੋਂ ਇਲਾਵਾ ਉਪਾਸਨਾ ਸਿੰਘ ਭੋਜਪੁਰੀ ਫਿਲਮਾਂ ਵਿੱਚ ਕੰਮ ਕਰ ਚੁੱਕੀ ਹੈ। ਉਹ 'ਫੂਲਵਤੀ', 'ਮੈਂ ਹੂੰ ਗੀਤਾ', 'ਗੰਗਾ ਕਾ ਬਚਨ', 'ਇਨਸਾਫ ਕੀ ਦੇਵੀ', 'ਖੂਨ ਕਾ ਸਿੰਦੂਰ' ਵਰਗੀਆਂ 42 ਫਿਲਮਾਂ 'ਚ ਕੰਮ ਕਰ ਚੁੱਕੀ ਹੈ।

ਤੁਹਾਨੂੰ ਦੱਸ ਦੇਈਏ ਕਿ ਉਪਾਸਨਾ 'ਦਿ ਕਪਿਲ ਸ਼ਰਮਾ ਸ਼ੋਅ' 'ਚ ਆਪਣੀ ਦਮਦਾਰ ਅਦਾਕਾਰੀ ਅਤੇ ਕਾਮੇਡੀ ਲਈ ਮਸ਼ਹੂਰ ਹੈ। ਇਸ ਸ਼ੋਅ ਨੇ ਉਸ ਨੂੰ ਟੀਵੀ ਦੀ ਦੁਨੀਆ ਵਿੱਚ ਇੱਕ ਵੱਖਰੀ ਪਛਾਣ ਦਿੱਤੀ ਹੈ। ਇਸ ਸ਼ੋਅ 'ਚ ਉਸ ਨੇ ਪਿੰਕੀ ਭੂਆ ਦਾ ਕਿਰਦਾਰ ਨਿਭਾ ਕੇ ਸਾਰਿਆਂ ਦਾ ਦਿਲ ਜਿੱਤ ਲਿਆ ਸੀ।

ਉਪਾਸਨਾ ਦਾ ਵਿਆਹ ਟੀਵੀ ਸੀਰੀਅਲ 'ਏ ਦਿਲ-ਏ ਨਾਦਾਨ' ਅਤੇ 'ਸਾਥ ਨਿਭਾਨਾ ਸਾਥੀਆ' ਦੇ ਅਦਾਕਾਰ ਨੀਰਜ ਭਾਰਦਵਾਜ ਨਾਲ ਹੋਇਆ ਹੈ। ਲੰਬੇ ਸਮੇਂ ਤੱਕ ਡੇਟਿੰਗ ਕਰਨ ਤੋਂ ਬਾਅਦ, ਉਨ੍ਹਾਂ ਨੇ ਸਾਲ 2009 ਵਿੱਚ ਵਿਆਹ ਕਰ ਲਿਆ।